ലോകത്തെ വിറപ്പിച്ച്‌ കോവിഡ്‌ 19 (കൊറോണ) പടരുന്നു. കോവിഡ്–19 ബാധിച്ച് ഇന്നലെ മാത്രം ചൈനയിൽ മരിച്ചത് 42 പേർ. ഇതോടെ ചൈനയിൽ കോവിഡ് ബാധിച്ച് മരിച്ചവരുടെ ആകെ എണ്ണം 2,912 ആയി. രോഗത്തിന്റെ വ്യാപനം ദൈനംപ്രതി വർധിച്ചു വരുകയാണ്. പുതിയതായി 202 പേർക്കു കൂടി ചൈനയിൽ വൈറസ് ബാധ സ്ഥിരീകരിച്ചു. ഇതിൽ ഹ്യൂബെ പ്രവിശ്യയ്ക്കു പുറത്ത് രോഗം സ്ഥിരീകരിച്ചിട്ടുള്ളത് 5 പേർക്ക് മാത്രമാണ്.

അതേസമയം മ​ല​യാ​ളി​ക​ൾ ഉ​ൾ​പ്പെ​ടെ 85 ഇ​ന്ത്യ​ൻ വി​ദ്യാ​ർ​ത്ഥി​ക​ൾ ഇ​റ്റ​ലി​യി​ൽ കു​ടു​ങ്ങി​ക്കി​ട​ക്കുകയാണ്. ഇ​റ്റ​ലി​യി​ലെ പാ​വി​യ സ​ർ​വ​ക​ലാ​ശാ​ല​യി​ലെ വി​ദ്യാ​ർ​ത്ഥി​ക​ളാണ് കുടുങ്ങിക്കി​ട​ക്കു​ന്ന​ത്. കൊ​റോ​ണ​യെ തു​ട​ർ​ന്നു ഇ​ന്ത്യ​യി​ലേ​ക്കു​ള്ള വി​മാ​ന​ങ്ങ​ൾ റ​ദ്ദാ​ക്കി​യ പ​ശ്ചാ​ത്ത​ല​ത്തി​ലാ​ണ് ഇവർക്ക് നാ​ട്ടി​ലേ​ക്ക് മ​ട​ങ്ങാ​ൻ ക​ഴി​യാ​ത്ത​ത്. കുടുങ്ങിക്കിടക്കുന്ന വിദ്യാര്‍ഥികളില്‍ നാലുപേര്‍ മലയാളികളാണ്.

അഞ്ച് പേര്‍ തമിഴ്‍നാട്ടില്‍ നിന്നും 20 പേര്‍ കര്‍ണാടകത്തില്‍ നിന്നും 25 പേര്‍ തെലങ്കാനയില്‍ നിന്നും രണ്ടുപേര്‍ ഡൽഹിയില്‍ നിന്നുമുള്ളവരാണ്. പാവിയ സര്‍വകലാശാലയിലെ ജീവനക്കാരന് കൊറോണ സ്ഥിരീകരിച്ചു. അദ്ധ്യാപക സ്റ്റാഫുകളിലെ 15 പേര്‍ നിരീക്ഷണത്തിലാണ്.

വൈറസ് ബാധയെ ലോകം ഭയത്തോടെയാണ് നോക്കി കാണുന്നത്. വിവിധ രാജ്യങ്ങളിലായി വൈറസ് ബാധിച്ച് മരിച്ചവരുടെ എണ്ണം 3000 കടന്നു. യുഎസിൽ ഇന്ന് ഒരാൾ കൂടി മരണത്തിനു കീഴടങ്ങി. ഇതോടെ യുഎസിൽ മരണം രണ്ടായി. 50ലേറെ പേർക്കു രോഗബാധ സംശയിക്കുന്നു. കോവിഡ്–19 ബാധയ്ക്കെതിരെ അതീവ ജാഗ്രത തുടരുന്നതിടെ ഇറ്റലിയിൽ മരണം 34 ആയി ഉയർന്നു. 1694 പേർക്കു രോഗം സ്ഥിരീകരിച്ചു. ചെക്ക് റിപ്പബ്ലിക്ക്, അയർലൻഡ്, ഇക്വഡോർ, ലക്സംബർഗ് എന്നീ രാജ്യങ്ങളിലും ആദ്യമായി രോഗബാധ കണ്ടെത്തി. ഓസ്ട്രേലിയയിൽ ആദ്യ മരണം സ്ഥിരീകരിച്ചു. ജപ്പാൻ കപ്പലിൽനിന്നു തിരിച്ചു സിഡ്‌നിയിലെത്തിയ ആളാണു മരിച്ചത്.

ഇതുവരെ 63 രാജ്യങ്ങളിൽ രോഗം പടർന്നു. ലോകമാകെ രോഗികളുടെ എണ്ണം 80,000 കടന്നു. ജർമനിയിൽ രോഗബാധിതർ ഇരട്ടിയായി. 129 പേർ. 11 പേർ കൂടി മരിച്ചതോടെ ഇറാനിൽ മരണസംഖ്യ 54 ആയി. പുതിയ രോഗികൾ 385, ആകെ 978. ഏറ്റവും വലിയ ഷിയാ തീർഥാടനകേന്ദ്രമായ മാഷ്‌ഹാദ് അടക്കമുള്ള നഗരങ്ങളിലും രോഗബാധ. ദക്ഷിണ കൊറിയയിൽ മരണം 22 ആയി. 476 പേർക്കു കൂടി രോഗബാധ സ്ഥിരീകരിച്ചതോടെ ആകെ രോഗികൾ 4,212 ആയി. ഇവിടെ ഞായറാഴ്ച പള്ളികൾ അടച്ചിട്ടു. പകരം ഓൺലൈൻ കുർബാന നടത്തി. സിംഗപ്പൂരിൽ 106 പേർക്കു കൂടി രോഗബാധ സ്ഥിരീകരിച്ചു. ഇറാനില്‍ 978 പേര്‍ക്കാണ് ഇതുവരെ രോഗം സ്ഥിരീകരിച്ചിട്ടുളളത്. കൂടുതല്‍ ആളുകള്‍ക്ക് പരിശോധന നടത്തിവരികയാണ്.

