പിണറായിയുടെ തൊലിക്കട്ടി അപാരം; വൈകിവരുന്ന വിവേകമേ നിന്നെ ഞാന് പിണറായി ഭരണമെന്ന് വിളിക്കട്ടെ..; ഷിബു ബേബി ജോണിന്റെ പരിഹാസം
ശബരിമല യുവതി പ്രവേശന വിഷയത്തില് സിപിഎമ്മിനേയും പിണറായി സര്ക്കാരിനേയും രൂക്ഷമായി വിമര്ശിച്ച് മുന് മന്ത്രിയും ആര്എസ്പി നേതാവുമായ ഷിബു ബേബി ജോണ് രംഗത്ത്. ഇംഗ്ളീഷുകാരന്റെ ഭാഷയില് യു ടേണ്, മലയാളത്തില് മലക്കം മറിച്ചില്, ചുരുക്കിപ്പറഞ്ഞാല് മലയാളി സമൂഹത്തിന്റെ മുന്നില് നീറോ ചക്രവര്ത്തിയുടെ തുഗ്ലക്ക് അവതാരമായി പിണറായി സര്ക്കാരെന്ന് ഷിബു ബേബി ജോണ് ഫെയ്സ്ബുക്ക് പോസ്റ്റില് പരിഹസിക്കുന്നു.
കഴിഞ്ഞ വര്ഷം ദുര്വാശി വെടിഞ്ഞ് യുഡിഎഫും പൊതുസമൂഹവും മുന്നോട്ടുവച്ച വിവേകം ഉള്ക്കൊള്ളാന് പിണറായി തയ്യാറായിരുന്നെങ്കില്, നാട്ടില് സമാധാന അന്തരീക്ഷവും നിലനിന്നേനെ, മതിലുകെട്ടിയ 50 കോടി രൂപ ഖജനാവിലും ഉണ്ടായേനെ, കേരളത്തില് ബിജെപിയെന്ന ശല്യം അന്നേ തീര്ന്നും കിട്ടിയേനെയെന്നും അദ്ദേഹം പറയുന്നു.
ഷിബു ബേബി ജോണിന്റെ പരിഹാസം ഇങ്ങനെ; വൈകിവരുന്ന വിവേകമേ നിന്നെ ഞാന് പിണറായി ഭരണമെന്ന് വിളിക്കട്ടെ? കഴിഞ്ഞ വര്ഷം ശബരിമല വിഷയത്തില് ഭരണാധികാരി എന്ന നിലയില് വിവേകം ഉണ്ടാകണമെന്ന് അഭ്യര്ത്ഥിച്ചപ്പോള് ദുര്വാശിയുമായി മുന്നോട്ട്പോയ പിണറായി, അന്ന് നവോത്ഥാനത്തിന്റെ ഇല്ലാകഥകളുമായി സമാധാന അന്തരീക്ഷം തകര്ത്ത പിണറായി സര്ക്കാര്.! ഈ വര്ഷം കോടതി വിധിവന്നപ്പോള് വനിതാ പ്രവേശനത്തിന് സ്റ്റേയില്ല, അത് നിലപാടിനുള്ള അംഗീകാരമെന്ന ന്യായീകരണങ്ങളുമായി കൊട്ടിഘോഷിച്ച പിണറായി ന്യായീകരണ സംഘങ്ങള്.! ഇപ്പോള് ദിവസങ്ങള്ക്ക് ഉള്ളില് സ്ത്രീ പ്രവേശനത്തെ തടയാന്വേണ്ട നടപടികളുമായി മുന്നോട്ട് പോകുന്ന പിണറായി സര്ക്കാര്.!
കഴിഞ്ഞ വര്ഷം ദുര്വാശി വെടിഞ്ഞ് യുഡിഎഫും പൊതുസമൂഹവും മുന്നോട്ടുവച്ച വിവേകം ഉള്ക്കൊള്ളാന് പിണറായി തയ്യാറായിരുന്നെങ്കില്, നാട്ടില് സമാധാന അന്തരീക്ഷവും നിലനിന്നേനെ, മതിലുകെട്ടിയ 50 കോടി രൂപ ഖജനാവിലും ഉണ്ടായേനെ, കേരളത്തില് ബിജെപിയെന്ന ശല്യം അന്നേ തീര്ന്നും കിട്ടിയേനെ.!ഇംഗ്ളീഷുകാരന്റെ ഭാഷയില് യു ടേണ്, മലയാളത്തില് മലക്കംമറിച്ചില്, ചുരുക്കിപ്പറഞ്ഞാല് മലയാളി സമൂഹത്തിന്റെ മുന്നില് നീറോ ചക്രവര്ത്തിയുടെ തുഗ്ലക്ക് അവതാരമായി പിണറായി സര്ക്കാര്.!വൈരുദ്ധ്യങ്ങളുടെ വിളനിലവും വിഡ്ഢിത്തരങ്ങളുടെ കൂമ്ബാരവുമായി നില്ക്കുന്ന പിണറായി സര്ക്കാര് കാരണം ഓടി ഒളിക്കേണ്ട ഗതികേടിലാണ് ന്യായീകരണ തൊഴിലാളികള്. എന്തായാലും ഒന്ന് പറയാതെ വയ്യ, ചരിത്ര വങ്കത്തരങ്ങളുമായി നാടുഭരിക്കുന്ന പിണറായിയുടെ തൊലിക്കട്ടി അപാരം.! എന്നും അദ്ദേഹം ഫേസ്ബുക്കിൽ കുറിച്ചു.
