ഓഖിയുടെ വഴിയേ വീണ്ടുമൊരു ചുഴലി; വരുന്നത് കനത്ത മഴയുടെ 10 ദിവസങ്ങള്
വരുന്നത് കനത്ത മഴയുടെ 10 ദിവസങ്ങള്. ഓഖിയുടെ വഴിയേ വീണ്ടുമൊരു ചുഴലി. തുലാമഴയുടെ ശക്തിക്കു പിന്നില് ഇരട്ട എന്ജിന് പോലെ രണ്ടു ന്യൂനമര്ദങ്ങള്. ലക്ഷദ്വീപിനും കേരളത്തിനും ഇടയിലെ ന്യൂനമര്ദമാണ് അടുത്ത നാലു ദിവസത്തേക്കു മഴയെ ശക്തിപ്പെടുത്തുക. ഇത് അടുത്ത 36 മണിക്കൂറിനുള്ളില് തീവ്രന്യൂനമര്ദമായി മാറി ഒമാന് തീരത്തേക്കു നീങ്ങും. ഇതിന്റെ ഫലമായി 24 വരെ ഇവിടെ കനത്ത തുലാമഴ പ്രതീക്ഷിക്കാമെന്ന് ഇന്ത്യന് കാലാവസ്ഥാ കേന്ദ്രം വ്യക്തമാക്കുമ്പോള് കേരളം വലിയ ജാഗ്രതയോടെ മുന്നോട്ട് പോകേണ്ട സമയമാണിത്.
ബുധനാഴ്ചയോടെ ബംഗാള് ഉള്ക്കടലില് മറ്റൊരു ന്യൂനമര്ദം രൂപപ്പെടുന്നുണ്ട്. ഇത് ആന്ധ്ര തീരം വഴി കരയിലേക്കു കടക്കാനാണ് സാധ്യത. ഇതും കേരളത്തില് മഴയെത്തിക്കും. ഇതിനു ശേഷം ശ്രീലങ്കയ്ക്കും കന്യാകുമാരിക്കും ഇടയില് വീണ്ടുമൊരു ന്യൂനമര്ദം രൂപപ്പെട്ട് വീണ്ടും ശക്തമായ മഴയ്ക്കു കളമൊരുക്കുമെന്ന് യുഎസിലെയും ജപ്പാനിലെയും കാലാവസ്ഥാ ഏജന്സികള് പറയുന്നു. ഒക്ടോബര് അവസാന വാരത്തിലാവും ഇത് കനത്ത മഴയുമായി കേരളത്തെ പൊതിയുക. നവംബര് ആദ്യവാരവും നല്ല മഴ പ്രതീക്ഷിക്കാം. നവംബര്ഡിസംബര് മാസങ്ങളിലേക്കും ഈ വര്ഷം തുലാമഴ നീളാനാണു സാധ്യത. എന്നാല് ഇന്ത്യന് കാലാവസ്ഥാ കേന്ദ്രം ഇതു സംബന്ധിച്ച ചില സൂചനകള് മാത്രമാണ് നല്കിയിരിക്കുന്നത്. തമിഴ്നാടിനും കന്യാകുമാരിക്കും ഇടയില് രൂപപ്പെടുന്ന ഈ ന്യൂനമര്ദം തെക്കന് കേരളത്തിനു മുകളിലൂടെ അറബിക്കടലിലേക്കു വന്നാല് സംസ്ഥാനത്ത് കനത്ത മഴ ലഭിക്കും. ചൈനയില് നിന്നുള്ള മഴമേഘങ്ങളും ഈ സമയം ബംഗാള് ഉള്ക്കടലില് എത്താനിടയുണ്ട്.
https://www.facebook.com/Malayalivartha