ഇറ്റലിയിലെ ഹോട്ടലുകളിൽ 700 സഞ്ചാരികൾ 14 ദിവസ നിരീക്ഷണത്തിൽ കഴിയുകയാണ്. ഹോട്ടലിലെ താമസക്കാരായ ചിലർക്കു രോഗബാധ സ്ഥിരീകരിച്ചതിനാലാണിത്. ഖത്തറിൽ 2 സ്വദേശികളിൽ കൂടി കോവിഡ്-19 സ്ഥിരീകരിച്ചതോടെ രോഗികൾ മൂന്നായി. ബഹ്റൈനിൽ 3 പേർക്കും കുവൈത്തിൽ ഒരാൾക്കും കൂടി കോവിഡ് കണ്ടെത്തി. ഖത്തറിലും കുവൈത്തിലും ഇറാനിൽ നിന്നെത്തിയവർക്കാണു രോഗം. കുവൈത്ത്– 46, ബഹ്റൈൻ– 47, യുഎഇ– 16, ഒമാൻ– 5 പേർ ചികിൽസയിലാണ്. ഒമാനിൽ 1,320.

ഗൾഫ് രാജ്യങ്ങളിൽ കോവിഡ് 19 വ്യാപനം തടയാൻ പ്രതിരോധ സംവിധാനങ്ങൾ ശക്തമാക്കി. ഖത്തറിൽ രണ്ടുപേര്‍ക്കും കുവൈത്തിൽ ഒരാൾക്കും വൈറസ് ബാധ സ്ഥിരീകരിച്ചു. ഒമാനിൽ മുൻകരുതലിൻറെ ഭാഗമായി 1320 പേർ നിരീക്ഷണത്തിലാണെന്ന് ആരോഗ്യമന്ത്രാലയം അറിയിച്ചു. സൗദി ഒഴികെയുള്ള എല്ലാ ഗൾഫ് രാജ്യങ്ങളിലും കോവിഡ് 19 സ്ഥിരീകരിച്ചതോടെ അതിശക്തമായ ആരോഗ്യപ്രതിരോധ നടപടികളാണ് മന്ത്രാലയങ്ങൾ സ്വീകരിക്കുന്നത്. വൈറസ് വ്യാപിക്കാതിരിക്കുന്നതിലാണ് കൂടുതൽ ശ്രദ്ധ. ഇതിന്റെ ഭാഗമായി ഒമാനിൽ 1320 പേരാണ് നിരീക്ഷണത്തിലെന്നു ആരോഗ്യമന്ത്രാലയം അറിയിച്ചു. ആറു പേർക്കാണ് ഒമാനിൽ കോവിഡ് 19 സ്ഥിരീകരിച്ചത്. ഇതിൽ ഒരാൾ രോഗമുക്തി നേടി. കുവൈത്തിൽ വൈറസ് ബാധിച്ചവരുടെ എണ്ണം 46 ആയി.

ഇറാനിൽ നിന്നും മടങ്ങിയെത്തിയ രണ്ടു പേരിൽകൂടി കോവിഡ് 19 സ്ഥിരീകരിച്ചതോടെ, ഖത്തറിൽ ചികിൽസയിലുള്ളവരുടെ എണ്ണം മൂന്നായി. സൗദിയിൽ കോവിഡ് 19 സ്ഥിരീകരിച്ചിട്ടില്ലെങ്കിലും മുൻകരുതലിന്റെ ഭാഗമായി 25 ആശുപത്രികൾ സജ്ജമാക്കിയതായി ആരോഗ്യമന്ത്രാലയം അറിയിച്ചു. അതേസമയം, വിവിധ രാജ്യങ്ങള്‍ യാത്രാ വിലക്ക് പ്രഖ്യാപിച്ചതും ജനങ്ങള്‍ യാത്ര ഒഴിവാക്കുന്നതിനാലും വിമാനക്കമ്പനികൾ സർവീസുകൾ വെട്ടിക്കുറച്ചു.

ദുബായ് ആസ്ഥാനമായ എമിറേറ്റ്സ് എയര്‍ലൈന്‍സ് ജീവനക്കാര്‍ സ്വമേധയാ അവധിയെടുക്കാൻ നിർദേശം നൽകി. അബുദാബി യാസ് ഐലന്റിലെ രണ്ടു ഹോട്ടലുകൾ താൽക്കാലികമായി അടച്ചിട്ടു. സൈക്കിൾ റേസിൽ പങ്കെടുത്തവർക്കു വൈറസ് ബാധ സ്ഥിരീകരിച്ചതോടെയാണ് ഇവർ താമസിച്ചിരുന്ന ഹോട്ടൽ അടച്ചത്. അതേസമയം, ദുബായ് എക്സ്പോ 2020 നു മാസങ്ങൾ മാത്രം ബാക്കി നിൽക്കേ കോവിഡ് 19 ഗൗരവത്തോടെ നിരീക്ഷിക്കുന്നതായും ആരോഗ്യപ്രതിരോധമന്ത്രാലയവുമായി ചേർന്നു പ്രവർത്തിച്ചുവരുന്നതായും എക്സ്പോ അധികൃതർ വ്യക്തമാക്കി.