ലോകജനത ഇപ്പോൾ ഉറ്റുനോക്കുന്നത് ഒരേയൊരു രോഗത്തിലേക്കാണ്. കൊറോണയെന്ന മഹാമാരി ലോകം മുഴുവൻ നാശം വിതറി മുന്നേറുമ്പോൾ ലോകജനതായൊട്ടാകെ ഭീതിയിലാണ് ഓരോ ദിനവും തള്ളി നീക്കുന്നത്. അനിയന്ത്രിതമായി വർധിച്ചുവരുന്ന രോഗികളുടെ എണ്ണമാണ് രോഗത്തിന്റെ തീവ്രതയുടെ ആക്കം കൂട്ടുന്നത്. ഒരുവശത്ത് രോഗം നിയന്ത്രിക്കാനുള്ള പെടാപ്പാടിലാണ് ആരോഗ്യ രംഗം എന്നാൽ മറുവശത്ത് വർധിച്ചുവരുന്ന രോഗികളുടെ എണ്ണവും . എന്നാൽ കേരളത്തിൽ രോഗബാധയിൽ അൽപ്പം ശമനം വന്നിരിക്കുകയാണ്. കോവിഡ് 19 വൈറസ് ബാധ സംശയിച്ച് കോഴിക്കോട് ആശുപത്രികളില്‍ നിരീക്ഷണത്തിലുള്ള പത്ത് പേരുടെ പരിശോധനാ ഫലം പുറത്തു വന്നിരിക്കുകയാണ് . ഫലം ഏവർക്കും ആശ്വാസമേകി നെഗറ്റീവ് ആണ്. കേരളത്തിൽ പതിനാലു പേർക്കാണ് നിലവിൽ കോവിഡ് 19 സ്ഥിതീകരിച്ചിരിക്കുന്നത്.

കേരള ജനതക്ക് ആശ്വാസവും ധൈര്യവും പകർന്ന് കേരളത്തിൽ ആദ്യമായി കൊറോണരോഗത്തെ അതിജീവിച്ച മെഡിക്കൽ വിദ്യാർത്ഥിനി മനസ്സുതുറക്കുകയാണ്. തുടക്കത്തില്‍ തിരിച്ചറിയുകയും ചികിത്സ തേടുകയും ചെയ്താല്‍ കോവിഡിനെ പേടിക്കേണ്ടെന്നാണ് സംസ്ഥാനത്ത് ആദ്യം രോഗത്തെ അതിജീവിച്ച മെഡിക്കല്‍ വിദ്യാര്‍ഥിനി പങ്കുവെക്കുന്നത് . കൊറോണ ബാധിതർക്കും രോഗത്തെ വളരെ ഭീതിയോടെ ഉറ്റുനോക്കുന്നവർക്കും വളരെയധികം ആശ്വാസം നൽകുന്ന വാക്കുകളാണിത്. കൊറോണയെയും അതിജീവിക്കാൻ നമുക്ക് കഴിയുമെന്ന സന്ദേശമാണ് ഈ വാക്കുകളിൽ നിന്നും നമുക്ക് ലഭിക്കുന്നതും.

