കാമുകിയുടെ മുന്നിൽ ആളാവാൻ കാർ കൊണ്ടിട്ട് കെഎസ്ആർടിസി ബസ് തടഞ്ഞ കാമുകന്റെ സാഹസത്തിന് കേസെടുത്ത് പോലീസ്. കെ എസ് ആർ ടി സി ബസിൽ യാത്ര ചെയ്യുകയായിരുന്ന കാമുകിയായ പെണ്‍കുട്ടിയെ കാറില്‍ കയറ്റി കൊണ്ടു പോവാനുള്ള ശ്രമവുമായാണ് ബസിന് മുന്നില്‍ വണ്ടി നിര്‍ത്തി യുവാവ് സാഹസം കാണിച്ചത്. ഇതോടെ ബസ് ഡ്രൈവറും യുവാവും തമ്മില്‍ ഏറ്റുമുട്ടുകയായിരുന്നു. ഡ്രൈവറെ മർദ്ദിക്കുന്നതിനിടയിലുണ്ടായ പിടിവലിയില്‍ താക്കോല്‍ പൊട്ടിപ്പോയതോടെ 

ഓട്ടമാറ്റിക് വാതിൽ തുറക്കാനാവാതെ കാമുകിയുമായി രക്ഷപ്പെടാനുള്ള ശ്രമവും പാളി. തൃശൂർ ബസ് സ്റ്റാൻഡിൽ കഴിഞ്ഞ ദിവസം രാത്രി 11.30ഓടെയാണ് നാടകീയ സംഭവങ്ങൾ അരങ്ങേറിയത്. തൊട്ടിൽപ്പാലത്തുനിന്ന് കോട്ടയത്തേക്ക് വരികയായിരുന്ന സൂപ്പർ ഫാസ്റ്റ് ബസിന്‍റെ ഏറ്റവും മുൻ നിരയിലെ സീറ്റിലിരുന്ന പെൺകുട്ടി ഡ്രൈവറുടെ സീറ്റിൽ കാൽ വെച്ചതിനെ തുടർന്നുള്ള പ്രശ്നങ്ങളുടെ തുടക്കം. ബസ് വളാഞ്ചേരിയിൽ എത്തിയപ്പോഴാണ് സിനിമയെ വെല്ലുന്ന സംഭവങ്ങൾ അരങ്ങേറിയത് .

കോഴിക്കോട് തൊട്ടിൽപ്പാലം ഡിപ്പോയുടെ സൂപ്പർ ഫാസ്റ്റ് ബസിലെ ഡ്രൈവർ ബാലുശേരി പറാഞ്ചേരി ടി.പി.രതീഷിനാണ് മർദനമേറ്റത്. കമുകിയെ ശല്യപ്പെടുത്തിയ ആളെ സിനിമാസ്റ്റൈലിൽ ചോദ്യം ചെയ്യാൻ കാമുകൻ എത്തിയതോടെയാണ് സംഭവങ്ങളുടെ തുടക്കം. തൊട്ടിൽപ്പാലത്ത് നിന്ന് കോട്ടയത്തേക്ക് പോകുകയായിരുന്ന ബസിൽ ഡ്രൈവർ സീറ്റിനു തൊട്ടുപിന്നിൽ ഇരിക്കുകയായിരുന്ന പെൺകുട്ടി വളാഞ്ചേരിയിൽ വച്ച് കാൽ ഡ്രൈവർസീറ്റിലേക്കു കയറ്റിവച്ചപ്പോൾ തന്റെ ദേഹത്ത് തട്ടിയെന്നും കാല് മാറ്റണമെന്നും ഡ്രൈവർ ആവശ്യപ്പെടുകയായിരുന്നു. ഇത് ഇഷ്ടപ്പെടാതിരുന്ന പെൺകുട്ടി തന്നെ ഡ്രൈവർ ശല്യപ്പെടുത്തിയെന്ന് പറഞ്ഞ് കാമുകനെ വിളിച്ച് വരുത്തുകയായിരുന്നു. കാല്‍ ഡ്രൈവര്‍ സീറ്റിലേക്കു കയറ്റി വച്ചപ്പോള്‍ തന്റെ ദേഹത്തു തട്ടിയെന്നും കാല്‍ മാറ്റാന്‍ ആവശ്യപ്പെട്ട ഉടന്‍ പെണ്‍കുട്ടി അനുസരിച്ചുവെന്നും രതീഷ് പറയുന്നു. എന്നാൽ

11.30ന് തൃശൂർ കെഎസ്ആർടിസി ഡിപ്പോയുടെ പ്രവേശന കവാടത്തിലെത്തിയപ്പോൾ കാമുകിയ്‌ക്കേറ്റ മാനഹാനി ചോദ്യം ചെയ്യാൻ കാറിൽ പാഞ്ഞെത്തി യുവാവ് ബസ് തടയുകയായിരുന്നു. തന്റെ കാമുകിയോട് മാപ്പ് പറയണമെന്ന യുവാവിന്റെ ആവശ്യം. ഇത് നടക്കാതെ വന്നതോടെ പുറത്ത് നിന്ന് ഡ്രൈവറെ മർദ്ദിക്കുകയായിരുന്നു. പിടിവലിക്കിടെ സീറ്റിനും സ്റ്റിയറിങ്ങിനും മറ്റും കേടുപാടു സംഭവിച്ചു. ബസ് എടുക്കാതിരിക്കാൻ താക്കോൽ യുവാവ് ഊരിയെടുക്കുന്നതിനിടെ പൊട്ടിപോയതോടെ ആട്ടോമാറ്റിക്ക് വാതിൽ തുറക്കാനാവാത്ത സ്ഥിതിയായി. ഇതോടെ സാഹസികമായി കാമുകിയുമായി മുങ്ങാനുള്ള കാമുകന്റെ ശ്രമവും പാളി.

രംഗം വഷളായതിന് പിന്നാലെ സ്റ്റാന്റിനകത്തേയ്ക്ക് ബസ് കൊണ്ടിട്ടപ്പോൾ കാമുകിയെ അന്വേഷിച്ച് കാമുകൻ സ്റ്റാൻഡിനകത്തേക്കും, കാമകനെത്തേടി പെൺകുട്ടി കാറിനടുത്തേക്കും ഓടിയതോടെ ആളുകളുടെ ശ്രദ്ധ ഇവരിലേയ്ക്കായി. തുടർന്ന് ഇവരെ തടഞ്ഞുവെച്ച് പോലീസിൽ ഏൽപ്പിക്കുകയായിരുന്നു. സിസിടിവി ക്യാമറയിൽ പതിഞ്ഞ ദൃശ്യങ്ങളുടെയും കാർ നമ്പറിന്റെയും അടിസ്ഥാനത്തിൽ യുവാവിനെതിരെ പൊലീസ് കേസെടുത്തു. തൃശൂർ സ്വദേശിയായ യുവാവാണ് അറസ്റ്റിലായത്. ബസ് തടഞ്ഞതിനും ഡ്രൈവറെ മർദ്ദിച്ചതിനുമാണ് യുവാവിനെതിരെ കേസെടുത്തത്. പെൺകുട്ടിയെ ശല്യം ചെയ്തെന്ന പരാതിയിൽ ബസ് ഡ്രൈവർക്കെതിരെയും കേസെടുത്തിട്ടുണ്ട്.