കേരളം ചരിത്രം സൃഷ്ട്ടിക്കും... പഠനത്തോടൊപ്പം തന്നെ പരിമിതമായ സമയത്തില്‍ ചെയ്യുന്ന ലഘു ജോലികള്‍ വിദ്യാര്‍ത്ഥികള്‍ക്ക് നല്‍കി വിദ്യാര്‍ത്ഥികളെ സ്വയം പര്യാപ്തരാക്കുവാനുള്ള ശ്രമം... ഇത് പുത്തന്‍ വിപ്ലവം മലയാളി വിദ്യാര്‍ത്ഥികള്‍ ഇനി ജോലി തേടി അലയേണ്ട...
കേരളത്തിലും അതുപോലെതന്നെ ഇന്ത്യയിലും അഭ്യസ്തവിദ്യരായ ചെറുപ്പക്കാര്‍ വലിയതോതില്‍ ഉദിച്ചുവരികയാണ് .കേരളത്തിലെ സാഹചര്യം നോക്കിയാല്‍ വിദ്യാസമ്പന്നരായ ചെറുപ്പക്കാരുടെ എണ്ണം രാജ്യനിരക്കിനേക്കാള്‍ ഏറെ മുന്നിലാണ് .അതിനാല്‍ തന്നെ ഇവര്‍ക്കെല്ലാം ജോലി നല്‍കുക എന്നത് സര്‍ക്കാരിന് ഒരിക്കലും കഴിയാത്ത കാര്യമായി നിലനില്‍ക്കുന്നു .നിലവില്‍ കോവിഡ് എന്ന മഹാമാരി പടര്‍ന്നു പിടിക്കുമ്പോള്‍ ഉള്ള തൊഴിലവസരങ്ങള്‍ കൂടി നഷ്ടപ്പെടുന്ന സാഹചര്യമാണ് രാജ്യത്തുള്ളത് ലോകത്താകമാനം നിലനില്ക്കുന്ന ഈ ആഗോള പ്രതിഭാസം കേരളത്തെയും കാര്യമായി തന്നെ ബാധിച്ചിട്ടുണ്ട് .അതിനാല്‍ തന്നെ ഇതിനു പരിഹാരമെന്നോണം ഒട്ടനവധി നൂതന പദ്ധതികളാണ് സംസ്ഥാന സര്‍ക്കാര്‍ അവലംബിച്ചിരിക്കുന്നത് .
പഠനത്തോടൊപ്പം തന്നെ പരിമിതമായ സമയത്തില്‍ ചെയ്യുന്ന ലഘു ജോലികള്‍ വിദ്യാര്‍ത്ഥികള്‍ക്ക് നല്‍കി വിദ്യാര്‍ത്ഥികളെ സ്വയം പര്യാപ്തരാക്കുവാനുള്ള ശ്രമമാണ് അതില്‍ പ്രശംസാവഹമായ കാര്യം .സംസ്ഥാനസര്‍ക്കാര്‍ വിഭാവനം ചെയ്യുന്ന 'പഠനത്തിനൊപ്പം ജോലി' പദ്ധതി ഈ അധ്യയനവര്‍ഷം നടപ്പാക്കും എന്ന് വ്യക്തമായിരിക്കുകയാണ് . ജോലിക്കുള്ള പ്രതിഫലം സര്‍ക്കാര്‍ നിശ്ചയിക്കും. പഠനസമയത്തിനുശേഷം എത്രമണിക്കൂര്‍ ജോലിചെയ്യണമെന്നത് ഉള്‍പ്പെടെയുള്ള കാര്യങ്ങളില്‍ വ്യവസ്ഥയുണ്ടാക്കുന്ന സര്‍ക്കാര്‍, ഇതിനായി ഒരു പൊതു പ്ലാറ്റ്ഫോമും തയ്യാറാക്കും. പദ്ധതിക്കായി ഉന്നതവിദ്യാഭ്യാസ കൗണ്‍സില്‍ കരട് റിപ്പോര്‍ട്ട് തയ്യാറാക്കി.
