ശബരിമല യുവതീ പ്രവേശനത്തിൽ സുപ്രീംകോടതി വിധി വരാനിരിക്കെ സാക്ഷാൽ ജഡ്ജിയമ്മാവനെ തുണക്ക് പിടിച്ചിരിക്കുകയാണ് മു​ൻ തി​രു​വി​താം​കൂ​ർ ദേ​വ​സ്വം​ബോ​ർ​ഡ് പ്ര​സി​ഡ​ന്‍റ് പ്ര​യാ​ർ ഗോ​പാ​ല​കൃ​ഷ്ണ​ൻ ..
ചെ​റു​വ​ള്ളി ദേ​വി​ക്ഷേ​ത്ര​ത്തി​ലെ ഉ​പ​ദേ​വാ​ല​യ​മാ​യ ജ​ഡ്ജി​യ​മ്മാ​വ​ൻ കോ​വി​ലി​ൽ അദ്ദേഹം ഇ​ന്ന് ഉ​ദ​യാ​സ്ത​മ​യ പ്രാ​ർ​ഥ​ന യ​ജ്ഞം ന​ട​ത്തും. ശ​ബ​രി​മ​ല യു​വ​തി​ പ്ര​വേ​ശ​ന വി​ഷ​യ​ത്തി​ൽ വരാനിരിക്കുന്ന സു​പ്രീം​കോ​ട​തി​യു​ടെ അ​ന്തി​മ വി​ധി ഭ​ക്ത​ർ​ക്ക് അ​നു​കൂ​ല​മാ​യ വി​ധിയാകണമെന്ന പ്രാ​ർ​ഥ​ന​യോ​ടെ​യാ​ണ് പ്രയാർ ജഡ്ജിയമ്മാവൻ കോവിലിൽ എത്തുന്നത് .. കോ​ട​തി വ്യ​വ​ഹാ​ര​ങ്ങ​ളി​ൽ അ​നു​ഗ്ര​ഹ​മു​ണ്ടാ​കു​ന്ന​തി​ന് വ​ഴി​പാ​ട് ന​ട​ത്തു​ന്ന ക്ഷേ​താരമെന്ന നിലയിൽ ഈ ക്ഷേത്രം പ്രസിദ്ധമാണ്

ശ​ബ​രി​മ​ല വി​ഷ​യ​ത്തി​ൽ കോ​ട​തി ന​ട​പ​ടി​ക​ളു​ടെ എ​ല്ലാ ഘ​ട്ട​ത്തി​ലും പ്ര​യാ​ർ ഇ​വി​ടെ പ്രാ​ർ​ഥ​ന​യും വ​ഴി​പാ​ടും ന​ട​ത്തി​യി​ട്ടു​ണ്ട്. കോ​ട​തി​യി​ൽ സ​മ​ർ​പ്പി​ച്ച രേ​ഖ​ക​ളു​ടെ പ​ക​ർ​പ്പു​ക​ൾ കോ​വി​ൽ ന​ട​യി​ൽ സ​മ​ർ​പ്പി​ച്ചാ​യി​രു​ന്നു ച​ട​ങ്ങു​ക​ളെ​ല്ലാം. വ്യ​വ​ഹാ​ര​ങ്ങ​ളി​ൽ പെ​ട്ടു​ഴ​ലു​ന്ന​വ​ർ ഇ​വി​ടെ​യെ​ത്തി പ്രാ​ർ​ഥി​ച്ചാ​ൽ ഫ​ല​സി​ദ്ധി​യു​ണ്ടാ​കു​മെ​ന്നാ​ണ് വി​ശ്വാ​സം. അ​ട​യാ​ണ് ഇ​ഷ്ട നി​വേ​ദ്യം. ഇ​തി​നു പു​റ​മേ അ​ട​യ്ക്ക​യും വെ​റ്റി​ല​യു​മൊ​ക്കെ ഭ​ക്ത​ർ ന​ട​യ്ക്ക​ൽ സ​മ​ർ​പ്പി​ക്കാ​റു​ണ്ട്

സു​പ്രീം​കോ​ട​തി ഭ​ര​ണ​ഘ​ട​നാ​ബ​ഞ്ചി​ലെ ഏ​ക വ​നി​ത​യാ​യ ജ​സ്റ്റി​സ് ഇ​ന്ദു​മ​ൽ​ഹോ​ത്ര ശ​ബ​രി​മ​ല​യി​ലെ യു​വ​തി​പ്ര​വേ​ശ​ന വി​ഷ​യ​ത്തി​ൽ സ്വീ​ക​രി​ച്ച നി​ഗ​മ​ന​ങ്ങ​ൾ അം​ഗീ​ക​രി​ച്ച് നി​ല​വി​ലു​ള്ള ഉ​ത്ത​ര​വ് റ​ദ്ദാ​ക്കി ഭ​ക്ത​സ​മൂ​ഹ​ത്തെ ര​ക്ഷി​ക്കു​മെ​ന്ന പ്ര​തീ​ക്ഷ​യോ​ടെ​യാ​ണ് പ്രാ​ർ​ഥ​നാ​യ​ജ്ഞ​മെ​ന്ന് പ്ര​യാ​ർ ഗോ​പാ​ല​കൃ​ഷ്ണ​ൻ പ​റ​ഞ്ഞു.