ലോക്സഭാ തെരഞ്ഞെടുപ്പിലേറ്റ വലിയ പരാജയം സി.പി.എമ്മിനെ ഏറെ പ്രതിസന്ധിയിലാക്കിയിരുന്നു. തുടര്ന്നാണ് യുവതീപ്രവേശന വിഷയത്തില് അയവ് വരുത്താന് സി.പി.എം തീരുമാനിച്ചത്. പഞ്ചായത്ത് തെരഞ്ഞെടുപ്പ് വരാന് പോവുകയാണ്. അതിനാല് ബി.ജെ.പിയും കോണ്ഗ്രസും യുവതീപ്രവേശനം ആയുധമാക്കുമെന്ന് ഉറപ്പാണ്. തദ്ദേശ തെരഞ്ഞെടുപ്പില് രാഷ്ട്രീയം അത്രയ്ക്ക് അങ്ങോട്ട് ഏശില്ലെങ്കിലും യുവതീപ്രവേശനം പോലുള്ള ആചാരപരമായ വിഷയങ്ങള് പ്രശ്നമാകും. അതിനാല് സംയമനം പാലിക്കുന്നതാണ് നല്ലതെന്ന് പാര്ട്ടിക്ക് മനസ്സിലായി. അതിനാല് തന്ത്രപരമായ നിലപാട് എടുക്കുകയാണ്.
അതേസമയം മുഖം മിനുക്കാനുള്ള ശ്രമത്തിലാണ് സിപിഎം. അകമേ യുവതികളെ കയറ്റാതിരിക്കാന് ശ്രമിക്കുകയും പുറമേ നല്ലപിള്ള ചമയുകയുമാണ് സിപിഎം ചെയ്യുന്നത് എന്നാണ് ആക്ഷേപം. ശബരിമല സംബന്ധിച്ച സുപ്രീംകോടതി വിധിയുടെ കാര്യത്തില് ആശയവ്യക്തത വരുത്തി നടപ്പിലാക്കുകയാണു സര്ക്കാര് ചെയ്യേണ്ടതെന്നു സിപിഎം സംസ്ഥാന സെക്രട്ടേറിയറ്റ് വിലയിരുത്തി. ഇക്കാര്യത്തില് സെക്രട്ടേറിയറ്റ് എന്തെങ്കിലും തീരുമാനമെടുത്തിട്ടില്ലെന്നും സിപിഎം അറിയിച്ചു. യുവതീപ്രവേശത്തിന്റെ കാര്യത്തില് പാര്ട്ടി കരണംമറിഞ്ഞുവെന്ന പ്രചാരണം വന്നതോടെയാണു വിശദീകരണം. സ്ത്രീപുരുഷ സമത്വം എല്ലാ രംഗത്തുമുണ്ടാകണമെന്നതാണു പാര്ട്ടി നിലപാട്. എന്നാല്, അതതു കാലത്തെ നിയമങ്ങളുടെയും ചട്ടങ്ങളുടെയും കോടതി വിധികളുടെയും അടിസ്ഥാനത്തിലാണു സര്ക്കാരുകള് പ്രവര്ത്തിക്കേണ്ടത്. ഇപ്പോഴത്തെ വിധി വലിയ ആശയക്കുഴപ്പമുള്ളതാണെന്ന പൊതുഅഭിപ്രായം നിയമവൃത്തങ്ങളിലുണ്ട്. രാഷ്ട്രീയ മുതലെടുപ്പിന് ശ്രമിക്കുന്നവരെ അതു നിരാശരാക്കിയിട്ടുണ്ടെന്നു സിപിഎം ചൂണ്ടിക്കാട്ടി. കാര്യം ഇങ്ങനെയാണെങ്കിലും ഏതെങ്കിലും യുവതി മലകയറാന് ചെന്നാല് ഒരു ദാഷണ്യവും നല്കേണ്ടന്ന രഹസ്യ നിര്ദേശമാണ് പാര്ട്ടി നല്കിയിരിക്കുന്നത്.
https://www.facebook.com/Malayalivartha