മുഖ്യമന്ത്രി പിണറായി വിജയന്‍ വിദ്യാര്‍ഥിനേതാക്കളുമായി നടത്തിയ ചര്‍ച്ചയില്‍നിന്ന് രൂപപ്പെട്ട ആശയമാണ് യാഥാര്‍ഥ്യമാകാനൊരുങ്ങുന്നത്. 2004-ല്‍ യു.ജി.സി. പ്രഖ്യാപിച്ച പദ്ധതി മദ്രാസ് സര്‍വകലാശാല ഉള്‍പ്പെടെയുള്ള പ്രമുഖ സര്‍വകലാശാലകള്‍ നടപ്പാക്കിക്കഴിഞ്ഞു.ഇതിന്റെ മാതൃകയില്‍ നടപ്പിലാക്കാനാണ് വിദഗ്ദ്ധ സമതി ആലോചിച്ചു വരുന്നത് . 2017-ല്‍ ഓള്‍ഇന്ത്യ കൗണ്‍സില്‍ ഫോര്‍ ടെക്‌നിക്കല്‍ എജ്യുക്കേഷനും ഓള്‍ഇന്ത്യ ടെക്‌നിക്കല്‍ മാനേജ്മെന്റ് കൗണ്‍സിലും പദ്ധതി പ്രഖ്യാപിച്ചിരുന്നു. തുടര്‍ന്നാണ് മുഖ്യമന്ത്രി താത്പര്യമെടുത്ത് കേരളത്തിലും പദ്ധതി നടപ്പാക്കാനുള്ള ശ്രമങ്ങളാരംഭിച്ചത്.സംസ്ഥാനത്ത് കോളേജ് ക്ലാസുകളുടെ സമയം രാവിലെ എട്ടരമുതല്‍ ഉച്ചയ്ക്ക് ഒന്നരവരെയാക്കാമെന്ന ചര്‍ച്ചയും ഇതിന്റെ പശ്ചാത്തലത്തിലാണ്.
അധ്യാപകസംഘടനകളില്‍ നിന്നുള്‍പ്പെടെ എതിര്‍പ്പുകള്‍ വന്നിട്ടുണ്ടെങ്കിലും ഇക്കാര്യത്തില്‍ അന്തിമതീരുമാനമായിട്ടില്ല.നിലവില്‍ പല എതിര്‍പ്പുകളും അതോടൊപ്പം തന്നെ സന്ദേശങ്ങളും സര്‍ക്കാരിന് ലഭ്യമായിക്കൊണ്ടിരിക്കയുകയാണ് .സര്‍വകലാശാലകളും സര്‍ക്കാര്‍കോളേജുകളും അര്‍ധസര്‍ക്കാര്‍സ്ഥാപനങ്ങളും ചേര്‍ന്ന് പദ്ധതികള്‍ തയ്യാറാക്കി നടപ്പാക്കുന്നരീതിയിലും സര്‍ക്കാരിന്റെയും സര്‍വകലാശാലകളുടെയും മാനദണ്ഡങ്ങള്‍ പാലിച്ച് വിദ്യാര്‍ഥികള്‍ക്കുതന്നെ സ്വന്തമായി ജോലി തിരഞ്ഞെടുക്കാവുന്ന രീതിയുമാണ് ആലോചനയിലുള്ളത്.
സര്‍വകലാശാലകളും കോളേജുകളും തൊഴിലധിഷ്ഠിത അനുബന്ധകോഴ്സുകള്‍ ആരംഭിക്കുകയും ജോലിപരിചയം അക്കാദമിക വിലയിരുത്തലിനു പരിഗണിക്കുകയും വേണമെന്ന് ഉന്നത വിദ്യാഭ്യാസ കൗണ്‍സിലിന്റെ പഠനറിപ്പാര്‍ട്ടിലുണ്ട്. ശാസ്ത്രം, സാങ്കേതികം, എന്‍ജിനിയറിങ്, ഗണിതം തുടങ്ങിയവയില്‍ തൊഴിലധിഷ്ഠിത പഠ്യപദ്ധതികള്‍ക്ക് രൂപംനല്‍കാം. പദ്ധതികള്‍ വിദ്യാഭ്യാസസ്ഥാപനങ്ങളുടെ ലാഭത്തിനുവേണ്ടിയാകരുത് എന്ന നിര്‍ദ്ദേശം അതിലുണ്ട് .സ്ഥാപനങ്ങള്‍ക്ക് അവരുടെതന്നെ വിവിധ വകുപ്പുകളെ ഉപയോഗിച്ച് ജോലിസാധ്യതകള്‍ സംബന്ധിച്ച പഠനങ്ങള്‍ നടത്തി അതനുസരിച്ചുള്ള തൊഴിലധിഷ്ഠിത കോഴ്സുകള്‍ക്ക് രൂപംനല്‍കാം.
വ്യാവസായസ്ഥാപനങ്ങള്‍ അവയുടെ സാമൂഹികഉത്തരവാദിത്വത്തിന്റെ ഭാഗമായി പദ്ധതിയെ കാണണം. പദ്ധതി നടപ്പാകുമ്പോള്‍ സര്‍ക്കാരിന്റെയും സര്‍വകലാശാലകളുടെയും കര്‍ശന നിരീക്ഷണം ഉണ്ടാകണമെന്നും ഉന്നത വിദ്യാഭ്യാസ കൗണ്‍സില്‍ ചൂണ്ടിക്കാട്ടിയിട്ടുണ്ട്.അതിനാല്‍ തന്നെ പരീക്ഷണാര്‍ത്ഥത്തില്‍ ഇത് നടപ്പിലാക്കാനുള്ള തയ്യാറെടുപ്പിലാണ് സംസ്ഥാന സര്‍ക്കാര്‍.
https://www.facebook.com/Malayalivartha
