മാവോയിസ്റ്റ് ബന്ധം ആരോപിച്ച് യുഎപിഎ ചുമത്തി അറസ്റ്റ് ചെയ്ത സിപിഎം പ്രവര്ത്തകനായ താഹ ഫസലിനെ കോടതി പോലീസ് കസ്റ്റഡിയില് വിട്ടു
മാവോയിസ്റ്റ് ബന്ധം ആരോപിച്ച് യുഎപിഎ ചുമത്തി അറസ്റ്റ് ചെയ്ത സിപിഎം പ്രവര്ത്തകനായ താഹ ഫസലിനെ കോടതി പോലീസ് കസ്റ്റ ഡിയില്വിട്ടു. കോഴിക്കോട് പ്രിന്സിപ്പല് സെഷന്സ് കോടതി ഒരു ദിവസത്തേക്കാണ് കസ്റ്റഡിയില് വിട്ടത്. കൂട്ടുപ്രതിയായ അലന് ഷുഹൈബിനെ ബുധനാഴ്ച രണ്ട് ദിവസത്തേക്ക് പോലീസ് കസ്റ്റഡിയില് വിട്ടിരുന്നു. എന്നാല് താഹ ഫസലിനെ, പനിയും ഛര്ദിയും മൂലം മെഡിക്കല് കോളജ് ആശുപത്രിയില് ചികില്സയിലായതിനാല് ബുധനാഴ്ച കോടതിയില് ഹാജരാക്കാനായിരുന്നില്ല.
ഇന്നലെ വൈകുന്നേരം പ്രോസിക്യൂഷന് മെഡിക്കല് റിപ്പോര്ട്ട് ഹാജരാക്കിയതിനെ തുടര്ന്ന് ഇയാളെ ഇന്ന് ഹാജരാക്കാന് കോടതി നിര്ദേ ശിക്കുകയായിരുന്നു. അലന്റെയും താഹയുടെയും മാവോയിസ്റ്റ് ബന്ധത്തെകുറിച്ച് കൂടുതല് വിവരങ്ങള് ശേഖരിക്കാനും വിശദമായി ചോദ്യം ചെയ്യാനും അഞ്ചു ദിവസം കസ്റ്റഡിയില് വേണമെന്നായിരുന്നു അന്വേഷണ സംഘത്തിന്റെ ആവശ്യം.
ഹൈക്കോടതി ജാമ്യാപേക്ഷ പരിഗണിക്കുന്ന സാഹചര്യത്തില് കസ്റ്റഡിയില് വിടരുതെന്നായിരുന്നു പ്രതിഭാഗത്തിന്റെ വാദം.
https://www.facebook.com/Malayalivartha
