നെടുമ്പാശ്ശേരി അത്താണി വിഐപി റോഡില്‍ മൂന്ന് നിരപരാധികളുടെ ജീവൻ കവർന്നെടുത്ത കൊടുംക്രൂരതയില്‍ പ്രതിക്കൂട്ടിലായി ആലപ്പുഴയിലെ പ്രമുഖ വസ്ത്രസ്ഥാപനത്തിന്റെ' ഉടമകളായ ദമ്പതികൾ . ആലപ്പുഴ പിച്ചു അയ്യര്‍ ജംഗ്ഷന് പടിഞ്ഞാറുളള കടയ്ക്ക് പുറമെ കഴിഞ്ഞ രണ്ട് വര്‍ഷമായി എറണാകുളത്തും ഇവര്‍ പ്രവര്‍ത്തനം വ്യാപിപ്പിച്ചിട്ടുണ്ട്.

വലിയ രാഷ്ട്രീയ-സാമ്പത്തിക സ്വാധീനമുള്ള കുടുംബം. കയ്യിലുള്ള രാഷ്ട്രീയ സ്വാധീനം ഉപയോഗിച്ച് എല്ലാ ആരോപണവും ഇല്ലാതാക്കാന്‍ കഴിയും മൂന്നു പേരെ കൊന്നാലൂം സാരമില്ലെന്ന് ബാപ്പ ഉണ്ടല്ലോ പുഷ്പ്പം പോലെ പുറത്തിറക്കാൻ. ആ ധാര്‍ഷ്ട്യമാണ് അവരുടെ മകന്റെ വാക്കുകളിലൂടെ വെളിവാകുന്നത് .

അതിന്റെ അഹങ്കാരമാണ് 'മൂന്ന് പേരെ വണ്ടിയിടിച്ചുകൊന്നിട്ടും എന്റെ ബാപ്പ നോക്കിക്കോളും' എന്ന് പച്ചയ്ക്ക് വിളിച്ചുപറയാന്‍ പ്രതിയായ സുഹൈല്‍ സജീവ് എന്ന 19 കാര ന് ധൈര്യം നല്‍കിയത്.

തന്റെ കാറിനു മുന്നിൽപ്പെട്ട മൂന്നു ജീവനുകൾ കൺമുന്നിൽ പിടഞ്ഞൊടുങ്ങുന്നതു കണ്ടിട്ടും തെല്ലും കൂസലില്ലാതെ നാട്ടുകാരോടു തട്ടിക്കയറി സുഹൈൽ. വാഹനത്തിന്റെ അമിതവേഗം ചോദ്യംചെയ്ത നാട്ടുകാരോട്, ‘എയർപോർട്ട് റോഡിൽ വേഗത്തിൽ വണ്ടിയോടിച്ചാൽ എന്താണു കുഴപ്പം’ എന്നാണു പ്രതി ആക്രോശിച്ചത്. ആളുകൾ മരിച്ചതിന്റെ കേസൊക്കെ വാപ്പ നോക്കിക്കോളുമെന്നും തനിക്കൊന്നും സംഭവിക്കില്ലെന്നും പ്രതി പറഞ്ഞു.പിറന്നാളിന് മകന് ഉമ്മ മിനി കൂപ്പർ സമ്മാനം നൽകുന്ന ദൃശ്യങ്ങൾ അടക്കം പുറത്ത് വന്നിരിക്കുകയാണ് .

രാജഗിരി കോളേജിലെ ബിരുദ വിദ്യാർഥിയായ സുഹൈലിന് കോളേജിൽ പോയിവരുന്നതിനുള്ള സൗകര്യത്തിനായാണ് മാതാവ് വാഹനം സമ്മാനിച്ചതെന്നാണ് വിവരം. കാർ സമ്മാനമായി നൽകുന്നതിന്റെ വീഡിയോ മാതാവ് നേരത്തെ ഇൻസ്റ്റഗ്രാമിൽ പങ്കുവച്ചിരുന്നു.മകന്റെ പിറന്നാൾ ഡിസംബറിലായിരുന്നെങ്കിലും അന്ന് വാഹനം പുറത്തിറക്കാൻ സാധിച്ചിരുന്നില്ലെന്നും മകന്റെ സ്വപ്നവാഹനമാണ് മിനി കൂപ്പറെന്നും മാതാവ് വീഡിയോയിൽ വ്യക്തമാക്കിയിരുന്നു.മൂന്നുപേരുടെ മരണത്തിനിടയാക്കിയ അപകടത്തിന് പിന്നാലെയാണ് ഈ വീഡിയോ വീണ്ടും സമൂഹമാധ്യമങ്ങളിൽ പ്രചരിക്കുന്നത്.

19 കാരന്റെ ഡ്രൈവിങ് ലൈസൻസ് റദ്ദാക്കാനുള്ള നടപടികൾ മുതൽ മദ്യം നൽകിയ ബാറിന് വരെ മുട്ടൻ പണിയാണ് കിട്ടിയിരിക്കുന്നത്. മദ്യപിക്കാനുള്ള നിയമാനുസൃതമായ പ്രായം തികയാത്ത സുഹൈലിനു മദ്യം വിളമ്പിയതു നഗരത്തിലെ 3 പ്രമുഖ ബാറുകൾ ആണ്  .   19 വയസുകാരന് മദ്യം  കൊടുക്കരുതെന്ന് നിയമം കാറ്റിൽ പറത്തിയാണ് മദ്യം കൊടുത്തിരിക്കുന്നത്.  വൈറ്റില, പാലാരിവട്ടം എന്നിവിടങ്ങളിലെ ബാറുകളിലും ഇടപ്പള്ളിയിലെ പഞ്ചനക്ഷത്ര ഹോട്ടലിന്റെ ബാറിലും കയറി മദ്യപിച്ചു ലക്കുകെട്ടായിരുന്നു രാത്രി യാത്രയും അപകടവും.