ടി20 പരമ്പരയിൽ ഇന്ത്യയും വെസ്റ്റ് ഇൻഡീസും സംയുക്ത ജേതാക്കൾ. അഞ്ചാം പോരാട്ടത്തിൽ മഴ വില്ലനായതോടെ മത്സരം ഉപേക്ഷിച്ചു. മഴയെ തുടർന്നു ഏറെ താമസിച്ചാണ് കളി ആരംഭിച്ചത്. 9 ഓവറാക്കി ചുരുക്കിയായിരുന്നു പോരാട്ടം. ടോസ് നേടി വിൻഡീസ് ബൗളിങ് എടുത്തു.

കിരീടം പങ്കിട്ടാലും വിൻഡീസിനെ സംബന്ധിച്ച് നേട്ടമാണ്.

2002നു ശേഷം ഇന്ത്യൻ മണ്ണിൽ അവർ സ്വന്തമാക്കുന്ന ആദ്യ പരമ്പര നേട്ടം കൂടിയാണിത്. ബാറ്റിങിനു ഇറങ്ങിയ ഇന്ത്യ 7.4 ഓവറിൽ 5 വിക്കറ്റ് നഷ്ടത്തിൽ 118 റൺസിൽ നിൽക്കെ മഴ വീണ്ടും പെയ്തു. ഇതോടെ മത്സരം ഉപേക്ഷിക്കുകയും കിരീടം പങ്കിടുകയുമായിരുന്നു.