ആരോഗ്യവകുപ്പ് അധികൃതര്‍ പറയുമ്പോളാണ് തനിക്ക് കോവിഡ് 19 ബാധിച്ചിട്ടുണ്ടെന്ന് അറിയുന്നതെന്നും പൊതുപ്രവര്‍ത്തകനെന്ന നിലയില്‍ ഏറെ യാത്രചെയ്യേണ്ടി വന്നെന്നും കോവിഡ് സ്ഥിരീകരിച്ച്‌ തൊടുപുഴ ജില്ല ആശുപത്രിയില്‍ കഴിയുന്ന പൊതുപ്രവര്‍ത്തകനായ എ.പി. ഉസ്മാന്‍. തന്‍റെ രോഗത്തേക്കാളുപരി പൊതുപ്രവര്‍ത്തകനെന്ന നിലയില്‍ ഒട്ടേറെ ആളുകളുമായി ഇടപഴകുകയും യാത്രകള്‍ ചെയ്യേണ്ടതായും വന്നിട്ടുണ്ട്. ഇക്കാര്യത്തില്‍ വലിയ വേദനയും ദുഖവുമുണ്ടെന്ന് അദ്ദേഹം അറിയിച്ചു.

ഫെബ്രുവരി 29 മുതലുള്ള കാലയളവില്‍ താനുമായി അടുത്ത് ഇടപഴകിയിട്ടുള്ളവരോ സംസാരിക്കുകയോ ചെയ്തിട്ടുള്ള പരിചയക്കാരും സുഹൃത്തുക്കളും അഭ്യുദയകാംക്ഷികളും ഉള്‍പ്പെടെയുള്ളവര്‍ ആരോഗ്യപ്രവര്‍ത്തകരെ സമയബന്ധിതമായി ബന്ധപ്പെടണം. ആവശ്യമായ മുന്‍കരുതലെടുക്കാനും തയാറാകണമെന്ന് വിനയപൂര്‍വം അഭ്യര്‍ഥിക്കുന്നു.

ഞാന്‍ യാത്ര ചെയ്ത മേഖലകളുമായും തിരുവനന്തപുരവുമായും എനിക്ക് ബന്ധപ്പെടേണ്ടി വന്നിട്ടുണ്ട്. ഇതിനിടയില്‍ എനിക്ക് ഓര്‍മയിലില്ലാത്ത പല ആളുകളുമുണ്ട്. പലരും പല കാര്യങ്ങള്‍ക്കും എന്നെ ബന്ധപ്പെട്ടിട്ടുണ്ട്. പലപ്പോഴും ദിവസം 150-200 കിലോമീറ്റര്‍ യാത്ര ചെയ്യേണ്ടി വന്നിട്ടുണ്ട്.

പൊതുപ്രവര്‍ത്തകനെന്ന നിലയില്‍ എന്നെ സ്‌നേഹിക്കുകയും സമ്ബര്‍ക്കം പുലര്‍ത്തുകയും ചെയ്ത ഒരുപിടി സാധാരണക്കാരായ ആളുകള്‍ ഇതിലുള്‍പ്പെടുന്നു. പരിശോധനയില്‍ രോഗം സ്ഥിരീകരിച്ച സാഹചര്യത്തില്‍ എല്ലാവരും മുന്‍കരുതല്‍ സ്വീകരിക്കണമെന്ന് ഒരിക്കല്‍കൂടി അഭ്യര്‍ഥിക്കുന്നുവെന്നും എ.പി. ഉസ്മാന്‍ അഭ്യര്‍ഥനയില്‍ പറഞ്ഞു.

കാ​സ​ര്‍​ഗോ​ഡ് മു​ത​ല്‍ തി​രു​വ​ന​ന്ത​പു​രം വ​രെ കൊറോണ ബാധിതന്‍ സഞ്ചരിച്ചു. ഫെബ്രുവരി 29ന് തിരുവനന്തപുരത്ത് എത്തി ഹോട്ടലില്‍ തങ്ങിയ ശേഷം സെക്രട്ടേറിയറ്റ് ധര്‍ണയില്‍ പങ്കെടുത്തു. തുടര്‍ന്ന് കാട്ടാക്കടയിലേക്ക് കെ.എസ്.ആര്‍.ടി.സി ബസിലും അവിടെനിന്ന് അമ്ബൂരിയിലേക്ക് സ്കൂട്ടറിലും പോയി. രാത്രി എട്ടരയോടെ തിരുവനന്തപുരത്തെ ഹോട്ടലില്‍ മടങ്ങിയെത്തിയ ശേഷം പത്തരയോടെ കെ.എസ്.ആര്‍.ടി.സി ബസില്‍ ഇടുക്കിയിലേക്ക് യാത്രതിരിച്ചു.

പിന്നീടുള്ള ദിവസങ്ങളില്‍ തൊ​ടു​പു​ഴ, പെ​രു​മ്ബാവൂര്‍​, മൂ​ന്നാ​ര്‍, എ​റ​ണാ​കു​ളം, മൂ​വാ​റ്റു​പു​ഴ, ഷോ​ള​യൂ​ര്‍ എ​ന്നി​ങ്ങ​നെ യാ​ത്ര ചെ​യ്ത സ്ഥ​ല​ങ്ങ​ളു​ടെ പ​ട്ടി​ക നീ​ളു​ക​യാ​ണ്. മാര്‍ച്ച്‌ 11ന് തിരുവനന്തപുരത്തെത്ത് വീണ്ടുമെത്തിയ ശേഷം എം.എല്‍.എ ഹോസ്റ്റലില്‍ തങ്ങി. രാവിലെ ആറുമണി മുതല്‍ വൈകിട്ട് മൂന്നുമണി വരെ ഇദ്ദേഹം ഹോസ്റ്റലില്‍ ഉണ്ടായിരുന്നതായി റൂട്ട് മാപ്പില്‍ പറയുന്നു. രാത്രിയോടെ പെരുമ്ബാവൂരിലേക്ക് മടങ്ങി..

സെ​ക്ര​ട്ട​റി​യേ​റ്റ്, നി​യ​മ​സ​ഭാ മ​ന്ദി​രം തു​ട​ങ്ങി ഇ​യാള്‍ സ​ന്ദ​ര്‍ശിച്ച ഇ​ട​ങ്ങ​ളു​ടെ പ​ട്ടി​ക നീ​ള​മേ​റി​യ​താ​ണ്. ഇ​യാള്‍ സ​ന്ദ​ര്‍ശി​ച്ച​വ​രി​ല്‍ ഭ​ര​ണാ​ധി​കാ​രി​ക​ളു​ണ്ട്, ജ​ന​പ്ര​തി​നി​ധി​ക​ളു​ണ്ട്, ഉ​ന്ന​ത ഉ​ദ്യോ​ഗ​സ്ഥ​രു​ണ്ട്, സ​മൂ​ഹ​ത്തി​ന്റെ വി​വി​ധ മേ​ഖ​ല​ക​ളി​ലും പെ​ട്ട​വ​രു​ണ്ട്.