ശബരിമല യുവതീപ്രവേശന വിധി പുനപ്പരിശോധിക്കാന്‍ വിശാല ബെഞ്ചിന് വിട്ട സുപ്രീംകോടതി നടപടി അയ്യപ്പഭക്തരുടെ വിജയമെന്ന് ബിജെപി സംസ്ഥാന ജനറല്‍ സെക്രട്ടറി കെ സുരേന്ദ്രന്‍.' ആശ്വാസം. അയ്യപ്പഭക്തരുടെ വിജയം. യുവതീപ്രവേശനത്തിനായി സത്യവാങ്മൂലം നല്‍കിയ പിണറായി സര്‍ക്കാരിന് തിരിച്ചടി'- സുരേന്ദ്രന്‍ ഫെയ്‌സ്ബുക്കില്‍ കുറിച്ചു.

ശബരിമലയില്‍ അവിശ്വാസികളെ കയറ്റാന്‍ ശ്രമിച്ചാല്‍ ശക്തമായ പ്രത്യാഘാതമുണ്ടാകുമെന്ന് ബിജെപി നേതാവ് എം ടി രമേശ് പറഞ്ഞു. ശബരിമല കേസ് സുപ്രിംകോടതി വിശാല ബെഞ്ചിന് വിട്ട സാഹചര്യത്തില്‍ സ്‌റ്റേ ഇല്ലെന്ന കാരണത്താല്‍ ആക്ടിവിസ്റ്റുകളെ ശബരിമലയില്‍ കയറ്റാന്‍ പിണറായി വിജയന്‍ ശ്രമിക്കരുതെന്ന് ബിജെപി വക്താവ് ബി ഗോപാലകൃഷ്ണന്‍ ആവശ്യപ്പെട്ടു. കോടതിയില്‍ സ്‌റ്റേ ഇല്ല എന്നതിന്റെ പേരില്‍ അതിന് ശ്രമിച്ചാല്‍ അത് വിശ്വാസികള്‍ അനുവദിക്കില്ല. പന്ത് പിണറായിയുടെ കോര്‍ട്ടിലാണ്. പിണറായി സൂത്രപണിക്ക് ശ്രമിക്കരുത്. പുനപരിശോധന ഹര്‍ജി കോടതി അംഗികരിച്ചതിന് തുല്യമാണ് ഈ വിധിയെന്നും അദ്ദേഹം പറഞ്ഞു.

വീണ്ടും കള്ളക്കളിക്ക് ശ്രമിച്ചാല്‍ ശക്തമായ പ്രക്ഷോഭം നടക്കുമെന്നും മുസ്ലീം സ്ത്രീകളുടെ പള്ളി പ്രവേശന കാര്യത്തലും സര്‍ക്കാര്‍ അഭിപ്രായം പറയണമെന്നും ഗോപാലകൃഷ്ണന്‍ പറഞ്ഞു.

അതേസമയം യു​വ​തി പ്ര​വേ​ശ​നം അ​നു​വ​ദി​ച്ചു​ള്ള വി​ധി റ​ദ്ദാ​ക്കാ​തെ വി​ശാ​ല ഭ​ര​ണ​ഘ​ട​നാ ബെ​ഞ്ചി​നു വി​ട്ട​തി​നു പി​ന്നാ​ലെ ശ​ബ​രി​മ​ല ദ​ര്‍​ശ​ന​ത്തി​നാ​യി യു​വ​തി​ക​ള്‍ ത​യാ​റെ​ടു​ക്കു​ന്നു. ഇ​തു​വ​രെ 36 സ്ത്രീ​ക​ള്‍ ശ​ബ​രി​മ​ല ദ​ര്‍​ശ​ന​ത്തി​നാ​യി ഓ​ണ്‍​ലൈ​നി​ല്‍ ര​ജി​സ്റ്റ​ര്‍ ചെ​യ്തു. വി​ധി വ​രു​ന്ന​തി​നു മു​മ്ബാ​ണ് യു​വ​തി​ക​ള്‍ ര​ജി​സ്റ്റ​ര്‍ ചെ​യ്തി​രി​ക്കു​ന്ന​ത്.

ശ​ബ​രി​മ​ല​യി​ല്‍ 10 നും 50 ​നും ഇ​ട​യി​ല്‍ പ്രാ​യ​മു​ള്ള സ്ത്രീ​ക​ള്‍​ക്കും പ്ര​വേ​ശ​നം അ​നു​വ​ദി​ച്ചു​ള്ള വി​ധി സ്റ്റേ ​ചെ​യ്യാ​ത്ത​തി​നാ​ല്‍ ഏ​ഴം​ഗ ഭ​ര​ണ​ഘ​ട​നാ ബെ​ഞ്ച് വി​ധി പ​രി​ശോ​ധി​ക്കും​വ​രെ സ്ത്രീ​ക​ള്‍​ക്ക് പ്ര​വേ​ശം സാ​ധ്യ​മാ​ണ്. ഓ​ണ്‍​ലൈ​നി​ല്‍ ര​ജി​സ്റ്റ​ര്‍ ചെ​യ്ത സ്ത്രീ​ക​ളു​ടെ വി​വ​ര​ങ്ങ​ള്‍ പ​രി​ശോ​ധി​ച്ചു​വ​രി​ക​യാ​ണെ​ന്നാ​ണ് പോ​ലീ​സ് പ​റ​യു​ന്ന​ത്. ക​ഴി​ഞ്ഞ വ​ര്‍​ഷം ശ​ബ​രി​മ​ല​യി​ല്‍ ദ​ര്‍​ശ​നം ന​ട​ത്തി​യ ക​ന​ക ദു​ര്‍​ഗ ഇ​ത്ത​വ​ണ​യും ശ​ബ​രി​മ​ല​യ്ക്കു പോ​കു​മെ​ന്ന് വ്യ​ക്ത​മാ​ക്കി​യി​ട്ടു​ണ്ട്.

ശബരിമല സ്ത്രീ പ്രവേശന വിഷയത്തില്‍ സുപ്രീം കോടതി പുറപ്പെടുവിച്ച വിധിയില്‍ വ്യക്തതയില്ലെന്ന് എ. പദ്മകുമാര്‍ വ്യക്തമാക്കി. 2018 സെപ്തംബര്‍ 28 ലെ വിധി നിലനില്‍ക്കുമെന്നും ഇല്ലെന്നുമുള്ള വാദം ഉയര്‍ന്നിട്ടുണ്ട്. ഇതില്‍ ഏതാണ് ശരി എന്നത് സംബന്ധിച്ച്‌ വ്യക്തതയില്ല. ഇത്തരത്തില്‍ ഒരു വിധി പുറപ്പെടുവിക്കുമ്ബോള്‍ സുപ്രിംകോടതിക്ക് വ്യക്തത നല്‍കാമായിരുന്നുവെന്നും പദ്മകുമാര്‍ പ്രതികരിച്ചു.