തമിഴ്നാട്ടില്‍ നിന്നു വൈക്കോലുമായി എത്തിയത് ഒരേ നമ്ബറിലുള്ള രണ്ട് ലോറികള്‍ ; ലോറിയില് എത്തിയ ഡ്രൈവര്‍ ഉള്‍പ്പെടെയുള്ള ജീവനക്കാരെ കണ്ടെത്തി ക്വാറന്റീന്‍ ചെയ്യാനുള്ള നടപടികള്‍ തുടങ്ങിയതായി ആരോഗ്യവകുപ്പ്
തമിഴ്നാട്ടില്‍ നിന്നു വൈക്കോലുമായി എത്തിയ ഒരേ നമ്ബറിലുള്ള രണ്ട് ലോറികള്‍ മോട്ടര്‍ വാഹന വകുപ്പിന്റെ എന്‍ഫോഴ്സ്മെന്റ് സ്ക്വാഡ് പിടികൂടി. സിനിമാപറമ്ബില്‍ ഉച്ചയ്ക്ക് 3.30നാണ് സംഭവം.
പുതുശേരില്‍ ജേക്കബ് തോമസിന്റെ ഉടമസ്ഥതയിലുള്ള ഒരു ലോറിയുടെ രജിസ്ട്രേഷന്‍ നമ്ബരാണ് രണ്ടിനും ഉപയോഗിച്ചിരുന്നത്. വൈക്കോല്‍ വ്യാപാരത്തിനായി വര്‍ഷങ്ങളായി ഇവ ഉപയോഗിക്കുന്നുണ്ട്. കെഎല്‍ എ 1278 എന്നാണ് രണ്ട് ലോറികളുടേയും നമ്ബറുകള്‍.
തമിഴ്നാട്ടില്‍ നിന്നു രാവിലെ എത്തിയ ലോറി പരിശോധിക്കവെയാണ് ഇതേ നമ്ബരിലുള്ള മറ്റൊരു ലോറി ഷെഡില്‍ കാണുന്നത്. ആരോഗ്യ വകുപ്പിന്റെ സാന്നിധ്യത്തില്‍ ലോറികള്‍ ശുചീകരിച്ച ശേഷം മാത്രമേ വാഹനത്തിനുള്ളില്‍ പരിശോധന നടത്താന്‍ കഴിയുകയുള്ളൂ. ഒരു ലോറിയുടെ ഷാസി നമ്ബര്‍ മായ്ച നിലയിലാണെന്നും ടാക്സ്, ഇന്‍ഷുറന്‍സ് എന്നിവ വെട്ടിക്കുന്നതിനാണ് ഇത് ചെയ്തതെന്നും കൂടുതല്‍ അന്വേഷണം നടക്കുകയാണെന്നും അസി. മോട്ടര്‍ വെഹിക്കിള്‍ ഇന്‍സ്പെക്ടര്‍മാരായ എസ് കിരണ്‍ കുമാര്‍, അനൂപ് കെ രവി, എം ഷമീം എന്നിവര്‍ പറഞ്ഞു.
വാഹനങ്ങള്‍ പൊലീസ് സ്റ്റേഷനിലേക്ക് മാറ്റും. ലോറിയില് എത്തിയ ഡ്രൈവര്‍ ഉള്‍പ്പെടെയുള്ള ജീവനക്കാരെ കണ്ടെത്തി ക്വാറന്റീന്‍ ചെയ്യാനുള്ള നടപടികള്‍ തുടങ്ങിയതായി ആരോഗ്യവകുപ്പ് പറഞ്ഞു.
https://www.facebook.com/Malayalivartha
