മാങ്ങാ ജ്യൂസ് കുടിച്ച് വണ്ടി ഓടിച്ചാൽ ബ്രീത്ത് അനലൈസർ നിങ്ങളെ കുടുക്കും; കോട്ടയത്ത് മാങ്ങാ ജ്യൂസ് കുടിച്ച് ബസ് ഓടിച്ച ഡ്രൈവർ പോലീസിന്റെ മദ്യപരിശോധയിൽ കുടുങ്ങി...പാവം ഒരു തുള്ളി മദ്യം പോലും കുടിച്ചിട്ടില്ലായിരുന്നു...
മാങ്ങാ ജ്യൂസ് കുടിച്ച് വണ്ടി ഓടിച്ചാൽ ബ്രീത്ത് അനലൈസർ നിങ്ങളെ കുടുക്കും; കോട്ടയത്ത് മാങ്ങാ ജ്യൂസ് കുടിച്ച് ബസ് ഓടിച്ച ഡ്രൈവർ പോലീസിന്റെ മദ്യപരിശോധയിൽ കുടുങ്ങി...പാവം ഒരു തുള്ളി മദ്യം പോലും കുടിച്ചിട്ടില്ലായിരുന്നു...
മാങ്ങാ ജ്യൂസ് കുടിച്ചാലും ബ്രീത്ത് അനലൈസറിലേക്കു ഊതിയാൽ ബീപ്പ് ശബ്ദം കേൾക്കും.. മാങ്ങാ ജ്യൂസ് കുടിച്ച് വെട്ടിലായത് കോട്ടയത്തെ സ്വകാര്യ ബസ് ഡ്രൈവറും കണ്ടക്ടറും ആണ്
ഇന്നലെ വൈകുന്നേരം ആയിരുന്നു സംഭവം...കോട്ടയം മെഡിക്കൽ കോളജിൽ നിന്നും കോട്ടയത്തിനു വരുന്ന സ്വകാര്യ ബസ് വഴിയിൽ വാഹന പരിശോധനയുടെ ഭാഗമായി പോലീസ് കൈകാണിച്ചു നിർത്തി.. ഡ്രൈവറോടു ബ്രീത്ത് അനലൈസറിലേക്കു ഊതാൻ ആവശ്യപ്പെട്ടു. വളരെ ധൈര്യത്തോടെ തന്നെയാണ് ഡ്രൈവർ ഊതിയത് ..പക്ഷെ ഓതിയ ഉടനെ യന്ത്രം ബീപ് ശബ്ദം കേൾപ്പിച്ചപ്പോൾ ഞെട്ടിയത് പാവം ഡ്രൈവർ ..
ഡ്രൈവർ മദ്യപിച്ചിട്ടുണ്ടെന്നു പറഞ്ഞ് പോലീസ് ബസ് ഓടിക്കാൻ സാധിക്കില്ലെന്നു പറഞ്ഞു. പ്രശ്നത്തിൽ കണ്ടക്ടർ ഇടപെട്ടു. ഡ്രൈവർ മദ്യപിച്ചിട്ടില്ലെന്നും അല്പം മുൻപ് പത്തു രൂപയുടെ പായ്ക്കറ്റിൽ കിട്ടുന്ന മാങ്ങ ജ്യൂസ് കുടിച്ചതായിരിക്കും ബീപ് ശബ്ദം കേൾക്കാനുണ്ടായ സാഹചര്യമെന്നും കണ്ടക്ടർ വീശദികരിച്ചു.
കണ്ടക്ടറോട് ബ്രീത്ത് അനലൈസറിലേക്ക് ഊതാൻ പോലീസ് ആവശ്യപ്പെട്ടു. ഒരു മിനിറ്റ് പോലും താമസിക്കാതെ കണ്ടക്ടറും ഊതിയെങ്കിലും ബീപ് ശബ്ദം വന്നില്ല .... ഡ്രൈവർ മദ്യപിച്ചിട്ടുണ്ടെന്നു പോലീസ് ഉറപ്പിച്ചു. എന്നാൽ മദ്യപിച്ചിട്ടില്ലെന്നു ഡ്രൈവറും കണ്ടക്ടറും ഉറപ്പിച്ചു പറഞ്ഞതോടെ മറ്റൊരു പരീക്ഷണത്തിനു പോലീസ് തയാറായി. സമീപത്തുള്ള കടയിൽനിന്ന് 10 രൂപയുടെ മാങ്ങ ജ്യൂസ് വാങ്ങി കുടിക്കാൻ പോലീസ് കണ്ടക്ടറോട് ആവശ്യപ്പെട്ടു.
ഉടൻ തന്നെ കണ്ടക്ടർ കടയിലെത്തി മാങ്ങ ജ്യൂസ് വാങ്ങി കുടിച്ചു. അല്പസമയത്തിനുശേഷം വീണ്ടും ബ്രീത്ത് അനലൈസറിലേക്ക് ഊതാൻ പോലീസ് പറഞ്ഞു. ഇത്തവണ കണ്ടക്ടർ ബ്രീത്ത് അനലൈസറിലേക്ക് ഊതിയതും ബീപ്ശബ്ദം കേട്ടു. കണ്ടക്ടറും ഡ്രൈവറും പറഞ്ഞതു സത്യമാണെന്ന് പോലീസിനു ബോധ്യപ്പെടുകയും ബസ് പോകാൻ അനുവദിക്കുകയും ചെയ്തു
https://www.facebook.com/Malayalivartha