അരൂജസ്‌കൂളിലെ വിദ്യാര്‍ഥികള്‍ക്ക് ഉപാധികളോടെ സി.ബി.എസ്.ഇ പത്താം ക്ലാസ് പരീക്ഷ എഴുതാം ഹൈകോടതി; മാര്‍ച്ച് 4, 14,18 എന്നീ തീയതികളില്‍ നടക്കുന്ന പരീക്ഷകളാണ് വിദ്യാര്‍ഥികള്‍ക്ക് എഴുതാന്‍ സാധിക്കുക
അരൂജാസ് ലിറ്റില്‍ സ്റ്റാര്‍ സ്‌കൂളിലെ വിദ്യാര്‍ഥികള്‍ക്ക്‌സി.ബി.എസ്.ഇ പത്താം ക്ലാസ്പരീക്ഷ എഴുതാന്‍ ഹൈകോടതി അനുമതി. ഉപാധികളോടെ ഇനിയുള്ള പരീക്ഷകള്‍ എഴുതാനാണ്‌ഹൈകോടതി അനുമതി നല്‍കിയിരിക്കുന്നത്. മാര്‍ച്ച് 4, 14,18 എന്നീ തീയതികളില്‍ നടക്കുന്ന പരീക്ഷകളാണ് വിദ്യാര്‍ഥികള്‍ക്ക് എഴുതാന്‍ സാധിക്കുക. സി.ബി.എസ്.ഇ അംഗീകാരമില്ലാത്തതിനാല്‍ കൊച്ചി മൂലങ്കുഴി അരൂജാസ് സ്‌കൂളിലെ 28 വിദ്യാര്‍ഥികള്‍ക്ക്‌ഫെബ്രുവരി 24, 26, 29 തീയതികളിലെ പരീക്ഷകള്‍ എഴുതാന്‍ കഴിഞ്ഞിരുന്നില്ല. ശേഷിക്കുന്ന പരീക്ഷകള്‍ എഴുതാന്‍ അനുമതി നല്‍കണമെന്നാവശ്യപ്പെട്ട്‌വിദ്യാര്‍ഥികള്‍ ഹൈകോടതിയെ സമീപിക്കുകയായിരുന്നു. പരീക്ഷാ ഫലം പ്രഖ്യാപിക്കുന്നത് കേസിന്റെ അന്തിമ വിധിക്ക് ശേഷമായിരിക്കുമെന്നും കോടതി അറിയിച്ചു.അംഗീകാരമില്ലാത്ത സ്‌കൂളുകള്‍ക്കെതിരെ സി.ബി.എസ്.ഇ ഒരുനടപടിയും സ്വീകരിക്കാത്തതിനെതിരെ ഹൈകോടതി രൂക്ഷമായി വിമര്‍ശിച്ചിരുന്നു.
അരൂജാസ്‌സ്‌കൂളിന് അടിസ്ഥാന സൗകര്യങ്ങള്‍ ഇല്ലെന്ന്‌സി.ബി.എസ്.ഇ ഹൈകോടതിയെ അറിയിച്ചു. ഒരു വീട്ടില്‍ ആണ് സ്‌കൂള്‍ നടത്തുന്നത്. സി.ബി.എസ്.ഇ സ്‌കൂളുകള്‍ക്കെതിരായ സംസ്ഥാന സര്‍ക്കാരിന്റെ തെറ്റായ സമീപനമാണ് ഇത്തരം പ്രശ്‌നങ്ങള്‍ക്ക് കാരണം. അരൂജാസിലെ സ്‌കൂളിലെ കുട്ടികളെ ചട്ടവിരുദ്ധമായി പരീക്ഷക്ക്ഇരുത്താന്‍ ശ്രമിച്ച മൂന്നു സ്‌കൂളുകള്‍ക്ക് എതിരെ നടപടി സ്വീകരിക്കുമെന്നും സി.ബി.എസ്.ഇ അറിയിച്ചു. സി.ബി.എസ്.ഇ അംഗീകാരമില്ലാത്ത അരൂജാസ് സ്‌കൂളിലെ കുട്ടികളെ ആറു വര്‍ഷമായി പെരുമ്ബാവൂരിലെ ഒരു സ്‌കൂള്‍ വഴിയാണ് പത്താം ക്ലാസ് പരീക്ഷ എഴുതിച്ചിരുന്നത്.
https://www.facebook.com/Malayalivartha
