പാലക്കാട്​ ജില്ലയില്‍ കോവിഡ്​ സ്​ഥിരീകരിച്ച വിളയൂര്‍ സ്വദേശിയുടെ റൂട്ട്​മാപ് ജില്ല ഭരണകൂടം പുറത്തുവിട്ടു. കോളജ് അടച്ചതോടെ, മാര്‍ച്ച്‌ 19ന് വീട്ടിലെത്തിയ ഇദ്ദേഹം ഏപ്രില്‍ എട്ട്​ വരെ കൂരച്ചിപ്പടിയിലെ ഗ്രോസറി ഷോപ്, രണ്ട് ചിക്കന്‍ സ്​റ്റാള്‍, വീടിനടുത്തുള്ള വായനശാല എന്നിവിടങ്ങളില്‍ സന്ദര്‍ശിച്ചു. ഏപ്രില്‍ ഒമ്ബതിന് സ്വന്തം സ്കൂട്ടറില്‍ തിരുവേഗപ്പുറയിലെ എം.എസ് ക്ലിനിക്കിലേക്ക്​ അമ്മയോടൊപ്പം പോയി. ഒന്നര മണിക്കൂറോളം ആശുപത്രിയില്‍ ചെലവഴിച്ചു.

തുടര്‍ന്ന് തിരുവേഗപ്പുറയിലെ പെട്രോള്‍ പമ്ബില്‍ പോയി. പിന്നീട് കൂരാച്ചിപ്പടിയിലെ റേഷന്‍ കടയിലും കാനറ ബാങ്ക് എ.ടി.എമ്മിലും അടുത്തുള്ള ഫ്രൂട്ട് സ്​റ്റാളിലും പോയി. 10, 11 തീയതികളില്‍ കൂരാച്ചിപ്പടിയിലെ ഗ്രോസറി ഷോപ്​, ലൈബ്രറി, ബാര്‍ബര്‍ ഷോപ് എന്നിവ സന്ദര്‍ശിച്ചു. 12ന്​ ചെറിയതോതില്‍ പനിയും തലവേദനയും ആരംഭിച്ചു. 13ന്​ രാത്രി എട്ടിന്​ എടപ്പലത്തെ സ്വകാര്യ ക്ലിനിക്കില്‍ പോയി. അവിടത്തെ സ്​​റ്റാഫ് നഴ്​സാണ് ഇയാളുടെ താപനില പരിശോധിച്ചത്. 15 മിനിറ്റോളം ആശുപത്രിയില്‍ ചെലവഴിച്ചു.

ഏപ്രില്‍ 16ന്​ രാത്രി 8.30ന് എടപ്പലത്തുള്ള സ്വകാര്യ ക്ലിനിക്കില്‍ വീണ്ടും പോയി ലാബ് ടെസ്​റ്റുകള്‍ ചെയ്തു. മരുന്ന് വാങ്ങി തിരിച്ചെത്തി. 45 മിനിറ്റോളം അവിടെ ചെലവഴിച്ചു. ഏപ്രില്‍ 17, 18 തീയതികളില്‍ വീട്ടില്‍ തന്നെയായിരുന്നു. ഒരുദിവസം ഇ.എം.എസ് ആശുപത്രിയിലേക്ക് മാറ്റിയ അമ്മയെ കാണാന്‍ പോയി. സ്വന്തം ടൂവീലറിലായിരുന്നു യാത്ര. ഈ രണ്ടുദിവസവും ഇദ്ദേഹത്തി​​​െന്‍റ സുഹൃത്തുക്കള്‍ വീട്ടിലെത്തിയിരുന്നു.

ഏപ്രില്‍ 19ന് രാവിലെ 8.30ന്​​ ഒറ്റപ്പാലം താലൂക്ക് ആശുപത്രിയില്‍ എത്തി. രാത്രി ഒമ്ബത്​ മുതല്‍ 10.15 വരെ വീട്ടിലേക്ക് മടങ്ങി. അന്ന്​ തന്നെയാണ്​ ഇയാളുടെ അമ്മ മഞ്ചേരിയില്‍ മരിച്ചത്. അമ്മയുടെ പരിശോധനാഫലം നെഗറ്റിവായിരുന്നതിനാല്‍ രാത്രി മൃതദേഹം വീട്ടിലെത്തിച്ച്‌​ സംസ്കരിച്ചു. സംസ്‌കാരച്ചടങ്ങില്‍ പ്രത്യേക അനുമതിയോടെ യുവാവിനെ പങ്കെടുപ്പിച്ചു.

