ക്ലാസ് കഴിഞ്ഞു വീട്ടിലേക്ക് മടങ്ങിയ യുവതിയെ ശാരീരികമായി ഉപദ്രവിച്ചു. സ്വര്‍ണ്ണമാല കവരാനായിരുന്നു ഈ ശ്രമം. യുവാവ് പോലീസിന്റെ പിടിയിലായി. വിഴിഞ്ഞം കാഞ്ഞിരം വിള ലക്ഷംവീട് കോളനിയില്‍ ശാന്തതകുമാര്‍ (35) ആണ് വിഴിഞ്ഞം പൊലീസിന്‍റെ പിടിയിലായത്. കഴിഞ്ഞ ദിവസം ഉച്ചകഴിഞ്ഞായിരുന്നു 3.15 ഓടെയായിരുന്നു സംഭവം നടന്നത്. വിഴിഞ്ഞം മുക്കോല ജങ്ഷന് സമീപത്തെ ആളൊഴിഞ്ഞം ഇടവഴിയിലായിരുന്നു ഇത് നടന്നത്.യുവതിയെ മര്‍ദ്ദിച്ച്‌ മാല കവരാന്‍ ശ്രമിക്കുന്നതിനിടെയായിരുന്നു അതുവഴി ഒരു സ്‌കൂട്ടര്‍ പോയത്. ഇത് കണ്ട പ്രതി ഓടി രക്ഷപ്പെടുകയായിരുന്നു .

യുവതി പൊലീസില്‍ വിവരമറിയിച്ചതിനെ തുടര്‍ന്നാണ് സംഭവം പുറത്തറിഞ്ഞത്. ഉടന്‍ തന്നെ സ്ഥലത്തെത്തിയ വിഴിഞ്ഞം എസ് എച്ച്‌ ഒ എസ്.ബി. പ്രവീണിന്റെ നേത്യത്വത്തിലുളള പൊലീസ് സംഘം കിട്ടിയ സൂചനകള്‍ അനുസരിച്ച്‌ നടത്തിയ തെരച്ചിലിനൊടുവിൽ പ്രതിയെ സംഭവ സ്ഥലത്ത് നിന്നും മാറി ഒളിച്ചിരുന്ന പ്രതിയെ കൈയ്യോടെ പിടികൂടുകയും ചെയ്തു. ഇയാള്‍ സ്ഥിരമായി സ്ത്രീകളെയും കുട്ടികളെയും ഉപദ്രവിക്കുന്നയാളാണെന്നും പ്രതിയെ ഇന്ന് കോടതിയില്‍ ഹാജരാക്കുമെന്നും വിഴിഞ്ഞം പൊലീസ് പറഞ്ഞു. എസ്.ഐ.മാരായ എസ്. എസ്. സജി. രജീഷ് ബാബു, സി.പി.ഒമാരായ എ.ജോസ്, അജി, ബിജു എന്നിവരാണ് പ്രതിയെ പിടികൂടിയത്.