തീരപരിപാലന നിയമം ലംഘിച്ച് മരടില് പണിത നാല് ഫ്ലാറ്റുകള് നിയന്ത്രിത സ്ഫോടനത്തില് തകര്ക്കുന്നതിനുള്ള എല്ലാ ഒരുക്കങ്ങളും അവസാനഘട്ടത്തില്.... ഹോളിഫെയ്ത്ത് എച്ച്.ടു.ഒ.യാണ് ആദ്യം വീഴുന്നത്,അതുകഴിഞ്ഞ് ആല്ഫ സെറീനിന്റെ രണ്ട് ടവറുകളും നിലംപതിക്കും, ഹോളിഫെയ്ത്ത് എച്ച്.ടു.ഒ., ആല്ഫ സെറീന് ഫ്ലാറ്റുകളുടെ 200 മീറ്റര് ചുറ്റളവിലുള്ളവരെ നാളെ രാവിലെ ഒമ്പതു മണിക്കു മുമ്പ് ഒഴിപ്പിക്കും
തീരപരിപാലന നിയമം ലംഘിച്ച് മരടില് പണിത നാല് ഫ്ലാറ്റുകള് നിയന്ത്രിത സ്ഫോടനത്തില് തകര്ക്കുന്നതിനുള്ള എല്ലാ ഒരുക്കങ്ങളും അവസാനഘട്ടത്തിലേക്ക്. സ്ഫോടനം നടക്കാന് ഇനി മണിക്കൂറുകള് മാത്രം. ഒരു ദിവസം കഴിയുമ്പോള് എല്ലാം തവിടു പൊടിയാകും. വെടിമരുന്നിലേക്ക് തീപാറിക്കാന് ബ്ലാസ്റ്റര് വിരലമര്ത്തുന്നതോടെ രണ്ടെണ്ണം ശനിയാഴ്ച മണ്ണോടുമണ്ണടിയും. ബാക്കി രണ്ടെണ്ണത്തിന് ഞായറാഴ്ച വരെയാണ് ആയുസ്സ്.തീരപരിപാലന നിയമം ലംഘിച്ച് മരടില് പണിത നാല് ഫ്ലാറ്റുകള് നിയന്ത്രിത സ്ഫോടനത്തില് തകര്ക്കുന്നതിനുള്ള എല്ലാ ഒരുക്കങ്ങളും അവസാനഘട്ടത്തിലെത്തി.
മുന് ഉടമകളില് ഭൂരിപക്ഷം പേര്ക്കും പഴയ ഫ്ലാറ്റിന്റെ ഇപ്പോഴത്തെ അവസ്ഥ കാണാന്പോലും ധൈര്യമില്ല. ഒരു ദിവസം കൂടി കഴിഞ്ഞാല് ഇവ ഫ്ലാറ്റുകളല്ല, അവശിഷ്ടങ്ങള് മാത്രം. ആല്ഫ സെറീന് ഒഴികെയുള്ള എല്ലായിടത്തും സ്ഫോടകവസ്തുക്കള് നിറച്ചുകഴിഞ്ഞു. വെള്ളിയാഴ്ച അവസാന കണക്ഷനുകള് നല്കും. ഹോളിഫെയ്ത്ത് എച്ച്.ടു.ഒ.യാണ് ആദ്യം വീഴുന്നത്. ശനിയാഴ്ച രാവിലെ 11-ന്. അര മണിക്കൂറിനകം ആല്ഫ സെറീനിന്റെ രണ്ട് ടവറുകളും നിലംപതിക്കും. ഞായറാഴ്ച രാവിലെ 11-ന് ജെയിന് കോറല്കോവും രണ്ടുമണിക്ക് ഗോള്ഡന് കായലോരവും തകര്ന്നുവീഴും. വ്യാഴാഴ്ച അന്തിമ വിലയിരുത്തലുകളായിരുന്നു. ഇന്ന് മോക് ഡ്രില്ലുണ്ട്.
ഹോളിഫെയ്ത്ത് എച്ച്.ടു.ഒ., ആല്ഫ സെറീന് ഫ്ലാറ്റുകളുടെ 200 മീറ്റര് ചുറ്റളവിലുള്ളവരെ ശനിയാഴ്ച രാവിലെ ഒമ്പതുമണിക്കു മുമ്പ് ഒഴിപ്പിക്കും. എട്ടു മുതല് നാലു വരെ ഇത്രയും ഭാഗത്ത് നിരോധനാജ്ഞയുണ്ട്. 200 മീ. അകലെ നിന്ന് സ്ഫോടനങ്ങള് കാണാന് കഴിയും. പറക്കല്രഹിത മേഖല (നോ ഫ്ളൈ സോണ്) യാണിത്. ഒഴിപ്പിക്കുന്ന പ്രദേശത്ത് വ്യാഴാഴ്ച അടയാളമായി കൊടി വെച്ചുതുടങ്ങി. ഫ്രാറ്റുകള് വീഴുമ്പോഴുള്ള പ്രമ്പനം പഠിക്കാന് ചെന്നൈ ഐ.ഐ.ടി. സംഘം എത്തി. ഇവര് ഇതിനുള്ള ഉപകരണങ്ങള് സ്ഥാപിച്ചു.
"
https://www.facebook.com/Malayalivartha
