ഇന്ഡിഗോ വിമാന ജീവനക്കാരൻ ആധാര് കാര്ഡില് 'കാമുകിയെ' സഹോദരിയാക്കിയത് സൗജന്യമായി കേരളം ചുറ്റാൻ ...എന്നാൽ കാമുകിക്ക് ചര്മ്മം കണ്ടാല് പ്രായം തോന്നിക്കാത്തത് വിനയായി...പിന്നെ സംഭവിച്ചത് ഇതായിരുന്നു.....
ഇന്ഡിഗോ വിമാന ജീവനക്കാരൻ ആധാര് കാര്ഡില് കൃത്രിമം കാട്ടി 'കാമുകിയെ' സഹോദരിയാക്കിയത് സൗജന്യമായി കറങ്ങാന് വേണ്ടിയായിരുന്നു...എന്നാൽ കാമുകിയെകണ്ടാൽ ഒട്ടും പ്രായം തോന്നാത്തത് പ്രശ്നമായി .രണ്ടു പേരും ജയിലിലുമായി
കേരളം ചുറ്റാനെത്തിയ ഇന്ഡിഗോ വിമാന ജീവനക്കാരനായ ഭുവനേശ്വര് സ്വദേശി രാഗേഷ്(31), പെണ് സുഹൃത്തും ഒഡീഷ സ്വദേശിനിയുമായ രസ്മിത ബരാല(24) എന്നിവരാണ് പിടിയിലായത്
വിമാന ജീവനക്കാർക്ക് യാത്രയ്ക്കായി സൗജന്യ നിരക്കില് ടിക്കറ്റ് അനുവദിക്കാറുണ്ട്. ഈ ആനുകൂല്യം ലഭിക്കുന്നതിനായി വിമാന ജീവനക്കാരനായ രാഗേഷ് പെണ് സുഹൃത്തിനെ ആധാര് കാര്ഡില് 'സഹോദരി' ആക്കി മാറ്റുകയായിരുന്നു. രാഗേഷിന്റെ ചേച്ചിയുടെ ആധാര് കാര്ഡില് രസ്മിതയുടെ ഫോട്ടോ പതിച്ച ശേഷം കളര് പ്രിന്റ് എടുത്ത് കൃത്രിമമായി ആധാർ കാർഡ് ഉണ്ടാക്കി എടുക്കുകയായിരുന്നു .. ശനിയാഴ്ച രാത്രിയാണ് ഇരുവരും കൊച്ചി വിമാനത്താവളത്തില് പിടിയിലായത്
കാമുകിയെ സഹോദരി ആക്കി മാറ്റിയ ആധാര് കാര്ഡ് ഉപയോഗിച്ചാണ് വിമാന ടിക്കറ്റ് തരപ്പെടുത്തിയത്. മൂന്നാറിലെല്ലാം ചുറ്റിക്കറങ്ങിയ ശേഷം ഇന്ഡിഗോ വിമാനത്തില് ഡല്ഹിക്ക് മടങ്ങുന്നതിനായി കൊച്ചി വിമാനത്താവളത്തില് എത്തിയപ്പോഴാണ് ഇരുവരും സിഐഎസ്എഫിന്റെ പിടിയിലായത്.
സുരക്ഷാ പരിശോധനയുടെ ഭാഗമായി തിരിച്ചറിയല് രേഖ പരിശോധിച്ചപ്പോഴാണ് സിഐഎസ്എഫിന് യുവതിയുടെ പ്രായത്തില് സംശയം തോന്നിയത്. രേഖയില് 1991 ആണ് ജനനവര്ഷം. എന്നാല് യുവതിക്ക് 28 വയസ് തോന്നിക്കുന്നുമില്ല. ഇതോടെ വിശദമായി ചോദ്യം ചെയ്തതോടെയാണ് ഇരുവരും കുടുങ്ങിയത്. യുവതിയെ ജില്ലാ ജയിലിലേക്കും യുവാവിനെ ആലുവാ സബ് ജയിലിലേക്കും റിമാന്ഡ് ചെയ്തു
https://www.facebook.com/Malayalivartha
