വിവാദങ്ങൾക്ക് മറുപടിയുമായി മുഖ്യമന്ത്രി പിണറായി വിജയൻ. അവരവരുടെ രീതിവച്ച്‌ മറ്റുള്ളവരെ അളക്കാന്‍ നില്‍ക്കരുത്. അവരൊക്കെ ഓരോ തരത്തില്‍ വളര്‍ന്ന് വന്നവരായിരിക്കും. അങ്ങനെ വളര്‍ന്ന് വന്ന ഒരുത്തനല്ല ഇവിടെ ഇരിക്കുന്നത്. മടിയില്‍ കനം ഉള്ളവനെ വഴിയില്‍ പേടിക്കേണ്ടു. ആ ധൈര്യം തന്നെയാണ് ഇത്രയും കാലം എന്റെ ജീവിതത്തില്‍ ഉണ്ടായിട്ടുള്ളത്, ഇനി അങ്ങോട്ടും എന്നും മുഖ്യമന്ത്രി പ്രതികരിച്ചു.

ഡേറ്റ കൈമാറ്റ വിഷയത്തില്‍ വിദഗ്ധ സമിതിയെ പരിശോധനയ്ക്ക് നിയോഗിച്ചതിന് കേസുമായി ബന്ധമില്ല. വിവാദങ്ങള്‍ക്കു പിന്നില്‍ ഗൂഢമായ രാഷ്ട്രീയ ലക്ഷ്യങ്ങളാണ് ഉള്ളത്. അവരവരുടെ ശീലം അനുസരിച്ച്‌ മറ്റുള്ളവരെ അളക്കാന്‍ നോക്കരുത്. ആ ശീലങ്ങള്‍ക്കൊപ്പം വളര്‍ന്നവല്ല താനെന്നും മുഖ്യമന്ത്രി പറഞ്ഞു.