നിര്‍ഭയ കേസില്‍ പവന്‍ ഗുപ്ത സമര്‍പ്പിച്ച തിരുത്തല്‍ ഹര്‍ജി സുപ്രീം കോടതി ഇന്ന് പരിഗണിക്കും... ജസ്റ്റിസ് എന്‍വി രമണ അധ്യക്ഷനായ അഞ്ച് അംഗ ബെഞ്ചാണ് പരിഗണിക്കുന്നത്
നിര്‍ഭയ കേസില്‍ നാളത്തെ വധശിക്ഷയില്‍ തീരുമാനം ഇന്നറിയാം. പ്രതികളുടെ ഹര്‍ജികള്‍ കോടതിയില്‍. പവന്‍ ഗുപ്ത സമര്‍പ്പിച്ച തിരുത്തല്‍ ഹര്‍ജി സുപ്രീം കോടതി ഇന്ന് പരിഗണിക്കും. ജസ്റ്റിസ് എന്‍വി രമണ അധ്യക്ഷനായ അഞ്ച് അംഗ ബെഞ്ചാണ് പരിഗണിക്കുന്നത്. അക്ഷയ് ഠാക്കൂര്‍ രണ്ടാമതും ദയാഹര്‍ജി നല്‍കിയിട്ടുണ്ട്. പവന്‍ഗുപ്ത ഇന്ന് ദയാഹര്‍ജി നല്‍കാനും സാധ്യതയുള്ളതിനാല്‍ വധശിക്ഷ നടപ്പാക്കല്‍ നീളാന്‍ സാധ്യതയുണ്ട്. അതോടൊപ്പം തന്നെ വധശിക്ഷ സ്റ്റേ ചെയ്യണമെന്ന് ആവശ്യവുമായി പവന്‍ ഗുപ്തയും അക്ഷയ് ഠാക്കൂറും നല്‍കിയ ഹര്‍ജി പാട്യാല ഹൗസ് കോടതി ഇന്ന് പരിഗണിക്കും.
സുപ്രീം കോടതിയില്‍ നല്‍കിയ ഹര്‍ജിയും ദയാഹര്‍ജിയും നിലനില്‍ക്കുന്ന സാഹചര്യത്തില്‍ മരണവാറണ്ട് സ്റ്റേ ചെയ്യണമെന്നാണ് ഹര്‍ജിയില്‍ ആവശ്യപ്പെട്ടിരിക്കുന്നത്. നാളെയാണ് നാല് കുറ്റവാളികളുടേയും വധശിക്ഷ നടപ്പാക്കാനായി മരണവാറണ്ട് പുറപ്പെടുവിച്ചിട്ടുള്ളത്. കേസിലെ മറ്റ് മൂന്ന് കുറ്റവാളികളുടെയും തിരുത്തല്‍ ഹര്‍ജിയും ദയാഹര്‍ജിയും നേരത്തെ തള്ളിയിരുന്നു
https://www.facebook.com/Malayalivartha
