ആ സാറാണ് ഈ സാര്‍... ഏനിക്ക് ഏറ്റവും ഇഷ്ടപ്പെട്ട പിണറായി സാറിനെ കാണാന്‍ ആരെങ്കിലും സഹായിക്കണം... ഭിന്നശേഷിക്കാരനായ മണികണ്ഠന്റെ ആഗ്രഹം സഫലമായി; സോഷ്യല്‍ മീഡിയയില്‍ നിറഞ്ഞ കൈയ്യടി
മുഖം നോക്കാതെ പറയും പറയുന്നതുപോലെ പ്രവര്‍ത്തിക്കും. അതാണ് പിണറായി സാര്‍. ആ സാറിനെ കാണാന്‍ എനിക്ക് ആഗ്രഹമുണ്ട്. ഏനിക്ക് ഏറ്റവും ഇഷ്ടപ്പെട്ട പിണറായി സാറിനെ കാണാന്‍ ആരെങ്കിലും സഹായിക്കണം... ഇതായിരുന്നു ജന്മനാ ശാരീരിക അവശതകള്‍ മൂലം ശയ്യാവലംബിയായ മണികണ്ഠന്റെ ഏറെനാളായുള്ള ആഗ്രഹം. മുഖ്യമന്ത്രി പിണറായി വിജയനെ ഒരു തവണയെങ്കിലും നേരില്‍ കണ്ടാല്‍ മാത്രം മതി. ഈ ആഗ്രഹമാണ് കേരളത്തിന്റെ സ്വന്തം മുഖ്യമന്ത്രി സാക്ഷാത്കരിച്ചത്. കാച്ചാണിയിലെ വീട്ടിലെത്തിയ മുഖ്യമന്ത്രി മണികണ്ഠന്റെ വിശേഷങ്ങള്‍ ചോദിച്ചറിഞ്ഞു.
ലൈഫ് ഭവന പദ്ധതി വഴി രണ്ടു ലക്ഷം വീടുകള്‍ പൂര്‍ത്തീകരിക്കുന്ന ഈ സുദിനത്തിലാണ് മണികണ്ഠന്റെ ആഗ്രഹവും സഫലമായത്. 43 വയസുള്ള മണികണ്ഠന് പരസഹായമില്ലാതെ നടക്കാന്‍ കഴിയില്ല. മുഖ്യമന്ത്രിയെ കാണണമെന്ന മണികണ്ഠന്റെ ആഗ്രഹം പരിചയക്കാരായ പാര്‍ട്ടി സഖാക്കള്‍ വഴി പ്രാദേശിക പാര്‍ട്ടി നേതൃത്വം മുഖ്യമന്ത്രിയെ നേരത്തെ അറിയിച്ചിരുന്നു.
ലൈഫ് ഭവന പദ്ധതിയില്‍ കരകുളം ഏണിക്കരയില്‍ നിര്‍മ്മിച്ച വീടിന്റെ ഗൃഹപ്രവേശന ചടങ്ങിനെത്തിയ മുഖ്യമന്ത്രി മണികണ്ഠന്റെ വീട്ടിലേക്കുമെത്തി. കുറച്ച് സമയം മണികണ്ഠനോടൊപ്പം ചെലവഴിച്ച മുഖ്യമന്ത്രി സുഖവിവരങ്ങളെല്ലാം ചോദിച്ചറിഞ്ഞു.
ഫെബ്രുവരി 29 അതിവര്‍ഷ ദിനമാണെന്ന് മണികണ്ഠനെ ഓര്‍മിപ്പിച്ചു. തനിക്കു സമ്മാനിച്ച പുസ്തകം ഒപ്പിട്ടശേഷം മണികണ്ഠനു തിരികെ നല്‍കിയാണു മുഖ്യമന്ത്രി മടങ്ങിയത്. ഉറച്ച നിലപാടുളള നേതാവായതിനാലും പറയുന്ന കാര്യങ്ങള്‍ നടപ്പാക്കുന്ന ശൈലിയുമാണു തന്നെ പിണറായിലേക്ക് ആകര്‍ഷിച്ചതെന്നു മണികണ്ഠന് പറഞ്ഞു.
