സംസ്ഥാന വികലാംഗ കോര്പറേഷന് 40-ാം വാര്ഷികം: ലോഗോ പ്രകാശനം നിര്വഹിച്ചു
ഭിന്നശേഷിക്കാരുടെ ക്ഷേമത്തിനായി പ്രവര്ത്തിക്കുന്ന സാമൂഹ്യനീതി വകുപ്പിന് കീഴിലുള്ള പൊതുമേഖല സ്ഥാപനമായ കേരള സംസ്ഥാന വികലാംഗ കോര്പറേഷന്റെ 40-ാം വാര്ഷികാഘോഷത്തിന്റെ ലോഗോ പ്രകാശനം ആരോഗ്യ സാമൂഹ്യനീതി വനിത ശിശുവികസന വകുപ്പ് മന്ത്രി കെ.കെ. ശൈലജ ടീച്ചര് നിര്വഹിച്ചു. 'ഭിന്നശേഷിക്കാര്ക്കൊപ്പം 40 വര്ഷം' എന്ന ടാഗ് ലൈനോട് കൂടിയാണ് ലോഗോ തയ്യാറാക്കിയിരിക്കുന്നത്.
വികലാംഗ കോര്പറേഷന്റെ 40-ാം വാര്ഷികാഘോഷത്തിന്റെ ഭാഗമായി ഒരുവര്ഷം നീണ്ടുനില്ക്കുന്ന ആഘോഷ പരിപാടികളാണ് സംഘടിപ്പിക്കുന്നത്. ആഘോഷ പരിപാടികളുടെ സംസ്ഥാനതല ഉദ്ഘാടനം സെപ്റ്റംബര് 25-ാം തീയതി ഉച്ചയ്ക്ക് 2.30ന് തിരുവന്തപുരം അയ്യങ്കാളി ഹാളില് (വി.ജെ.ടി) വച്ച് മന്ത്രി കെ.കെ. ശൈലജ ടീച്ചറുടെ അധ്യക്ഷതയില് മുഖ്യമന്ത്രി പിണറായി വിജയന് നിര്വഹിക്കുന്നതാണ്. വാര്ഷികാഘോഷത്തിന്റെ ഭാഗമായി എല്ലാ ജില്ലകളിലും വ്യത്യസ്തങ്ങളായ പരിപാടികള് നടത്താനാണ് കോര്പറേഷന് ഉദ്ദേശിക്കുന്നത്.
സാമൂഹ്യനീതി വകുപ്പ് സ്പെഷ്യല് സെക്രട്ടറി ബിജു പ്രഭാകര്, ഡയറക്ടര് ഷീബ ജോര്ജ്, കോര്പറേഷന് ചെയര്മാന് അഡ്വ. പരശുവയ്ക്കല് മോഹനന്, മാനേജിംഗ് ഡയറക്ടര് കെ. മൊയ്തീന് കുട്ടി, ഫിനാന്സ് ഓഫീസര് മഞ്ജു എസ്.എസ്., സോഷ്യല് സെക്യൂരിറ്റി മിഷന് എക്സിക്യുട്ടീവ് ഡയറക്ടര് ഡോ. മുഹമ്മദ് അഷില്, കൊറ്റാമം വിമല്കുമാര് എന്നിവര് ലോഗോ പ്രകാശനത്തില് സന്നിഹിതരായി.
https://www.facebook.com/Malayalivartha