എഴുന്നേറ്റ് നിൽക്കാൻ ആകാത്തവരെ കൊടും ഭീകരർ എന്ന് ചിത്രീകരിക്കുന്നു; ഇത് ചെറുക്കപ്പെടേണ്ടതാണ്; രൂക്ഷ വിമർശനവുമായി കാനം രാജേന്ദ്രൻ
രാഷ്ട്രീയ ഭിന്നതയുള്ളവരെ നേരിടേണ്ടത് വെടിയുണ്ട കൊണ്ടല്ല. പശ്ചിമ ഘട്ട മേഖലയിൽ പറയത്തക്ക ഭീഷണിയില്ല. ഭീഷിണിയെന്ന് വരുത്തി തീർക്കുന്നത് പോലീസാണെന്നും കാനം പറഞ്ഞു . പുസ്തകം വായിക്കുന്നതു എങ്ങനെ തെറ്റാകും? ചീഫ് സെക്രട്ടറിയും ഇതേ വാദമാണ് ഉന്നയിച്ചിരുന്നത്. എഴുന്നേറ്റ് നിൽക്കാൻ ആകാത്തവരെ എങ്ങനെ കൊടും ഭീകരർ എന്ന് ചിത്രീകരിക്കുന്നു . ഇത് ചെറുക്കപ്പെടേണ്ടതാണ് . പോലീസിന്റെ നടപടി ഇടതു പക്ഷത്തെ തകർക്കുന്നതാണെന്നും കാനം രാജേന്ദ്രൻ ചൂണ്ടിക്കാട്ടി.
മാവോയിസ്റ്റുകളെ പ്രോത്സാഹിപ്പിക്കുന്നത് ഇസ്ലാമിക തീവ്രവാദികളെന്ന സിപിഎം കോഴിക്കോട് ജില്ലാ സെക്രട്ടറി പി മോഹനന്റെ പ്രസ്താവനയിൽ അതൃപ്തിയുമായി സിപിഎം ജനറൽ സെക്രട്ടറി സീതാറാം യെച്ചൂരി എത്തിയിരുന്നു. സിപിഐ മാവോയിസ്റ്റുകളുടെ ആശയഗതിയോട് യോജിപ്പില്ല. അവരുടെ പ്രവർത്തന രീതി ചെറുക്കേണ്ടതുമാണ്. പക്ഷേ, അവരുടെ പ്രവർത്തനമേഖലയിലെ സാമൂഹ്യസ്ഥിതി അവഗണിക്കരുതെന്നും യെച്ചൂരി ദില്ലിയിൽ പറഞ്ഞു.
https://www.facebook.com/Malayalivartha