സംസ്ഥാനത്ത് കോവിഡ് പ്രതിരോധ പ്രവര്‍ത്തനങ്ങള്‍ക്കായി സര്‍ക്കാര്‍ ജീവനക്കാരുടെ ശമ്പളം വെട്ടിക്കുറക്കാനുളള തീരുമാനത്തിന്റെ ഉത്തരവ് പുറത്തിറങ്ങി... ഏപ്രില്‍ മുതല്‍ ആഗസ്റ്റ് വരെയുള്ള അഞ്ച് മാസം ആറ് ദിവസത്തെ ശമ്പളമാണ് പിടിക്കുക
സംസ്ഥാനത്ത് കോവിഡ് പ്രതിരോധ പ്രവര്‍ത്തനങ്ങള്‍ക്കായി സര്‍ക്കാര്‍ ജീവനക്കാരുടെ ശമ്ബളം വെട്ടിക്കുറക്കാനുളള തീരുമാനത്തിന്റെ ഉത്തരവ് പുറത്തിറങ്ങി. ഏപ്രില്‍ മുതല്‍ ആഗസ്റ്റ് വരെയുള്ള അഞ്ച് മാസം ആറ് ദിവസത്തെ ശമ്പളമാണ് പിടിക്കുക.ഇരുപതിനായിരം രൂപയില്‍ താഴെ ഗ്രോസ് സാലറിയുള്ളവര്‍ക്ക് ഉത്തരവ് ബാധകമല്ല. മാറ്റിവെക്കുന്ന ശമ്ബളം പ്രത്യേക സ്‌പെഷല്‍ ട്രഷറി സേവിങ് അക്കൗണ്ടില്‍ നിക്ഷേപിക്കും. ദുരിതാശ്വാസ നിധിയിലേക്ക് ഒരു മാസത്തെ ശമ്ബളം നല്‍കിയ ഉദ്യോഗസ്ഥര്‍ക്ക് ഉത്തരവ് ബാധകമല്ല.
കൂടാതെ മന്ത്രിമാരുടെയും എം.എല്‍.എമാരുടെയും ശമ്പളത്തില്‍നിന്നും 30 ശതമാനവും പിടിക്കും. നടപടി ഗുരുതര പ്രതിസന്ധി കാരണമാണെന്ന് ഉത്തരവില്‍ പറയുന്നു. സര്‍ക്കാര്‍ ജീവനക്കാരുടെ പ്രതിമാസ ശമ്ബളത്തില്‍ നിന്ന് ആറു ദിവസത്തെ ശമ്പളം പിടിക്കാന്‍ മന്ത്രിസഭ യോഗത്തില്‍ നിര്‍ദേശം അവതരിപ്പിച്ചിരുന്നു. ധനമന്ത്രി തോമസ് ഐസകാണ് ഒരു മാസത്തെ ശമ്ബളം നല്‍കുന്നതിന് പകരമായി ഈ നിര്‍ദേശം അവതരിപ്പിച്ചത്.
"
https://www.facebook.com/Malayalivartha
