വളാഞ്ചേരിയിൽ നടുറോഡിൽ അരങ്ങേറിയത് നാടകീയമായ രംഗങ്ങൾ.. പെൺസൃഹൃത്തിന്റെ പരാതി ഫോണിലൂടെ കേട്ട് പാഞ്ഞെത്തിയ യുവാവ് വെട്ടിലാകുകയായിരുന്നു. കാർ കൊണ്ടിട്ട് കെഎസ്ആർടിസി ബസ് തടഞ്ഞ യുവാവിനെ പോലീസ് പിടികൂടുകയും ചെയ്തു. സംഭവം ഇങ്ങനെയാണ്.  തൊട്ടിൽപ്പാലത്തു നിന്നു കോട്ടയത്തേക്കു പോകുകയായിരുന്ന ബസിൽ ഡ്രൈവർ സീറ്റിനു തൊട്ടുപിന്നിൽ ഇരിക്കുകയായിരുന്ന യുവതി. എന്നാൽ വളാഞ്ചേരിയിൽ വച്ച് കാൽ ഡ്രൈവർസീറ്റിലേക്കു കയറ്റിവച്ചപ്പോൾ ഡ്രൈവറുടെ ദേഹത്തു കാൽ തട്ടി. എന്നാൽ കാൽ മാറ്റാൻ ആവശ്യപ്പെട്ട ഉടൻ പെൺകുട്ടി അനുസരിക്കുകയും ചെയ്തു. ഇത്രമാത്രമേ ഡ്രൈവർക്കു അറിയുകയുള്ളൂ. പിന്നെ നടന്നതെല്ലാം തികച്ചും നാടകീയമായിരുന്നു. എന്നാൽ, 11.30ന് തൃശൂർ കെഎസ്ആർടിസി ഡിപ്പോയുടെ പ്രവേശന കവാടത്തിലെത്തിയപ്പോൾ കാറുമായി ബസിനെ മറികടന്ന് യുവാവ് ബസ് തടഞ്ഞിടുകയായിരുന്നു. പെൺകുട്ടിയോടു മാപ്പുപറയണമെന്ന് ഡ്രൈവറോട് ആവശ്യപ്പെടുകയും ചെയ്തു. മാത്രമല്ല ഇയാൾ പുറത്തു നിന്ന് ഡ്രൈവറെ മർദിക്കുകയുമായിരുന്നു.

സീറ്റിനും സ്റ്റിയറിങ്ങിനും മറ്റും കേടുപാടു സംഭവിക്കുകയും ചെയ്തു . താക്കോൽ ഊരിയെടുക്കാൻ ശ്രമിക്കുന്നതിനിടെ താക്കോൽ പൊട്ടുകയും കൂടെ ചെയ്‌തപ്പോൾ കാര്യങ്ങൾ കൈ വിട്ടു പോയി . വാതിൽ തുറക്കാനാവാത്ത സ്ഥിതിയായി. പെൺകുട്ടിയുമായി കാറിൽ രക്ഷപ്പെടാനുള്ള യുവാവിന്റെ ശ്രമം ഇതോടെ പൊളിഞ്ഞ് വീഴുകയായിരുന്നു. തുടർന്ന് ബസ് സ്റ്റാൻഡിനകത്തേക്കു കൊണ്ടിട്ടപ്പോൾ പെൺകുട്ടിയെ അന്വേഷിച്ച് ആൺസുഹൃത്ത് സ്റ്റാൻഡിനകത്തേക്കും സുഹൃത്തിനെ തേടി പെൺകുട്ടി കാറിനടുത്തേക്കും ഓടി വരികയും ചെയ്തു. ഇങ്ങനെ ചെയ്തതോടെ എല്ലാവരുടെയും ശ്രദ്ധ ഇവരിലേക്കാവുകയും തടഞ്ഞുവച്ച് പൊലീസിൽ ഏൽ‌പിക്കുകയുമായിരുന്നു ചെയ്തത് . ഡ്രൈവറെ മർദിക്കുന്നതിനിടെ ഉണ്ടായ പിടിവലിയിൽ‌ താക്കോൽ പൊട്ടിപ്പോയതുകൊണ്ടായിരുന്നു ബസിന്റെ ഓട്ടമാറ്റിക് വാതിൽ തുറക്കാൻ കഴിയാത്തത്. പെൺകുട്ടിയുമായി കടന്നുകളയാനുള്ള യുവാവിന്റെ ശ്രമം ഇങ്ങനെ പൊളിഞ്ഞു. യുവാവിനെതിരെ കേസെടുത്തു. പെൺകുട്ടിയെ ശല്യം ചെയ്തെന്ന പരാതിയിൽ ബസ് ഡ്രൈവർക്കെതിരെയും കേസെടുത്തിട്ടുണ്ട്.

