2020 ജനുവരി 23 മുതല്‍ നറുക്കെടുത്ത ഭാഗ്യക്കുറികളുടെ സമ്മാനാര്‍ഹമായ ടിക്കറ്റുകള്‍ പൊതുജനങ്ങളില്‍ നിന്നും ഏജന്റുമാരില്‍ നിന്നും സ്വീകരിക്കും... കൂടുതൽ വിവരങ്ങൾ ഇങ്ങനെ...
21 APRIL 2020 10:46 AM IST
മലയാളി വാര്‍ത്ത
ലോക്ക് ഡൗണില്‍ സര്‍ക്കാര്‍ ഇളവ് അനുവദിച്ച പ്രദേശങ്ങളില്‍ പ്രവര്‍ത്തനം പുനരാരംഭിച്ച ഭാഗ്യക്കുറി ഓഫീസുകളില്‍ 2020 ജനുവരി 23 മുതല്‍ നറുക്കെടുത്ത ഭാഗ്യക്കുറികളുടെ സമ്മാനാര്‍ഹമായ ടിക്കറ്റുകള്‍ പൊതുജനങ്ങളില്‍ നിന്നും ഏജന്റുമാരില്‍ നിന്നും സ്വീകരിക്കും.
ഇത്തരത്തില്‍ ഹാജരാക്കുന്ന ടിക്കറ്റുകള്‍ കംപ്യൂട്ടറില്‍ രേഖപ്പെടുത്തി രസീത് നല്‍കി സൂക്ഷിക്കും. ഏജന്റുമാര്‍ ആവശ്യപ്പെടുന്നപക്ഷം നിലവില്‍ ഓഫീസുകളില്‍ വില്പനയ്ക്കുള്ള ടിക്കറ്റുകള്‍ പകരം നല്‍കുകയോ പുതിയ ടിക്കറ്റുകള്‍ ലഭ്യമാകുന്ന മുറയ്ക്ക് നല്‍കുകയോ ചെയ്യും.
പൊതുജനം ഹാജരാക്കുന്ന സമ്മാന ടിക്കറ്റുകള്‍ക്ക് നിലവില്‍ അനുവര്‍ത്തിച്ചുവരുന്ന മാര്‍ഗ്ഗത്തില്‍ സമ്മാനവിതരണം നടത്തും. സര്‍ക്കാര്‍ ലോക്ക് ഡൗണില്‍ പൂര്‍ണ്ണ ഇളവ് അനുവദിക്കുന്ന മുറയ്ക്കാണ് ലോട്ടറി വില്പന അനുവദിക്കുക.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
