അനധികൃത സ്വത്ത് സമ്പാദനക്കേസിൽ ജയിലിലായ മുൻ ഡിജിപി ടോമിൻ ജെ. തച്ചങ്കരിക്ക് ഒടുവിൽ ഹൈക്കോടതിയിൽ നിന്ന് വൻ ആശ്വാസം! വിജിലൻസ് കോടതി വിധിച്ച നാല് വർഷത്തെ തടവുശിക്ഷ അപ്പീൽ തീർപ്പാകുന്നത് വരെ ഹൈക്കോടതി താൽക്കാലികമായി മരവിപ്പിച്ചു. തന്റെ സ്വത്തുക്കൾ മാതാവ് വഴി ലഭിച്ചതാണെന്ന തച്ചങ്കരിയുടെ വാദം പരിഗണിച്ചാണ് ജാമ്യത്തോടെയുള്ള ഈ ജയിൽ മോചനം. 13 വർഷം നീണ്ട നിയമപോരാട്ടത്തിനൊടുവിൽ ഉണ്ടായ ഈ കോടതി ഉത്തരവോടെ മുൻ ഡിജിപി ഉടൻ ജയിലിന് പുറത്തിറങ്ങും.