സു​പ്രീം​കോ​ട​തി വി​ധി പി​ണ​റാ​യി വി​ജ​യ​ൻ സ​ർ​ക്കാ​ർ ചോ​ദി​ച്ചു​വാ​ങ്ങി​യ​താ​ണെ​ന്നും പ്ര​യാ​ർ ആ​രോ​പി​ച്ചു. 2006 ജൂ​ലാ​യ് 28ന് ​യം​ഗ് ലോ​യേ​ഴ്സ് ഫോ​റം യു​വ​തി​പ്ര​വേ​ശം ആ​വ​ശ്യ​പ്പെ​ട്ട് പൊ​തു​താ​ത്പ​ര്യ​ഹ​ർ​ജി സ​മ​ർ​പ്പി​ച്ച​പ്പോ​ൾ അ​ന്ന് അ​ച്ചു​താ​ന​ന്ദ​ൻ സ​ർ​ക്കാ​ർ ഹ​ർ​ജി​ക്ക് അ​നു​കൂ​ല​മാ​യ സ​ത്യ​വാ​ങ്മൂ​ലം സു​പ്രീം​കോ​ട​തി​യി​ൽ ന​ൽ​കു​ക​യാ​യി​രു​ന്നു.

പി​ന്നീ​ട് ഉ​മ്മ​ൻ​ചാ​ണ്ടി സ​ർ​ക്കാ​ർ ഈ ​സ​ത്യ​വാ​ങ്മൂ​ലം മാ​റ്റി ന​ൽ​കി​യെ​ങ്കി​ലും തു​ട​ർ​ന്നു​വ​ന്ന പി​ണ​റാ​യി വി​ജ​യ​ൻ സ​ർ​ക്കാ​ർ മു​ൻ​ഇ​ട​തു​സ​ർ​ക്കാ​രി​ന്‍റെ സ​ത്യ​വാ​ങ്മൂ​ലം പു​ന:​സ്ഥാ​പിക്കു​ക​യാ​യി​രു​ന്നു.

ശബരിമലയിൽ പ്രായഭേദമെന്യേ സ്ത്രീപ്രവേശനം അനുവദിച്ച വിധി പുനഃപരിശോധിക്കണമെന്ന ഹർജികൾ ചീഫ് ജസ്റ്റിസിന്റെ ചേംബറിലാണ് പുനഃപരിശോധനക്ക് എത്തുന്നത് .50 പുനഃപരിശോധനാഹർജികളാണുള്ളത്. എൻ.എസ്.എസ്, തന്ത്രി കണ്ഠരര് രാജീവര്, പന്തളം കൊട്ടാരം നിർവാഹക സംഘം, പ്രയാർ ഗോപാലകൃഷ്ണൻ, അഖില ഭാരതീയ അയ്യപ്പ സേവാ സംഘം, യോഗക്ഷേമ സഭ, ആൾ കേരള ബ്രാഹ്മണ ഫെഡറേഷൻ തുടങ്ങിയ വിവിധ സംഘടനകളും വ്യക്തികളും ആണ് പുനഃപരിശോധനാഹർജി നല്കിയിട്ടുളളത്

വിധി പറ‌ഞ്ഞ ചീഫ് ജസ്റ്റിസ് ദീപക് മിശ്ര വിരമിച്ചതിനാൽ നിലവിലെ ചീഫ് ജസ്റ്റിസ് രഞ്ജൻ ഗോഗോയി അദ്ധ്യക്ഷനായ അഞ്ചംഗ ബെഞ്ചാണ് ഹർജി പരിശോധിക്കുന്നത്. അനുകൂല വിധി പറഞ്ഞ ഭരണഘടനാ ബെഞ്ചിലെ ജസ്റ്റിസുമാരായ എ.എം. ഖാൻവിൽക്കർ, രോഹിന്റൺ നരിമാൻ, ഡി.വൈ. ചന്ദ്രചൂഡ്, വിയോജന വിധിയെഴുതിയ ജസ്റ്റിസ് ഇന്ദുമൽഹോത്ര എന്നിവരാണ് ബെഞ്ചിലുള്ളത്. നേരിട്ടുള്ള വാദമില്ലാത്തതിനാൽ . അഭിഭാഷകർക്കുൾപ്പെടെ പ്രവേശനമില്ല.