ആറാം ക്ലാസ് വിദ്യാർത്ഥികളെ ഇക്കൊല്ലം ത്രിഭാഷാ പദ്ധതിയിൽ നിന്ന് ഒഴിവാക്കണമെന്ന് സി.ബി.എസ്.ഇയോട് ഉത്തരവിട്ട് സുപ്രീംകോടതി

ആറാം ക്ലാസ് വിദ്യാർത്ഥികളെ ഇക്കൊല്ലം ത്രിഭാഷാ പദ്ധതിയിൽ നിന്ന് ഒഴിവാക്കണമെന്ന് സി.ബി.എസ്.ഇയോട് സുപ്രീംകോടതി ഉത്തരവിട്ടു. ത്രിഭാഷാ നയം ചോദ്യം ചെയ്ത ഹർജികൾ പരിഗണിക്കവെയാണ് ചീഫ് ജസ്റ്റിസ് സൂര്യകാന്ത്, ജസ്റ്റിസുമാരായ ജോയ്മല്യ ബാഗ്ചി, വി.മോഹന എന്നിവരടങ്ങിയ ബെഞ്ചിന്റെ നിർദ്ദേശം.
ഈ അദ്ധ്യയന വർഷം തന്നെ ആറാം ക്ലാസിലും പദ്ധതി നടപ്പാക്കാനാണ് സി.ബി.എസ്.ഇയുടെ തീരുമാനമെന്ന് സോളിസിറ്റർ ജനറൽ തുഷാർ മേത്ത അറിയിച്ചെങ്കിലും കോടതി അംഗീകരിച്ചില്ല.
പദ്ധതി നടപ്പാക്കലുമായി ബന്ധപ്പെട്ട് ചില സ്കൂളുകളിലുണ്ടാകുന്ന ബുദ്ധിമുട്ടുകൾ പരിഹരിക്കാനായി ഉദ്യോഗസ്ഥനെ നിയോഗിക്കണം. നാലാഴ്ചയ്ക്കകം സി.ബി.എസ്.ഇ സത്യവാങ്മൂലം സമർപ്പിക്കുകയും വേണം.
"
https://www.facebook.com/Malayalivartha