കോഴിക്കോട് തൊട്ടിൽപ്പാലം ഡിപ്പോയുടെ സൂപ്പർ ഫാസ്റ്റ് ബസിലെ ഡ്രൈവർ ബാലുശേരി പറാഞ്ചേരി ടി.പി.രതീഷിനാണു മർദനമേറ്റത്. തന്റെ സീറ്റിൽനിന്നു കാൽമാറ്റാൻ ഡ്രൈവർ ആവശ്യപ്പെട്ടത് ഇഷ്ടപ്പെടാതിരുന്ന പെൺകുട്ടി ആൺസുഹൃത്തിനെ വിളിച്ചുവരുത്തുകയായിരുന്നു. പെൺകുട്ടി കാൽ നീട്ടിയപ്പോൾ ഡ്രൈവറുടെ സീറ്റിൽ ചവുട്ടി. ചവിട്ടിയാൽ ബസ്‌ അപകടത്തിൽപ്പെടുമെന്നും കാൽ മാറ്റാനും ഡ്രൈവർ ആവശ്യപ്പെട്ടു. ഇത്‌ ഇഷ്ടപ്പെടാത്ത പെൺകുട്ടി സുഹൃത്തിനെ വിളിച്ചുവരുത്തുകയായിരുന്നു. ബസ്‌ തകരാറായതിനാൽ യാത്രക്കാരെ മറ്റുബസുകളിൽ കയറ്റിവിടുകയും ചെയ്തു. മർദനമേറ്റ ഡ്രൈവർ ജനറൽ ആശുപത്രിയിൽ ചികിത്സ തേടി. ബസ്‌ തടഞ്ഞ കാറിന്റെ നമ്പർ കേന്ദ്രീകരിച്ച് നടത്തിയ അന്വേഷണത്തിൽ വിലാസം കണ്ടെത്തി. യുവാവ് പൊലീസ്‌ കസ്‌റ്റഡിയിലാണ്‌. എന്നാൽ ഡ്രൈവർക്കെതിരെ പെൺകുട്ടി നൽകിയ പരാതി വ്യാജമാണെന്ന് ആക്ഷേപം . ഡ്രൈവർക്കെതിരെ കള്ളക്കേസെടുപ്പിക്കാനുള്ള ശ്രമത്തിന്റെ ഭാഗമായാണ്‌ ഇതെന്ന്‌ തൊഴിലാളി യൂണിയൻ നേതാക്കൾ പറഞ്ഞു. ഡ്രൈവറെ മർദിച്ച ശേഷം പെൺകുട്ടിയുമായി കടന്നു കളയാം എന്ന പദ്ധതി പൊളിഞ്ഞ് വീഴുകയായിരുന്നു....ഡ്രൈവർ ചെയ്ത കുറ്റം തന്റെ സീറ്റിൽ നിന്നും കാൽ മാറ്റൂ എന്നാവശ്യപ്പെട്ടത്. അതേ സമയം ചാലക്കുടി മണ്ണുത്തി റൂട്ടിൽ സർവീസ് നടത്തുന്ന ഓർഡിനറി ബസിലെ കണ്ടക്ടർ അഷ്ടമിച്ചിറ സ്വദേശിനി പാബ്ലിയത്ത് ഷൈലയ്‌ക്ക്‌്‌ കഴിഞ്ഞ ദിവസം മർദനമേറ്റിരുന്നു. ബസ് മണ്ണുത്തിയിലേക്ക് പോകുന്നതിനിടെ മദ്യപിച്ചെത്തിയ യാത്രക്കാരൻ കണ്ടക്ടറുടെ മുഖത്തും കൈയിലും അടിക്കുകയായിരുന്നു. കണ്ടക്ടറുടെ പരാതിയിൽ യാത്രക്കാരനായ ചിറ്റിശേരി കളരിക്കൽ രാധാകൃഷ്ണനെ പുതുക്കാട് പൊലീസ് അറസ്റ്റ് ചെയ്യുകയും ചെയ്തിരുന്നു.