ആംബുലന്‍സില്‍ ഡ്രൈവര്‍ക്ക് ഒപ്പം സുരക്ഷ വസ്​ത്രം ധരിച്ചാണ് എത്തിയത്. ഏകദേശം 50 പേര്‍ ഈ സമയം ഇവരുടെ വീട്ടില്‍ എത്തിയിരുന്നു. 10.15ന് വീണ്ടും ഒറ്റപ്പാലം താലൂക്ക് ആശുപത്രിയില്‍ എത്തിച്ച്‌​ പരിശോധനക്കായി സ്രവം എടുത്തു. 20ന് ഒറ്റപ്പാലം താലൂക്ക് ആശുപത്രിയില്‍ ഐസൊലേഷനില്‍ നിരീക്ഷണം തുടര്‍ന്നു. പരിശോധന ഫലം പോസിറ്റീവ് ആയതിനെ തുടര്‍ന്ന് 21ന് പാലക്കാട് ജില്ല ആശുപത്രിയിലേക്ക് മാറ്റി.

ഹോട്ട്​സ്​പോട്ട്​ മേഖലയായി പ്രഖ്യാപിച്ച വിളയൂര്‍ പഞ്ചായത്തിലേക്കുള്ള പ്രവേശനവും അനാവശ്യമായി ആളുകള്‍ പുറത്തിറങ്ങുന്നതും കൂട്ടംകൂടുന്നതും വിലക്കിയിട്ടുണ്ട്​. കോവിഡ്​ സ്​ഥിരീകരിച്ച യുവാവ് ചികിത്സക്ക് പോയ എടപ്പലം, തിരുവേഗപ്പുറ ക്ലിനിക്കുകള്‍ അടച്ചു.

യുവാവി​​​െന്‍റ പിതാവ്​ ജോലി ചെയ്യുന്ന കൊപ്പം സഹകരണ ബാങ്കി​​​െന്‍റ നടുവട്ടം ശാഖ ഉള്‍പ്പെടെ ഏഴ്​ ശാഖകളും അടച്ചു. ബാങ്ക് ജീവനക്കാര്‍ ഞായറാഴ്ച കോവിഡ്​ ബാധിതനായ യുവാവി​​​െന്‍റ അമ്മയുടെ സംസ്കാര ചടങ്ങില്‍ പങ്കെടുത്തിരുന്നു.

യുവാവുമായി നേരിട്ട് സമ്ബര്‍ക്കത്തിലേര്‍പ്പെട്ട പിതാവ്, സഹോദരി, സഹോദരിയുടെ ഭര്‍ത്താവ്, മക്കള്‍, അമ്മയുടെ സഹോദരി, അടുത്ത സുഹൃത്ത്, വീട്ടിലെ സഹായി, അയല്‍ വീട്ടുകാര്‍, അമ്മയെ ആശുപത്രിയിലേക്ക് കൊണ്ടുപോയ വാഹനത്തി​​​െന്‍റ ഡ്രൈവര്‍, മുടിവെട്ടിയ ബാര്‍ബര്‍, ഭക്ഷണം എത്തിച്ച അയല്‍വാസി തുടങ്ങി 13 പേരെ കൂടുതല്‍ പരിശോധനക്കായി ആരോഗ്യവകുപ്പ് ഒറ്റപ്പാലത്തേക്ക് കൊണ്ടുപോയി.

വിളയൂര്‍ കൂരാച്ചിപ്പടിയിലെ വിവിധ കടകളും ബാങ്കും യുവാവി​​​െന്‍റ വീടും പെരിന്തല്‍മണ്ണ അഗ്നിശമന സേനയും ബാങ്കി​​​െന്‍റ കൊപ്പം, നടുവട്ടം, തിരുവേഗപ്പുറ ശാഖകളും ഷൊര്‍ണൂര്‍ അഗ്നിശമനസേനയും അണുവിമുക്തമാക്കി.

ഇയാളുടെ വീട്ടില്‍ പല സമയങ്ങളിലായി വന്നുപോയ നൂറോളം പേരെ ക്വാറന്‍റീനിലാക്കിയിട്ടുണ്ട്. വീട്ടിലെത്തിയ വിളയൂര്‍ പഞ്ചായത്തിലുള്ളവര്‍ക്ക്​ പുറമെ എടയൂര്‍, പുലാമന്തോള്‍ പഞ്ചായത്തുകളിലെ ബന്ധുക്കളും താലൂക്കിലെ വിവിധ ഭാഗങ്ങളില്‍ നിന്ന് വന്ന പൊതുപ്രവര്‍ത്തകരും ക്വാറന്‍റീനിലാണ്.