കേരളത്തില്‍ പബ്ബുകള്‍ തുടങ്ങുന്നതിനോട് എതിര്‍പ്പില്ലെന്ന് എക്‌സൈസ് മന്ത്രി ടിപി രാമകൃഷ്ണന്‍ പറഞ്ഞു. എന്നാല്‍ പദ്ധതി നടപ്പാക്കുന്നതിന് മുൻപായി ഇതിന്റ പ്രായോഗികത പരിശോധിക്കുമെന്ന് അദ്ദേഹം പറഞ്ഞു. പബ്ബിന്റെ ആവശ്യം ഉണ്ടോ എന്ന് പരിശോധിച്ച ശേഷം മാത്രമെ പദ്ധതി നടപ്പാക്കുവെന്നും മന്ത്രി പറയുകയുണ്ടായി. ഇക്കാര്യത്തില്‍ കൂടുതല്‍ നടപടികളിലേക്ക് പോയിട്ടില്ല.

നിലവിലെ സ്ഥിതി അങ്ങനെ തന്നെ തുടരുമെന്നും എക്സ്സൈസ് മന്ത്രി ടിപി രാമകൃഷ്ണന്‍ പറഞ്ഞു. രാത്രി വൈകിയും പ്രവര്‍ത്തിക്കുന്ന പബ്ബുകളും ഹോട്ടലുകളും സംസ്ഥാനത്ത് ആവശ്യമായിരിക്കുകയാണെന്ന് മുഖ്യമന്ത്രി പിണറായി വിജയന്‍ പറഞ്ഞിരുന്നു. ഇതിന് പിന്നാലെയാണ് അഭിപ്രായവുമായി എക്സ്സൈസ് മന്ത്രി എത്തിയിരിക്കുന്നത് .