പെന്റഗണില്‍ നിന്നും അതീവ വിവാദപരമായ ഒരു പ്രഖ്യാപനം പുറത്തുവന്നിരിക്കുന്നു. 2009-ല്‍ ഫോര്‍ട്ട് ഹുഡ് മിലിറ്ററി ബേസില്‍ 13 അമേരിക്കന്‍ സൈനികരുടെ മരണത്തിനിടയാക്കിയ മുന്‍ മേജര്‍ നിദാല്‍ ഹസന്റെ വധശിക്ഷ ഫയറിങ് സ്‌ക്വാഡ് വഴി നടപ്പാക്കുമെന്നും, ഇത് ലോകമെമ്പാടുമുള്ള ജനങ്ങള്‍ക്ക് തത്സമയം കാണാന്‍ സാധിക്കുന്ന രീതിയില്‍ ലൈവ് സ്ട്രീം ചെയ്യുമെന്നുമാണ് പ്രതിരോധ സെക്രട്ടറി പിറ്റ് ഹെഗ്‌സെത്ത് വ്യക്തമാക്കിയിരിക്കുന്നത്.

ആധുനിക അമേരിക്കന്‍ ചരിത്രത്തില്‍ ഇത്തരമൊരു തീരുമാനം കേട്ടുകേള്‍വിയില്ലാത്തതാണെന്ന് നിയമവിദഗ്ധര്‍ ചൂണ്ടിക്കാണിക്കുന്നു.2009 നവംബറില്‍ ടെക്‌സസിലെ ഫോര്‍ട്ട് ഹുഡ് സൈനിക താവളത്തിലുണ്ടായ ദാരുണമായ വെടിവെപ്പില്‍ 13 പേര്‍ കൊല്ലപ്പെടുകയും നിരവധി പേര്‍ക്ക് പരിക്കേല്‍ക്കുകയും ചെയ്തിരുന്നു. ആതുരശുശ്രൂഷാ കേന്ദ്രത്തില്‍ നടന്ന ഈ നടുക്കുന്ന ആക്രമണത്തിന് പിന്നില്‍ പ്രവര്‍ത്തിച്ച സൈനിക സൈക്യാട്രിസ്റ്റായ നിദാല്‍ മാലിക് ഹസന്‍ കുറ്റക്കാരനാണെന്ന് കോടതി കണ്ടെത്തുകയായിരുന്നു.

2013ൽ സൈനിക കോടതി ഇയാൾക്ക് വധശിക്ഷ വിധിക്കുകയും, പതിറ്റാണ്ടുകൾ നീണ്ട നിയമപോരാട്ടങ്ങൾക്കൊടുവിൽ ഡിസംബർ 3ന് ഫയറിങ് സ്ക്വാഡ് വഴി വധശിക്ഷ നടപ്പിലാക്കാൻ തീരുമാനിക്കുകയുമായിരുന്നു.അറുപതിലധികം വര്‍ഷങ്ങള്‍ക്ക് ശേഷം അമേരിക്കയില്‍ നടക്കുന്ന ആദ്യത്തെ സൈനിക വധശിക്ഷയാണിത് എന്ന പ്രത്യേകതയുമുണ്ട്. ഈ വരുന്ന ഡിസംബര്‍ മൂന്നിനാണ് വധശിക്ഷ നടപ്പാക്കാന്‍ നിശ്ചയിച്ചിരിക്കുന്നത്.വധശിക്ഷ തത്സമയം സംപ്രേക്ഷണം ചെയ്യാനുള്ള പെന്റഗണിന്റെ തീരുമാനത്തിനെതിരെ ആഗോളതലത്തില്‍ തന്നെ വലിയ പ്രതിഷേധമാണ് ഉയര്‍ന്നു വന്നിരിക്കുന്നത്.

ഈ നടപടി പരസ്യ വധശിക്ഷയ്ക്ക് തുല്യമാണെന്നും അത്യാധുനിക നിയമങ്ങളുടെയും മനുഷ്യാവകാശങ്ങളുടെയും നഗ്‌നമായ ലംഘനമാണെന്നും ഐക്യരാഷ്ട്രസഭയുടെ മനുഷ്യാവകാശ ഓഫീസ് പ്രതികരിച്ചു. ഇസ്ലാമിക് സ്റ്റേറ്റ് പോലുള്ള തീവ്രവാദ സംഘടനകള്‍ നടപ്പാക്കുന്ന ക്രൂരമായ ശിക്ഷാവിധികളെ ഓര്‍മ്മിപ്പിക്കുന്ന ഒന്നാണിതെന്ന് ഡെമോക്രാറ്റിക് സെനറ്റര്‍ ക്രിസ് മര്‍ഫി രൂക്ഷമായി വിമര്‍ശിക്കുകയുണ്ടായി.എന്നാല്‍, തന്റെ തീരുമാനത്തില്‍ ഉറച്ചുനില്‍ക്കുന്ന നിലപാടാണ് പ്രതിരോധ സെക്രട്ടറി സ്വീകരിച്ചിരിക്കുന്നത്.