സ്‌കൂളില്‍ പോകാതെ എഴുത്തും വായനയും പഠിച്ച മണികണ്ഠന് ഇംഗ്ലിഷ്, മലയാളം പുസ്തകങ്ങളാണ് ഇഷ്ടം. സഞ്ചാര പരിമിതികളെ സമൂഹമാധ്യമങ്ങള്‍ വഴി മറികടക്കുന്ന മണികണ്ഠന് വിവിധ ഗ്രൂപ്പുകളിലെ സജീവ സാന്നിധ്യമാണ്. മണികണ്ഠന് നാട്ടുകാര്‍ക്കും പ്രിയങ്കരന്‍. മോട്ടോര്‍ വാഹന വകുപ്പില്‍ നിന്നു വിരമിച്ച പരമേശ്വരന്‍ നായരുടെയും രമാദേവിയുടെയും മൂന്നാമത്തെ മകനാണ്. സഹോദരന്‍ ബിജു കാലടി സംസ്‌കൃത സര്‍വകലാശാലയിലെ ജീവനക്കാരനും സഹോദരി ബിന്ദു അധ്യാപികയുമാണ്.
മന്ത്രി കടകംപള്ളി സുരേന്ദ്രന്‍, ജില്ലാ പഞ്ചായത്ത് പ്രസിഡന്റ് വി.കെ.മധു എന്നിവര്‍ മുഖ്യമന്ത്രിയോടൊപ്പം ഉണ്ടായിരുന്നു. മണികണ്ഠനെ കാണുവാനും സംസാരിക്കുവാനും കഴിഞ്ഞത് വളരെ സന്തോഷം നല്കുന്നുവെന്ന് കൂടിക്കാഴ്ചയ്ക്ക് ശേഷം മുഖ്യമന്ത്രി ഫേസ്ബുക്കില്‍ കുറിച്ചു.
മുഖ്യമന്ത്രി പിണറായി വിജയന്റെ ഫേസ്ബുക്ക് കുറിപ്പ് ഇങ്ങനെയാണ്
മുഖ്യമന്ത്രിയെന്ന നിലയില്‍ ഏറെ സന്തോഷമുള്ള ദിവസമാണ് ഇന്ന്. എല്‍ഡി എഫ് സര്‍ക്കാരിന്റെ വാഗ്ദാനമായിരുന്ന എല്ലാവര്‍ക്കും വീടെന്ന സ്വപ്നം പാതിവഴി പിന്നിട്ടിരിക്കുകയാണിന്ന്. ലൈഫ് പദ്ധതിയില്‍ രണ്ട് ലക്ഷം വീട് പൂര്‍ത്തീകരണത്തിന്റെ ഭാഗമായി കരകുളം ഏണിക്കരയിലെ ചന്ദ്രന്റെ ഗൃഹപ്രവേശ ചടങ്ങില്‍ പങ്കെടുത്തു.
അതിനു അടുത്ത് കാച്ചാണിയിലാണ് ജന്മനാ ശാരീരിക അവശതകള്‍ മൂലം ശയ്യാവലംബിയായ മണികണ്ഠന്റെ വീട്. മണികണ്ഠന്റെ ഏറെ നാളത്തെ ആഗ്രഹമായിരുന്നു ഒന്ന് കാണണം എന്നത്. പരിചയക്കാരായ പാര്ടി സഖാക്കള്‍ വഴി പ്രാദേശിക പാര്ടി നേതൃത്വം ഈ വിവരം അറിയിച്ചപ്പോള്‍ തന്നെ അടുത്ത അവസരത്തില്‍ മണികണ്ഠനെ വീട്ടില്‍ പോയി കാണാം എന്ന് തീരുമാനിച്ചിരുന്നു. ലൈഫ് വഴി രണ്ടു ലക്ഷം വീടുകള്‍ പൂര്‍ത്തീകരിക്കുന്ന ഈ സുദിനത്തില്‍ തന്നെ മണികണ്ഠനെ കാണുവാനും സംസാരിക്കുവാനും കഴിഞ്ഞത് വളരെ സന്തോഷം നല്‍കുന്നു.
https://www.facebook.com/Malayalivartha
