വെള്ളം എന്നത് അമൂല്യമായ ഒരു വസ്തുവാണ്. അന്നദാനം മഹാദനം എന്ന് പറയുന്നത് പോലെ തന്നെ വെള്ള ദാനവും വലിയൊരു കാര്യം തന്നെയാണ്. വെള്ളം കിട്ടാൻ ബുദ്ധിമുട്ടുള്ള നാടുകളിൽ വെള്ളത്തിനായി തല്ല് കൂടുന്നത് നാം കാണാറുണ്ട്. എന്നാൽ ഇതാ ഈ നാട്ടിൽ വെള്ളത്തിന്റെ പേരിൽ അടിയല്ല മറിച്ച് സംഭവിച്ചിരിക്കുന്നത് മറ്റൊന്ന്. വെള്ളത്തിന്റെ സാഹോദര്യമുള്ള ഒരു നാട്. സ്വന്തം ഭൂമിയിലെ കിണർവെള്ളം മറ്റുള്ളവർക്കുവേണ്ടി മാറ്റിവെച്ച മൂന്നു കുടുംബങ്ങളെ പരിചയപ്പെടാം. ഈരാറ്റുപേട്ടയിലാണ് ഇത്തരത്തിലൊരു സംഭവം നടന്നിരിക്കുന്നത് . കിണറ്റിലെ കുടിവെള്ളം പങ്കുവെക്കുന്ന തരത്തിലുള്ള മാതൃക കാണിച്ച് തന്നിരിക്കുകയാണ് ഇവർ, ഈരാറ്റുപേട്ട മാങ്കുഴക്കൽ പരേതനായ അലി സാഹിബ് ആണ് ആ വിശാല ഹൃദ്യത്തിന്റെ ഉടമ. നാട്ടുകാരായ കണ്ടത്തിൽ കെ.എം. മുഞ്ഞുമുഹമ്മദ് സഹാബും ചെറിയവല്ലം തമ്പി ഹാജിയും ഇന്ന് ഇതേ പാത പിൻതുടരുകയാണ്.പതിറ്റാണ്ടുകൾക്ക് മുന്പ് മാങ്കുഴക്കൽ വീട്ടിൽ കിണർ കുഴിച്ച നാൾമുതൽ നാട്ടുകാർക്ക് ആ കിണർവെള്ളമായിരുന്നു ഏക ആശ്രയമായിട്ടുള്ളത് .

അതുകൊണ്ട് വർഷങ്ങൾക്ക് മുന്പ് ഭൂസ്വത്തുക്കൾ മക്കളുടെ പേരിൽ എഴുതിവെക്കുകയായിരുന്നു അദ്ദേഹം. എന്നാൽ കിണർ നിന്ന ഭാഗംമാത്രം ആരുടെ പേരിലും എഴുതിച്ചേർത്തില്ല അലി സാഹിബ്. കുട്ടിക്കാലം മുതൽ നാട്ടുകാരുടെ ആശ്രയമായ കിണർ മരണശേഷവും അങ്ങനെത്തന്നെയാവട്ടേയെന്ന് അദ്ദേഹം ആഗ്രഹിക്കുകയായിരുന്നു . അനേകം പേർക്ക് ദാഹം തീർക്കട്ടെ എന്നദ്ദേഹം തീരുമാനിച്ചു . ആ തീരുമാനത്തിൽ നിന്നും ഒരു മാറ്റവുമില്ല. എൺപതോളം മോട്ടോറുകളുണ്ട് ഈ കിണറിൽ. 500 മീറ്റർ ചുറ്റളവിലുള്ള നൂറിൽപ്പരം കുടുംബങ്ങളിലേക്കാണ് വെള്ളമെത്തിക്കുന്നതും . ഇപ്പോൾ ചുരുക്കി പറഞ്ഞാൽ സത്യത്തിൽ കിണർ ഇപ്പോൾ നാട്ടുകാർക്ക് സ്വന്തം ! മുഞ്ഞുമുഹമ്മദ് സഹാബിന്റെയും തമ്പി ഹാജിയുടെയും കിണറുകളിലുമുണ്ട് കാരുണ്യത്തിന്റെ കുളിർവെള്ളം. ആ കിണറുകളും നാട്ടുകാർക്കുതന്നെയാണ് സ്വന്തം . കണ്ടത്തിൽ കിണറിൽ 20-ഉം ചെറിയവല്ലം കിണറ്റിൽ 25-ഉം മോട്ടോറുകൾ സമീപവാസികളുടേതായിട്ടുണ്ട്! ആർക്കും വെള്ളമെടുക്കാം, കിണർ വൃത്തിയായി സൂക്ഷിക്കണമെന്നുമാത്രമേ ഉള്ളൂ .

കിണറ്റിലെ വെള്ളം മുഴുവൻ തീർന്നാലും പേടിക്കാനില്ലെന്നും നാട്ടുകാർ പറയുന്നു . അരമണിക്കൂർ കാത്തിരുന്നാൽ ഒരുടാങ്കിലേക്കുള്ള വെള്ളംവീണ്ടുംകിണറ്റിലെത്തിയിരിക്കും.പ്രായാധിക്യത്താൽ വീടുകളിൽ വിശ്രമത്തിലാണ് മുഞ്ഞുമുഹമ്മദ് സഹാബും തമ്പി ഹാജിയും. അപ്പോഴും തങ്ങളുടെ കിണറിൽനിന്ന്‌ വെള്ളം പല വീടുകളിലെത്തി ദാഹമകറ്റുന്നതറിയുമ്പോൾ മനസ്സിൽ കൃതാർത്ഥരാണ് അവർ . ജലംപോലെ ശുദ്ധമായ അവരുടെ മനസ്സിന്റെ നന്മ മറ്റുള്ളവർക്കും പ്രചോദനമാകുന്നു. ഭൂമി തങ്ങളുടെ ഉടമസ്ഥതയിലാണെന്നും , പക്ഷേ അവിടെയുള്ള കിണർ നാട്ടുകാരുടേതാണെന്നും.. സംസ്ഥാനത്ത് വേനൽ കനക്കുകയാണ്, വിവിധ ഭാഗങ്ങളിൽ കുടിവെള്ള ക്ഷാമവും രുക്ഷമാകുകയും ചെയ്യുന്നു. ശുദ്ധ ജലത്തിൽ പണമീടാക്കി ടാങ്കറുകളില്‍ എത്തിച്ച് നൽകുന്ന സംഘങ്ങളും ഇതിനോടകം സജീവമായിക്കഴിഞ്ഞിരിക്കുന്നു . ഇതിനിടെയിലാണ് കേരളത്തിൽ നിന്നും തന്നെ രാഷ്ട്രീയവും മതവും കലരാത്ത ഈ വാർത്ത വരുന്നത് ആശ്വാസകരമാണ് .