ഇന്ത്യന്‍ സൂപ്പര്‍ ലീഗില്‍ വിജയത്തുടര്‍ച്ച ലക്ഷ്യമിട്ട് കേരള ബ്ലാസ്റ്റേഴ്സ് ഇന്നിറങ്ങുന്നു.... എതിരാളികള്‍ നോര്‍ത്ത് ഈസ്റ്റ് യുണൈറ്റഡ്
ഇന്ത്യന്‍ സൂപ്പര്‍ ലീഗില്‍ വിജയത്തുടര്‍ച്ച ലക്ഷ്യമിട്ട് കേരള ബ്ലാസ്റ്റേഴ്സ് ഇന്നിറങ്ങുന്നു. നോര്‍ത്ത് ഈസ്റ്റ് യുണൈറ്റഡ് ആണ് എതിരാളികള്‍. ഗുവാഹത്തി ഇന്ദിരാഗാന്ധി അത്‌ലറ്റിക് സ്‌റ്റേഡിയത്തില്‍ രാത്രി 7. 30 നാണ് മത്സരം തുടങ്ങും. ആദ്യ മത്സരത്തില്‍ ഇന്റര്‍കാശിലെ എതിരില്ലാത്ത രണ്ടു ഗോളുകള്‍ക്ക് തകര്‍ത്ത് ഐഎസ്എല്ലില്‍ വിജയത്തുടക്കം കുറിക്കാനായതിന്റെ ആത്മവിശ്വാസത്തിലാണ് ബ്ലാസ്റ്റേഴ്സ്.
ഇംഗ്ലീഷ് പരിശീലകന്‍ ആഷ്‌ലി വെസ്റ്റ് വുഡിന്റെ തന്ത്രങ്ങളാണ് മഞ്ഞപ്പടയുടെ കരുത്ത്. സൂപ്പര്‍താരം അഡ്രിയാന്‍ ലൂണ ഇന്നും കളിക്കാനായി സാധ്യത കുറവാണെന്നാണ് റിപ്പോര്‍ട്ടുകളുള്ളത്.
അതേസമയം പുതുതായി ടീമിലെത്തിയ വിദേശതാരം മോമോ യാന്‍സെന്‍ ആദ്യ ഇലവനില്‍ ഇടംനേടിയേക്കും. മോണ്ടനെഗ്രോ താരം നെബോസ കൊസോവിച്ചും വിബിന്‍ മോഹനുമാകും മധ്യനിരയെ നിയന്ത്രിക്കുക. പ്രതിരോധത്തില്‍ ജെയിംസ് ബോള്‍ട്ടണ്‍ കളിക്കും.
അതേസമയം വമ്പന്മാരായ മോഹന്‍ ബഗാനെ കഴിഞ്ഞ മത്സരത്തില്‍ പരാജയപ്പെടുത്തിയതിന്റെ ആത്മവിശ്വാസത്തിലാണ് നോര്‍ത്ത് ഈസ്റ്റ് യുണൈറ്റഡിന്റെ വരവ്. മോഹന്‍ ബഗാനെതിരെ ഇഞ്ച്വറി ടൈമില്‍ മലയാളി താരം എംഎസ് ഡിതിന്‍ നേടിയ ഗോളിലാണ് നോര്‍ത്ത് ഈസ്റ്റ് വിജയം നേടിയത്.
"
https://www.facebook.com/Malayalivartha
