കൃത്യമായി ശമ്പളം കിട്ടാത്തതിനെ തുടർന്ന് കെഎസ്‌ആര്‍ടിസി ജീവനക്കാരന്‍ ആത്മഹത്യക്ക് ശ്രമിച്ചു. തിരുവനന്തപുരം പാപ്പനംകോട് ഡിപ്പോയിലെ കണ്ടക്ടര്‍ വിനോദ് കുമാറാണ് അത്മഹത്യാശ്രമം നടത്തിയത്. ഡിപ്പോയില്‍ വച്ച്‌ രണ്ട് പായ്ക്കറ്റ് എലിവിഷം കഴിക്കുകയായിരുന്നു.

അത്യാസന്ന നിലയിലായ വിനോദിനെ തിരുവനന്തപുരം ജനറല്‍ ആശുപത്രിയിലും തുടര്‍ന്ന് മെഡിക്കല്‍ കോളജിലും പ്രവേശിപ്പിക്കുകയുണ്ടായി. ഡിപ്പോയിലെത്തി പ്രതിഷേധിച്ച ശേഷമായിരുന്നു ഇയാള്‍ വിഷം കുടിച്ചത്. ഇന്ന് ഉച്ചവരെ ഇയാള്‍ ഡിപ്പോയില്‍ ഉണ്ടായിരുന്നു. ശമ്ബളം പകുതി ലഭിച്ചു. പക്ഷേ കിട്ടിയത് മുഴുവൻ ബാങ്ക് പിടിച്ചെടുത്തിരുന്നു.ഇതേ തുടര്‍ന്നായിരുന്നു വിനോദിന്റെ ഈ കടും കൈ. അദ്ദേഹത്തിന് വിഷമം ഉണ്ടായിരുന്നതായി സഹപ്രവര്‍ത്തകര്‍ പറഞ്ഞു.