സൗജന്യ പിഎസ്‌സി പരിശീലനം നല്‍കി തൃപ്പൂണിത്തുറ ഹില്‍ പാലസ് പോലീസ് സ്‌റ്റേഷന്‍. സൗജന്യമായിട്ടാണ് പരിശീലനം നല്‍കുന്നത്. രണ്ട് ബാച്ചുകളിലായി ഇരുന്നൂറോളം പേർ പഠനത്തിനായി എത്തുന്നു. മത്സര പരീക്ഷകളുടെ പരിശീലനത്തിന് പോകുമ്പോഴും കുട്ടികളെപ്പറ്റി ആശങ്കയുള്ളവര്‍ കുട്ടികളെ ഇവിടെ എത്തിക്കാമെന്ന് പോലീസ് ഉദ്യോഗസ്ഥര്‍ പറഞ്ഞു. പോലീസ് സ്റ്റേഷന്റെ മുകളിലെ നിലയിലെ ഹാളിൽ വച്ചാണ് കോച്ചിംഗ് ക്ലാസ് നടക്കുക. ശനിയും ഞായറും ഉച്ച വരെ ക്ലാസ് ഉണ്ട്.

ഓരോ ബാച്ചിലും നൂറിലധികം പേർ പഠിക്കുന്നു. വിദ്യാ സമ്പന്നരായവര്‍ നല്ല ജോലിയിൽ പ്രവേശിച്ചാൽ കുറ്റകൃത്യങ്ങള്‍ കുറയുമെന്ന പ്രതീക്ഷയാണ് പോലീസ് ഇതിലൂടെ ലക്ഷ്യമിടുന്നത്. അതിലൂടെ അവർക്കുള്ള ജോലിഭാരം ഇല്ലാതാകുകയും ചെയ്യും. സിലബസ് അനുസരിച്ചാണ് പഠനം. പരിചയ സമ്ബന്നരായ അധ്യാപകരും പോലീസുകാരുമാണ് ക്ലാസ് പഠിപ്പിക്കുന്നത്. മികച്ച പ്രതികരണം തന്നെയാണ് ക്ലാസിന് ലഭിക്കുന്നതും. ഏവര്‍ക്കും മാതൃക കൂടിയാണ്‌ ഈ നടപടിയെന്നതും എടുത്ത് പറയേണ്ടുന്ന കാര്യം.