കായംകുളത്തിനടുത്ത് ഇരട്ട സഹോദരങ്ങള്‍ തോട്ടില്‍ വീണ് മുങ്ങി മരിച്ചു. മുതുകുളം തെക്ക് പുത്തന്‍വീട്ടില്‍ പരേതനായ ഉദയന്റെയും രമയുടേയും മക്കളായ അഖില്‍(28 ), അരുണ്‍ (28 ) എന്നിവരാണ് മരിച്ചത്. ഇന്ന് വൈകുന്നേരമായിരുന്നു സംഭവം. ഇവരുടെ പിതാവ് ഉദയന്‍ 10 ദിവസം മുന്‍പാണ് മരണപ്പെട്ടത്. സംസ്‌ക്കാരത്തിനായി മുറിച്ച മരത്തിന്റെ ചില്ലകള്‍ വീടിനു സമീപത്തെ തോട്ടില്‍ കിടക്കുകയായിരുന്നു . ഇത് തോടിന് സമീപം നിന്ന് മാറ്റുന്നതിനിടെ ആയിരുന്നു അപകടം. അഖില്‍ തോട്ടിലേക്ക് കാല്‍ വഴുതി വീഴുന്നത് കണ്ട് രക്ഷപ്പെടുത്താന്‍ ശ്രമിക്കുന്നതിനിടയില്‍ അരുണും തോട്ടിലേക്ക് വീഴുകയായിരുന്നു. കനകക്കുന്ന് പോലീസ് സ്ഥലത്തെത്തി തുടര്‍നടപടികള്‍ സ്വീകരിച്ചു.