മലയാളത്തിലെ പ്രധാനപ്പെട്ട രണ്ട് ന്യൂസ് ചാനലുകൾ ഡൽഹിയിലെ കലാപത്തെയും കേന്ദ്രസർക്കാരിനെയും ആർഎസ്എസിനെയും ഡൽഹി പോലീസിനെതിരെ യും മോശമായ വാർത്ത ചിത്രീകരിചെന്നും ഡൽഹി കലാപം മോശമായി ഇരു ചാനലുകളിലും ചിത്രീകരിച്ചു എന്ന് പറഞ്ഞു സെൻട്രൽ ബ്രോഡ്കാസ്റ്റ് മിനിസ്ട്രി കേരളത്തിലെ പ്രധാനപ്പെട്ട രണ്ടു ചാനലുകളുടെ 48മണിക്കൂർ ചാനലിന്റെ സംപ്രേഷണം തടഞ്ഞു.

മലയാളത്തിൽ ഏറ്റവും വലിയ ന്യൂസ് ചാനൽ എന്നറിയപ്പെടുന്ന ഏഷ്യാനെറ്റിനും മലയാളത്തിലെ മറ്റൊരു പ്രധാന ചാനലായ മീഡിയവൺ ചാനലിന് എതിരെയാണ് കേന്ദ്ര സർക്കാരിന്റെ നടപടി .ഉത്തരവിറക്കിയതെങ്കിലും ഇന്ന് പുലർച്ചെ 1.30 മുതൽ ചാനൽ വീണ്ടും സംപ്രേക്ഷണം ആരംഭിച്ചിട്ടുണ്ട്.

മാധ്യമങ്ങളെ നിരോധിച്ച നടപടിക്കെതിരെ വലിയ പ്രതിഷേധമാണ് രൂപപ്പെട്ടിട്ടുള്ളത് . കേരള പത്രപ്രവർത്തക യൂണിയൻ ഈ നിരോധനത്തെ അപലപിച്ച് രംഗത്തെത്തിയിട്ടുണ്ട്. കേന്ദ്രസർക്കാർ നടപടി അങ്ങേയറ്റം പ്രതിഷേധാർഹമാണെന്ന്‌ പത്ര-ടെലിവിഷൻ മാധ്യമപ്രവർത്തകരുടെ സംഘടനയുടെ സംസ്ഥാന കമ്മിറ്റി പറഞ്ഞു. അപ്രഖ്യാപിത അടിയന്തരാവസ്ഥ സൃഷ്‌ടിക്കാനാണ്‌ ശ്രമം. മാധ്യമങ്ങൾ തങ്ങൾ പറയുന്നതുമാത്രം റിപ്പോർട്ടുചെയ്‌താൽ മതിയെന്ന നിലപാട്‌ ജനാധിപത്യത്തിന്‌ ഭൂഷണമല്ലെന്നും നടപടി പിൻവലിക്കണമെന്നും അവരാവശ്യപ്പെട്ടു.

മാധ്യമ വിലക്കിനെതിരെ മലപ്പുറം ജില്ലയുടെ വിവിധ ഭാഗങ്ങളിലും വിവിധ സംഘടനകളുടെ നേതൃത്വത്തിൽ പ്രതിഷേധം സംഘടിപ്പിച്ചു.മലപ്പുറം ജില്ലയിലെ വിവിധ ടൗണുകളിൽ രാത്രിയെന്നോ നോക്കാതെ യായിരുന്നു കേന്ദ്രസർക്കാരിനെതിരെ പ്രതിഷേധ തെരുവുകൾ ആയി മാറിയത്.
മലപ്പുറം ജില്ലയിൽ മങ്കട അരീക്കോട് കൊണ്ടോട്ടി എടവണ്ണ മലപ്പുറം തുടങ്ങി വിവിധ ഭാഗങ്ങളിലായി പ്രതിഷേധ പരിപാടികൾ നടത്തി വിവിധ മത രാഷ്ട്രീയ സംഘടനകളുടെ നേതൃത്വത്തിൽ സംഘടിപ്പിച്ചു .
പ്രതിഷേധ പരിപാടിയിൽ നൂറുകണക്കിനാളുകളാണ് വിവിധ സ്ഥലങ്ങളിലായി പങ്കെടുത്തത്.