ഉത്സവകാലത്തോടനുബന്ധിച്ച് പഞ്ചാബ് നാഷണൽ ബാങ്ക് (പിഎൻബി) ‘പിഎൻബി ഉത്സവ് ഫെസ്റ്റിവിറ്റീസ് 2026 – സെലിബ്രേറ്റ് ഡ്രീംസ്, സെലിബ്രേറ്റ് ലൈഫ്' റീട്ടെയ്‌ൽ ലോൺ ക്യാമ്പയിൻ ആരംഭിച്ചു. ഹോം ലോൺ, കാർ ലോൺ, മോർട്ട്ഗേജ് ലോൺ, വ്യക്തിഗത വായ്‌പ തുടങ്ങിയവയ്ക്ക് പ്രത്യേക ആനുകൂല്യങ്ങളാണ് ക്യാമ്പയിനിലൂടെ ലഭ്യമാക്കുന്നത്.

ഹോം ലോണിന് അപ്‌ഫ്രണ്ട്, പ്രോസസിംഗ്, ഡോക്യുമെന്റേഷൻ ഫീസുകൾ പൂർണമായും ഒഴിവാക്കുന്നതിനൊപ്പം 5 ബേസിസ് പോയിന്റ് ഇളവും ലഭിക്കും. യോഗ്യമായ ഹോം ലോൺ ടേക്ക്‌ഓവർ കേസുകളിൽ ടേക്ക്‌ഓവർ ചാർജും ഒഴിവാക്കും. കാർ ലോണിന് പ്രോസസിംഗ് ഫീസ് ഒഴിവാക്കും. നിലവിലെ പിഎൻബി ഹോം ലോൺ ഉപഭോക്താക്കൾക്ക് മോർട്ട്ഗേജ്, ടോപ്പ്-അപ്പ് ലോണുകളിൽ 10 ബേസിസ് പോയിന്റ് ഇളവുണ്ട്. ‘മൈ പ്രോപ്പർട്ടി’ ലോൺ, 25 ലക്ഷം രൂപ മുതലുള്ള യോഗ്യമായ ഹോം ലോൺ ടേക്ക്‌ഓവർ എന്നിവയിൽ, എൻഇസി, നിയമ, മൂല്യനിർണയ ചെലവുകൾക്ക് 15,000 രൂപ വരെ ബാങ്ക് വഹിക്കും.