എപ്പോഴും കട്ടക് കൂടെ നിൽക്കുന്നത് വിനു ചേട്ടൻ; പിന്തിരിപ്പിക്കാൻ വീട്ടുകാരും സുഹൃത്തുക്കളും ശ്രമിച്ചെങ്കിലും കൂട്ടാക്കാതെ കട്ടക്ക് കൂടെ നിന്ന ഷഹ്ന;പ്രണവിന്റെ ലോകം ഇങ്ങനെ...
മലയാളിവാർത്തക്കു മുൻപിൽ മനസുതുറക്കുകയാണ് ശാരീരികമായല്ല മാനസികമായ അടുപ്പമാണ് പ്രണയത്തിന്റെ മാറ്റുകൂട്ടുന്നതെന്ന് തെളിയിച്ചുകൊണ്ട് സോഷ്യൽ മീഡിയയിൽ താരമായ പ്രണവ് ഷഹാന ദമ്പതികൾ. ആറുവർഷം മുൻപ് സംഭവിച്ച ഒരു ബൈക്ക് അപകടമാണ് പ്രണവിന്റെ ജീവിതം മാറ്റി മറിച്ചത്. ആ അപകടത്തോടുകൂടി പ്രണവിന്റെ അരക്കു താഴേക്കു തളർന്നു. ഒരുകൈ ചെറുതായി അനക്കാൻ കഴിയും എന്നാൽ മറ്റേ കൈ തളർന്നുപോയി. പ്രണവ് ഷഹ്നാ ദമ്പതികൾ മലയാളിവർത്തയോട് മനസ് തുറക്കുന്നു...
'എന്റെ കാര്യങ്ങളൊക്കെ കൂട്ടുകാരന്മാരാണ് നോക്കുന്നത്. അതിൽ എപ്പോഴും കട്ടക് കൂടെ നിൽക്കുന്നത് വിനു ചേട്ടനാണ്. പുറത്തുപരിപാടികൾ നടക്കുമ്പോൾ എല്ലാ ചങ്കുകളും കൂടെ വീൽചെയറിൽ കൊണ്ടുപോകും. എന്റെ കുറെ വീഡിയോസ് വൈറൽ ആയിരുന്നു . അത് കണ്ട് ഇഷ്ടപെട്ടിട്ടാണ് ഇവൾ എന്റെ ജീവിതത്തിലേക്ക് കടന്നു വന്നത്. ഞാൻ ഇവളെ പരിചയപെട്ടിട്ട് ഇപ്പോൾ രണ്ടു മാസമേ ആയിട്ടുള്ളൂ. അവൾ അതിനു മുൻപേ എന്റെ വീഡിയോസൊക്കെ കണ്ടിട്ടുണ്ടായിരുന്നു. അതെല്ലാം കണ്ടു ഇഷ്ടപെട്ടപ്പോൾ സോഷ്യൽ മീഡിയയിൽ നിന്നും എന്റെ നമ്പർ എടുത്ത് കോൺടാക്ട് ചെയ്തു. കാര്യങ്ങളൊക്കെ പറഞ്ഞു പിന്തിരിപ്പിക്കാൻ നോക്കിയപ്പോൾ ഓൾ പിന്തിരിഞ്ഞില്ല കട്ടക്കുതന്നെ നിന്നു. ഫ്രണ്ട്സും വിളിച്ചു പിന്തിരിയാൻ ഉപദേശിച്ചെങ്കിലും അവൾ കൂട്ടാക്കിയില്ല. മറ്റൊരു പെൺകുട്ടിയുമായി ഇഷ്ടത്തിലാണെന്നു പറഞ്ഞു എന്നിട്ടും പിന്തിരിഞ്ഞില്ല. ഇവിടെ വരണമെന്ന് പറഞ്ഞു വാശി പിടിച്ചു. വന്നിട്ടും പിന്തിരിപ്പിക്കാൻ വീട്ടുകാരും സുഹൃത്തുക്കളും ശ്രമിച്ചെങ്കിലും കൂട്ടാക്കിയില്ല. അങ്ങനെ കട്ടക്ക് കൂടെ നിന്നു. അവളെ താലി കെട്ടി സ്വന്തമാക്കി.;' എന്ന് പ്രണവ് മലയാളിവാർത്തയോട് മനസ് തുറന്നു.
ജീവിതത്തിലെ അസുലഭ നിമിഷത്തെ കുറിച്ച് ഷഹനയും മലയാളിവാർത്തയോട് മനസ് തുറന്നു. പ്രണവിനെ ഇഷ്ടപെട്ടു തുടങ്ങിയപ്പോൾ കൈവിട്ടുകളയാൻ തോന്നിയില്ലെന്നു ഷഹ്ന മലയാളിവാർത്തയോട് പറഞ്ഞു. സോഷ്യൽ മീഡിയ വഴി പ്രണവിന്റെ വീഡിയോസ് കണ്ട ഷഹ്നയുടെ ആരാധന പ്രണയത്തിലേക്ക് വഴിമാറുകയായിരുന്നു. വീല്ചെയറിലുള്ള പ്രണവിന് അമ്മ ഭക്ഷണം വാരിക്കൊടുക്കുന്ന വീഡോയോകള് കണ്ട് തുടങ്ങിയ ഇഷ്ടം പിന്നീട് പ്രണയമാകുന്നു, പ്രണവ് പോലും അറിയാതെ ഷഹ്ന അവനെ പ്രണയിക്കുകയായിരുന്നു.
https://www.facebook.com/Malayalivartha