ചൈനയിൽ നിന്നെത്തിയപ്പോൾ തന്നെ കേരളത്തിലെ അധികൃതർ റിപ്പോർട്ട് ചെയ്യണമെന്ന് അറിയിച്ചിരുന്നു. നാട്ടിലെത്തിയതിനു ശേഷം വീട്ടിൽ തന്നെയായിരുന്നു . തുടക്കത്തിൽ ചെറിയൊരു തൊണ്ടവേദനയും കഫവും മാത്രമേ ഉണ്ടായിരുന്നുള്ളു .തുടർന്ന് താൻ ഹെൽത്ത് ഡിപ്പാർട്മെന്റിനെ വിവരം അറിയിക്കുകയും വീട്ടിൽ ആംബുലൻസ് എത്തി തന്നെ ആശുപത്രിയിലേക്ക് മാറ്റുകയും ചെയ്തു. തുടക്കത്തിൽ തൊണ്ടവേദനയുടെ ചികിത്സയാണു നൽകിയത്. തുടർന്ന് ബ്ലഡ് സാമ്പിളുകൾ എടുക്കുകയും വിവിധ പരിശോധനകൾ നടത്തുകയും ചെയ്തു. തുടക്കത്തിൽ തന്നെ ആശുപത്രിയിൽ പോകുകയും ചികിത്സ ലഭ്യമാകുകയും ചെയ്തതുകൊണ്ട് തനിക്ക് വലിയ ആരോഗ്യ പ്രശ്നങ്ങളൊന്നും ഉണ്ടായിരുന്നില്ല. തൊണ്ടവേദനയും ചുമയും മാത്രമേ ഉണ്ടായിരുന്നുള്ളു. മരുന്ന് കഴിച്ചതോടെ കുറച്ചു ദിവസങ്ങൾക്കുള്ളിൽ തന്നെ അതൊക്കെ ഭേതമാകുകയും ചെയ്തു. കൃത്യമായ ചികിത്സ ലഭ്യമായാൽ സാദാരനായൊരു പനിപോലെ ഭേദമാക്കാവുന്നതാണ് കൊറോണയും. തുടക്കത്തിൽ തന്നെ അധികൃതരെ അറിയിക്കുകയും ചികിത്സ ലഭ്യമാക്കുകയും ചെയ്താൽ സീരിയസ് ആകുന്നതിനു മുൻപ് തന്നെ രോഗം ഭേദമാക്കാവുന്നതാണ്. അഞ്ചുദിവസം മാത്രമേ മരുന്നുകൾ കഴിച്ചിരുന്നുള്ളു. പിന്നീട് മരുന്നുകൾ ഒന്നും ഇല്ലായിരുന്നു. പിന്നീട് നിരീക്ഷണത്തിൽ തുടരുകയായിരുന്നു . രോഗം മുഴുവൻ ഭേതമായതിനു ശേഷമാണു തന്നെ ഡിസ്ചാർജ് ചെയ്തത്. ചൈനയിൽ നിന്നും വരുമ്പോൾ തന്നെ വീട്ടിലെ മറ്റുള്ളവരിൽ നിന്നും അകന്നു കഴിയണമെന്ന നിർദേശമുണ്ടായിരുന്നു. അതുകൊണ്ടുതന്നെ വീട്ടിലെ മറ്റുള്ളവർക്ക് പകരാതിരിക്കാൻ സഹായിച്ചു. തൊണ്ടവേദനയും വരണ്ട ചുമയുമായിരുന്നു പ്രധാനമായും ഉണ്ടായിരുന്നത്. 28 ദിവസത്തേക്ക് ഒറ്റക്ക് കഴിയുകയും ആരോഗ്യ വകുപ്പ് നൽകുന്ന നിർദേശങ്ങൾ പാലിക്കുകയും ചെയ്യുക. ഇതായിരുന്നു വിദ്യാർത്ഥിനിയുടെ വാക്കുകൾ.

മഹാപ്രളയത്തെ അതിജീവിച്ച നമ്മൾ കൊറോണയെയും നേരിടും എന്നത് ഉറപ്പ് തന്നെയാണ്. പുതിയതായി രോഗം സ്ഥിതീകരിക്കാത്തതും നിലവിൽ ചികിത്സയിലുള്ള 14 പേരുടെ നില തൃപ്തികരമായതും ചെയ്യപ്പെടാത്തതും കാര്യങ്ങൾ നിയന്ത്രണ വിധേയമായതും നൽകുന്ന ആശ്വാസം ചെറുതല്ല. തക്ക സമയത്തെ ചികിത്സ രോഗം രൂക്ഷമാകുന്നതിനെ ചെറുക്കുമെന്നതിന്റെ സൂചനയാണ് രോഗത്തെ അതിജീവിച്ച വിദ്യാർത്ഥിനിയുടെ വാക്കുകളിൽ നിന്നും വ്യക്തമാകുന്നത്. നമ്മൾ ഇതും അതിജീവിക്കും. ഇനി ധൈര്യമായി പോരാടാം.