യൂത്ത് കോൺഗ്രസ്സ് സംഘടനാ തെരെഞ്ഞെടുപ്പിൽ പുതുപ്പള്ളിയിൽ അതിശക്തമായ പോരാട്ടം. ഔദ്യോഗിക സ്ഥാനാർത്ഥി അട്ടിമറിക്കപ്പെടുമോ എന്ന് ആശങ്കയിലാണ് നേതൃത്വം. ജില്ലയിലെ എ വിഭാഗത്തിന്റെ പ്രമുഖ നേതാവിന്റെ സ്ഥാനാർത്ഥിയാണ് ഔദ്യോഗിക സ്ഥാനാർത്ഥിക്കെതിരെ രംഗത്തിറങ്ങിയത് എന്നത് ഉമ്മൻചാണ്ടിയുടെ സ്വന്തം തട്ടകത്തിൽ വലിയ വിമർശനങ്ങൾക്കിടയാക്കിയിട്ടുണ്ട്.

പുതുപ്പള്ളിയിൽ സ്വന്തം അധീശത്വം ഉറപ്പിക്കുവാനുള്ള ശ്രമങ്ങളുടെ ഭാഗമായാണ് ഇത്തരം ഒരു നീക്കം ജില്ലാ നേതാവിന്റെ ഭാഗത്ത് നിന്ന് ഉണ്ടായത്. ഇദ്ദേഹത്തിന്റെ സോഷ്യൽ മീഡിയ പി.ആർ വർക്ക് കൈകാര്യം ചെയ്യുന്നവർ പരസ്യമായി ഔദ്യേഗീക സ്ഥാനാർത്ഥിക്കെതീരേ പ്രചരണം നടത്തിയതിന്റെ തെളിവുകൾ ഉമ്മൻ ചാണ്ടി ക്യാമ്പിന് ലഭിച്ചിരുന്നു.

പുതുപ്പള്ളിൽ ആകെ മൊത്തം 869 വോട്ടുകളാണ് പോൾ ചെയ്യപ്പെട്ടത്. സമവായത്തിലൂടെ തെരഞ്ഞെടുപ്പ് ഒഴിവാക്കാൻ സാഹചര്യമുണ്ടായിരിന്നിട്ടും പുതുപ്പള്ളിയിലും ചങ്ങനാശ്ശേരിയിലും തെരെഞ്ഞെടുപ്പിലേയ്ക്ക് പോകേണ്ട സാഹചര്യം ഉണ്ടാക്കിയത് ജില്ലാ നേതാവിന്റെ ചില രഹസ്യ അജണ്ടകളുടെ ഭാഗമാണെന്നുള്ള വിവരങ്ങളും ഉമ്മൻ ചാണ്ടി ക്യാമ്പിനെ അസ്വസ്ഥപ്പെടുത്തുന്നുണ്ട്. ഗ്രൂപ്പ് നേതാവിന്റെ തട്ടകത്തിൽ തന്നേ അട്ടിമറിക്ക് ചുക്കാൻ പിടിച്ച ജില്ലാ നേതാവിനെതിരേ പ്രതിഷേധം ശക്തമാണ്.