ആ ശബ്ദം പുറത്ത്, താടിയും മുടിയും; അതിനിടെ നടന് ഷെയ്ന് നിഗത്തെ നിര്മാതാവ് ജോബി ജോര്ജ് ഭീഷണിപ്പെടുത്തുന്നതെന്നു പറയപ്പെടുന്ന ഫോണ് സംഭാഷണം പുറത്ത്
താന് നിര്മിക്കുന്ന ചിത്രത്തില് അഭിനയിച്ച ശേഷമേ താടിയും മുടിയും വെട്ടാവൂ എന്ന് ഷെയ്ന് നിഗവുമായി കരാറുണ്ടെന്ന് ജോബി ജോര്ജ്. പറഞ്ഞ സമയത്തൊന്നും ഷെയ്ന് ഷൂട്ടിങുമായി സഹകരിച്ചില്ല. 16 ദിവസം അഭിനയിച്ചപ്പോള് തന്നെ 30 ലക്ഷം രൂപ പ്രതിഫലമായി നല്കിയെന്നും ജോബി കൊച്ചിയില് വാര്ത്താസമ്മേളനത്തില് ആരോപിച്ചു. ആരെയും കൊല്ലുമെന്ന് ഭീഷണിപ്പെടുത്തിയിട്ടില്ലെന്നും ജോബി ജോര്ജ് പറഞ്ഞു.
അതിനിടെ നടന് ഷെയ്ന് നിഗത്തെ നിര്മാതാവ് ജോബി ജോര്ജ് ഭീഷണിപ്പെടുത്തുന്നതെന്നു പറയപ്പെടുന്ന ഫോണ് സംഭാഷണം പുറത്ത്. ഇതേ തുടര്ന്നാണ് ഷെയ്ന് നിഗം താരസംഘടനയായ അമ്മയ്ക്ക് പരാതി നല്കിയത്. നിന്നെ ഞാന് ഉറക്കില്ല. എനിക്ക് എന്റെ സിനിമയുടെ കാര്യം അറിയണമെന്നും ജോബിയുടെതായി പുറത്തുവിട്ട സംഭാഷണത്തില് പറയുന്നു.
ഷെയിന് നിഗവും നിര്മാതാവ് ജോബി ജോര്ജും തമ്മിലുള്ള തര്ക്കം പരിഹരിക്കാന് ചര്ച്ചയ്ക്ക് നീക്കം നടക്കുന്നുണ്ട്. സിനിമ നിര്മാതാക്കളുടെ സംഘടന ഇരുവരെയും ചര്ച്ചയ്ക്ക് വിളിക്കും. താരസംഘടന അമ്മയുടെ ജനറല് സെക്രട്ടറി ഇടവേള ബാബുവും പങ്കെടുക്കും. ജോബി ജോര്ജ് നിര്മാതാക്കളുടെ സംഘടനയ്ക്ക് ഇന്ന് പരാതി നല്കും.
https://www.facebook.com/Malayalivartha
