സംസ്ഥാനത്ത് ഇന്നലെ 84 പേര്‍ക്കാണ് കൊവിഡ് സ്ഥിരീകരിച്ചത്. അതായത് ഇതുവരെ ഉള്ളതില്‍ വച്ച് ഏറ്റവും കൂടിയ കണക്ക്, ഇത് ഉയര്‍ത്തുന്ന ഭീഷണി ചെറുതൊന്നുമല്ല. കോവിഡ് രോഗികളുടെ എണ്ണം ഇരട്ടിക്കുന്നതില്‍ ദേശീയ നിരക്കിനെ മറികടന്നുകൊണ്ട് സംസ്ഥാനം വലിയ ഭീതിയാണ് സൃഷ്ടിക്കുന്നത്. രാജ്യത്ത് രോഗികളുടെ എണ്ണം വര്‍ധിക്കാന്‍ 14 ദിവസം എടുക്കുമ്പോള്‍ സംസ്ഥാനത്ത് ഇപ്പോള്‍ അത് വെറും 12 ദിവസം മാത്രം. ഇന്നുമുതല്‍ ജലദോഷപ്പനിക്ക് ചികിത്സ തേടുന്നവരിലും കോവിഡ് പരിശോധന നടത്തും. എന്നുള്ള കാര്യവും സ്ഥിരീകരിച്ചിരിക്കുന്നു ആദ്യ കോവി ഡ് ബാധ ജനുവരി 30ന് റിപ്പോര്‍ട്ട് ചെയ്യപ്പെടുമ്പോള്‍ മുതല്‍ രോഗികളുടെ എണ്ണം 500 ലെത്താന്‍ എടുത്ത സമയം 100 ദിവസത്തോളമാണ്.

നിലവില്‍ പ്രവാസികളെത്തിത്തുടങ്ങിയ മേയ് ഏഴിന് 503 രോഗബാധിതര്‍ ആണ് സംസ്ഥാനത്ത് ഉണ്ടായിരുന്നത് . പിന്നീടിങ്ങോട്ട് വെറും 21 ദിവസത്തിനുള്ളില്‍ 585 പേര്‍ക്കാണ് രോഗം സ്ഥിരീകരിച്ചത്. രോഗികളുടെ എണ്ണം ഇരട്ടിക്കാന്‍ ദേശീയതലത്തില്‍ 14 ദിവസം എടുക്കുമ്പോള്‍ കേരളത്തില്‍ ഇപ്പോള്‍ 12 ദിവസം മതി. കഴിഞ്ഞ പത്ത് ദിവസത്തെ കണക്കെടുത്താല്‍ കേരളത്തിലെ പോസിറ്റീവ് കേസുകളുടെ വര്‍ധന 69 ശതമാനം ആണ് . ദേശീയതലത്തില്‍ 51 ശതമാനം മാത്രം.

പുറത്തുനിന്ന് എത്തുന്നവരാണ് രോഗബാധിതരില്‍ കൂടുതല്‍ എങ്കില്‍പോലും എണ്ണം ക്രമാതീതമായി വര്‍ധിക്കുന്നത് സമൂഹ വ്യാപന സാധ്യത കൂട്ടും. ഇതിനൊപ്പമാണ് ഉറവിടം അറിയാത്ത രോഗബാധിതര്‍ കൂടുന്നത്. തിരുവനന്തപുരത്ത് ഇന്നലെ രോഗം സ്ഥിരീകരിച്ച തടവുകാര്‍ ഉള്‍പ്പെടെ അഞ്ചു പ്രതികള്‍ക്കാണ് ജയിലില്‍ അടയ്ക്കും മുമ്പുള്ള പരിശോധനയില്‍ കോവിഡ് കണ്ടെത്തിയത്. ചക്ക തലയില്‍ വീണ് ചികിത്സതേടിയ കാസര്‍കോട്ടെ ഓട്ടോറിക്ഷാ ഡ്രൈവര്‍, കണ്ണൂരിലെ ആദിവാസി ഗര്‍ഭിണി, പ്രസവത്തിന് എത്തിയ കൊല്ലത്തെ യുവതി , റിമാന്‍ഡ് പ്രതികള്‍ തുടങ്ങിയവര്‍ക്കൊക്കെ ആകസ്മികമായി രോഗം കണ്ടെത്തുന്നത് സമൂഹ വ്യാപന സൂചനയാണ് നല്‍കുന്നത്.