ഇടുക്കിയില്‍ വീണ്ടും ഭൂചലനം. പാണ്ടിപ്പാറ മേഖലയില്‍ രാവിലെ 7:45നാണ് ഭുചലനമുണ്ടായത്. റിക്ടര്‍സ്‌കെയിലില്‍ 1.4 തീവ്രത രേഖപ്പെടുത്തി. രണ്ടാഴ്ചയിക്കിടെ ജില്ലയില്‍ ഉണ്ടാവുന്ന നാലാമത്തെ ഭൂചലനമാണിത്. കഴിഞ്ഞ ദിവസം ഇടുക്കി ഡാമിന്റെ വൃഷ്ടിപ്രദേശങ്ങളിലുണ്ടായ ഭൂചലനങ്ങളില്‍ ആശങ്കപ്പെടേണ്ടതില്ലെന്ന് കെഎസ്‌ഇബി അറിയിച്ചിരുന്നു. ഭൂചലനമുണ്ടാകുന്നതിനെ കുറിച്ച്‌ ശാസ്ത്രീയ പഠനം നടത്തുമെന്ന് മന്ത്രി എംഎം മണിയും പറഞ്ഞു. ഇടുക്കിയില്‍ ഇതിന് മുമ്ബും നേരിയ തോതിലുള്ള ഭൂചനമുണ്ടായിട്ടുണ്ട്. 2011ല്‍ 26 തവണയാണ് നേരിയ തോതില്‍ ചലനമുണ്ടായത്. ഭൂഘടനയാണ് ഇതിന് പിന്നില്‍. ആശങ്കപ്പെടേണ്ട സാഹചര്യമില്ല. ഭൂചലനമുണ്ടായതിന്റെ പുതിയ സാഹചര്യം പഠിക്കുകയാണെന്നും തുടര്‍ ചലനങ്ങള്‍ പരിശോധിക്കുന്നുണ്ടെന്നും കെഎസ്‌ഇബി ഗവേഷണ വിഭാഗം അറിയിച്ചു.