വൈദ്യുതി ബില്ലിന്റെ പകുതി ഇപ്പോൾ അടച്ചാൽ മതി .. ഇളവുകളുമായി കെഎസ്ഇബി
കൊവിഡ്-19നെ തുടർന്ന് പ്രഖ്യാപിച്ച ലോക് ഡൗണിനിടെ വൈദ്യുതി ബില്ലുകൾ ഒന്നിച്ചടയ്ക്കാൻ പ്രയാസമുള്ള ഗാർഹിക ഉപഭോക്താക്കൾക്ക് ഇളവുകളുമായി കെഎസ്ഇബി. ബിൽ തുക പകുതി അടച്ചാൽ ബാക്കി തുക രണ്ടു തവണകളായി അടച്ചാൽ മതിയാകും..
മുഖ്യമന്ത്രി പിണറായി വിജയന്റെ നിർദേശാനുസരണം മന്ത്രി എം.എം. മണി കെ.എസ്.ഇ.ബി ഉദ്യോഗസ്ഥരുമായി നടത്തിയ ചർച്ചയ്ക്ക് ശേഷമാണ് തീരുമാനം
വാണിജ്യ വ്യവസായ സ്ഥാപനങ്ങളുടെയും സ്വകാര്യ ആശുപത്രികളുടെയും ലോക്ക് ഡൗൺ കാലയളവിലെ (2020 മാർച്ച്, ഏപ്രിൽ, മേയ്) വൈദ്യുതി ബില്ലിലെ ഫിക്സഡ് ചാർജിലും 25 ശതമാനം ഇളവ് നൽകും.
ഫിക്സഡ് ചാർജിലെ ബാക്കി തുക ഡിസംബർ വരെ പലിശയില്ലാതെ അടയ്ക്കാനുള്ള സാവകാശവുമുണ്ടാകും.
ഗാര്ഹിക ഉപഭോക്താക്കള്ക്ക് ലോക് ഡൗണ് കാലയളവില് വലിയ ബില്ലുകള് വരുന്നത് സംബന്ധിച്ച പരാതികൾ ഉയർന്നിരുന്നു. ഈ പരാതികൾ പരിശോധിച്ച് പരിഹാരം കണ്ടെത്താൻ വൈദ്യുതി ബോര്ഡിന് സർക്കാർ നിർദേശം നല്കിയിട്ടുണ്ട്.
ബിൽതുക കൂടുതലായി രേഖപ്പെടുത്തിയെന്ന് ചൂണ്ടിക്കാട്ടുന്ന ഉപഭോക്താക്കളുടെ എല്ലാ പരാതികളും വിശദമായി പരിശോധിക്കണമെന്നും മന്ത്രി ഉദ്യോഗസ്ഥർക്ക് നിർദേശം നൽകി
https://www.facebook.com/Malayalivartha