മാർ ഇവാനിയോസ് കോളജ് ക്യാമ്പസിൽ വാഹനാപകടം ; രണ്ട് വിദ്യാർഥികൾക്ക് ഗുരുതരമായി പരിക്കേറ്റു
നാലാഞ്ചിറ മാർ ഇവാനിയോസ് കോളജ് ക്യാമ്പസിൽ വാഹനാപകടം. അപകടത്തിൽ രണ്ട് വിദ്യാർഥികൾക്ക് ഗുരുതരമായി പരിക്ക് സംഭവിച്ചു. റിതാ ഷെരീഫ്, അഭിനവ് എന്നീ വിദ്യാർഥികൾക്കാണ് സാരമായി പരുക്ക് പറ്റിയിരിക്കുന്നത്. പരിക്കേറ്റ കുട്ടികളിൽ ഒരാൾ പട്ടത്തെ സ്വകാര്യ ആശുപത്രിയിൽ ശസ്ത്രക്രിയ കഴിഞ്ഞിരിക്കുന്നു.
സുരക്ഷാ ഉദ്യോഗസ്ഥരുടെ വിലക്ക് ലംഘിച്ച് രാകേഷ് ക്യാമ്പസിനുള്ളിലേക്ക് കാർ ഓടിച്ചു കയറ്റുകയായിരുന്നു. അമിതവേഗത്തിൽ പാഞ്ഞു വന്ന കാർ അപകടം ഉണ്ടാക്കുകയായിരുന്നു സംഭവത്തിൽ മണ്ണന്തല പൊലീസാണ് കേസെടുത്തത്. ക്യാമ്പസിനുള്ളിൽ പ്രവർത്തിക്കുന്ന സർവോദയ സിബിഎസ്ഇ സ്കൂളിലെ അഞ്ചാം ക്ലാസ് വിദ്യാർഥികളാണ് പരിക്കേറ്റ കുട്ടികൾ. കോളേജ് വിദ്യാർത്ഥിയായ രണ്ടാം വർഷ ബിരുദ വിദ്യാർഥിയായ കുന്നുകുഴി ബാർട്ടൺഹിൽ സ്വദേശി രാകേഷാണ് കാറോടിച്ചിരുന്നത്. രാകേഷിനെ പോലീസ് കസ്റ്റഡിയിൽ എടുത്തു . പിന്നീട് ജാമ്യത്തിൽ വിട്ടു. ഇന്നലെ ഉച്ചയ്ക്ക് കോളജ് ക്യാമ്പസിന് സമീപത്തെ സ്കൂളിന് മുന്നിലായിരുന്നു അപകടം.
https://www.facebook.com/Malayalivartha