മുളകുപൊടി എറിഞ്ഞ് സ്വര്ണം കവര്ന്ന ഹെല്മറ്റ്ധാരി പിടിയില്, പിടിയിലായ പ്രതിയെ കണ്ട് വൃദ്ധദമ്പതികള് ഞെട്ടി!
തൃശൂരിനടുത്ത് ആളൂര് കുണ്ടൂപ്പാടത്ത് വൃദ്ധദമ്പതികളായ റിട്ടയേഡ് പൊലീസ് ഉദ്യോഗസ്ഥന് പ്ലാശ്ശേരി ചുക്കരിയാന് ജോസഫിനും ഭാര്യ മറിയാമ്മയ്ക്കും നേരേ മുളകുപൊടി എറിഞ്ഞ് സ്വര്ണം കവര്ന്ന യുവാവ് പിടിയില്. കോതമംഗലം പിണ്ടിമന സ്വദേശി കരിപ്പക്കാട്ടില് ഗോഡ്ഫില് (23) ആണ് പൊലീസിന്റെ പിടിയിലായത്.
അടുക്കള ഭാഗത്തുകൂടി ഒക്ടോബര് രണ്ടിന് സന്ധ്യയ്ക്ക് ഹെല്മറ്റ് ധരിച്ച് അകത്തുകടന്നയാള് ഇരുവരുടെയും കണ്ണില് മുളകുപൊടി എറിഞ്ഞ് ആക്രമിക്കുകയായിരുന്നു. തുടര്ന്ന് മറിയാമ്മയുടെ കൈയിലെ മൂന്ന് സ്വര്ണവളകള് ഊരിയെടുത്ത ശേഷം രക്ഷപ്പെടുകയും ചെയ്തു.
കേസില് പൊലീസ് പിടിലായ ഗോഡ്ഫില്, ജോസഫ്-മറിയാമ്മ ദമ്പതികളുടെ കൊച്ചുമകനാണ്. ജോസഫിന്റെയും മറിയാമ്മയുടെയും മകളുടെ മകനാണ് അറസ്സിലായ ഗോഡ്ഫില്. ഇയാള് സിംഗപ്പൂരില് എന്ജിനീയറിങ്ങില് ഉപരിപഠനം കഴിഞ്ഞയാളാണ്.
അയല്വാസികളിലൊരാള് നല്കിയ സൂചനകളില് നിന്ന് ആളൂര് റെയില്വേ മേല്പ്പാലം ജംക്ഷന് മുതല് കോതമംഗലം വരെയുളള സിസിടിവികളില് യുവാവിന്റെ ദൃശ്യങ്ങള് അന്വേഷണ സംഘം കണ്ടെത്തിയിരുന്നു. തുടര്ന്ന് നടത്തിയ അന്വേഷണത്തിലാണ് ഗോഡ്ഫിലിലേക്ക് എത്തിയത്.
പെരൂമ്പാവൂരിലെ ജ്വല്ലറിയില് വിറ്റ സ്വര്ണ വളകള് പൊലീസ് കണ്ടെടുത്തു. പ്രതിയെ റിമാന്ഡ് ചെയ്തു.
https://www.facebook.com/Malayalivartha
