ഏഷ്യൻ ഗെയിംസ് വനിതാ ലോങ് ജംപിൽ മലയാളി താരം ആൻസി സോജന് വെള്ളി മെഡൽ. 6.53 മീറ്റർ ദൂരം ചാടിയാണ് ആൻസി ഈ തിളക്കമാർന്ന നേട്ടം സ്വന്തമാക്കിയിരിക്കുന്നത്. വെറും രണ്ട് സെന്റീമീറ്റർ വ്യത്യാസത്തിലാണ് താരത്തിന് സ്വർണം നഷ്ടമായത്.

അവസാന ശ്രമത്തിൽ 6.55 മീറ്റർ ചാടിയ ചൈനീസ് താരം ഒന്നാം സ്ഥാനം പിടിച്ചെടുക്കുകയായിരുന്നു. മെഡൽ നേട്ടത്തിൽ സന്തോഷമുണ്ടെന്നും എന്നാൽ 6.60 മീറ്റർ പ്രതീക്ഷിച്ചിരുന്നതിനാൽ സ്വർണം നഷ്ടമായതിൽ ചെറിയ നിരാശയുണ്ടെന്നും ആൻസി സോജൻ പ്രതികരിക്കുകയും ചെയ്തു.

അതേസമയം തൃശൂർ നാട്ടികയിലുള്ള ആൻസിയുടെ വീട്ടിലേക്ക് ചരിത്രവിജയം ആഘോഷിക്കാനായി നാടൊന്നാകെ ഒഴുകിയെത്തി. ഏഴ് മീറ്റർ ജംപ് ആയിരുന്നു ആൻസിയുടെ പ്രധാന സ്വപ്നമെന്നും അവിടുത്തെ പ്രതികൂല കാലാവസ്ഥ പ്രകടനത്തെ ചെറിയ രീതിയിൽ ബാധിച്ചെന്നും കുടുംബാംഗങ്ങൾ വ്യക്തമാക്കുകയും ചെയ്തു.

അതേസമയം, പുരുഷന്മാരുടെ ലോങ് ജംപിൽ മലയാളി താരം എം. ശ്രീശങ്കർ ഫൈനലിലേക്ക് യോഗ്യത നേടിയിട്ടുണ്ട്. മറ്റു അത്‌ലറ്റിക്സ് ഇനങ്ങളിലും ഇന്ത്യ മികച്ച പ്രകടനം തുടരുന്നു.