മലയാള സിനിമയിലെ യുവ താരങ്ങള്‍ ലഹരി വസ്തുക്കൽ ഉപയോഗിക്കുന്നുവെന്ന പ്രൊഡ്യൂസേഴ്സ് അസോസിയേഷന്‍റെ ആരോപണത്തില്‍ പ്രതികരണവുമായി ഫെഫ്ക. സിനിമയില്‍ ലഹരി ആരോപണം ഉന്നയിച്ച നിര്‍മാതാക്കള്‍ തെളിവ് കൈമാറണമെന്നും സിനിമാമേഖലയെ പുകമറയില്‍ നിര്‍ത്തരുതെന്നും ഫെഫ്ക ജനറല്‍ സെക്രട്ടറി ബി. ഉണ്ണികൃഷ്ണന്‍ പറഞ്ഞു.

ലഹരി സംബന്ധിച്ച നിര്‍മ്മാതാക്കളുടെ ആരോപണം വൈകാരികമാണെന്നും ഷൂട്ടിംഗ് സെറ്റുകളിലെ റെയ്ഡ് അപ്രായോഗികമാണെന്നും അദ്ദേഹം പറഞ്ഞു. സര്‍ക്കാര്‍ ഇക്കാര്യത്തില്‍ പക്വതയോടെയുള്ള സമീപനമാണ് സ്വീകരിച്ചതെന്നും സിനിമാ മേഖലയോടുള്ള അനുഭാവം കൊണ്ടാണ് അതെന്നും ഉണ്ണികൃഷ്ണന്‍ പറഞ്ഞു. ഷെയ്ന്‍ നിഗം വിവാദത്തില്‍ നിര്‍മാതാക്കള്‍ സിനിമ ഉപേക്ഷിക്കരുതെന്നും കൂട്ടായ ചര്‍ച്ചയിലൂടെ പ്രശ്നം പരിഹരിക്കുകയാണ് വേണ്ടതെന്നും അദ്ദേഹം വ്യക്തമാക്കി.