സംസ്ഥാനത്തെ സ്വകാര്യ ബസുകള് ഈ മാസം 22 മുതല് നടത്താനിരുന്ന അനിശ്ചിതകാല സമരം മാറ്റിവച്ചു
സംസ്ഥാനത്തെ സ്വകാര്യ ബസുകള് ഈ മാസം 22 മുതല് നടത്താനിരുന്ന അനിശ്ചിതകാല സമരം മാറ്റിവച്ചു. ബസ്സുടമകളുമായി ഗതാഗതമന്ത്രി എകെ ശശീന്ദ്രന് നടത്തിയ ചര്ച്ചയിലാണ് തീരുമാനം. ഡിസംബര് ആദ്യവാരം വീണ്ടും ചര്ച്ച നടത്താമെന്ന് മന്ത്രി ബസുടമകള്ക്ക് ഉറപ്പുനല്കി. അനുകൂല തീരുമാനം ഉണ്ടാകുമെന്ന് പ്രതീക്ഷിക്കുന്നതായി ബസുടമകള് പറഞ്ഞു.
സ്വകാര്യ ബസ് ഓപ്പറേറ്റേഴ്സ് കോര്ഡിനേഷന് കമ്മിറ്റിയുടെ നേതൃത്വത്തിലാണ് ഈമാസം 22 മുതല് സ്വകാര്യബസുകള് അനിശ്ചിതകാല സമരം പ്രഖ്യാപിച്ചിരുന്നത്. വിദ്യാര്ത്ഥികളുടെ മിനിമം നിരക്ക് 5 രൂപയാക്കുക, മിനിമം നിരക്ക് പത്തു രൂപയാക്കുക, മിനിമം നിരക്കില് സഞ്ചരിക്കാവുന്ന ദൂരം രണ്ടര കിലോമീറ്ററാക്കി കുറയ്ക്കുക, തുടങ്ങിയവയാണ് സ്വകാര്യ ബസുടമകള് ആവശ്യപ്പെടുന്നത്.
ആവശ്യങ്ങള് പഠിക്കാന് കഴിഞ്ഞ വര്ഷം സര്ക്കാര് ജസ്റ്റിസ് രാമചന്ദ്രന് കമ്മീഷനെ ചുമലതപ്പെടുത്തിയെങ്കിലും തുടര് നടപടി ഇല്ലാത്തതിനാലാണ് ബസുടമകള് സമരം പ്രഖ്യാപിച്ചത്.
https://www.facebook.com/Malayalivartha
