കോവിഡ് പ്രതിരോധ നടപടികളുടെ ഭാഗമായി പ്രാദേശികതലത്തിലുള്ള വാര്‍ഡ് തല സമിതികള്‍ കര്‍ശന ജാഗ്രത തുടരണമെന്ന് ആരോഗ്യ മന്ത്രി .... റാപ്പിഡ് ആന്റിബോഡി പരിശോധനയുടെ രണ്ടാംദിനത്തില്‍, അഞ്ച് ജില്ലകളില്‍ നിന്നുളള സാമ്പിളുകള്‍ ശേഖരിക്കും. ആരോഗ്യപ്രവര്‍ത്തകരുടെ സാമ്പിളുകളാണ് ആദ്യഘട്ടമായി ശേഖരിക്കുന്നത്
കോവിഡ് പ്രതിരോധ നടപടികളുടെ ഭാഗമായി പ്രാദേശികതലത്തിലുള്ള വാര്‍ഡ് തല സമിതികള്‍ കര്‍ശന ജാഗ്രത തുടരണമെന്ന് ആരോഗ്യ മന്ത്രി കെ.കെ. ശൈലജ ടീച്ചര്‍ നിര്‍ദേശിച്ചു. മാത്രമല്ല റാപ്പിഡ് ആന്റിബോഡി പരിശോധനയുടെ രണ്ടാംദിനത്തില്‍, അഞ്ച് ജില്ലകളില്‍ നിന്നുളള സാമ്പിളുകള്‍ ശേഖരിക്കും. ആരോഗ്യപ്രവര്‍ത്തകരുടെ സാമ്പിളുകളാണ് ആദ്യഘട്ടമായി ശേഖരിക്കുന്നത്. റാപ്പിഡ് ആന്റിബോഡി പരിശോധനയുടെ ആദ്യ ദിവസം 100 ആരോഗ്യപ്രവര്‍ത്തകരുടെ സാമ്പിളുകളാണ് ശേഖരിച്ചത്. ഒന്‍പത് ജില്ലകളിലുളളവരുടെ രക്തസാമ്പിളുകളാണ് ആദ്യദിവസം പരിശോധിച്ചത്.
കാസര്‍കോട്, കോഴിക്കോട്, ആലപ്പുഴ, ഇടുക്കി, പാലക്കാട് എന്നീ ജില്ലക്കാരുടെ സാമ്പിളുകളാണ് ഇന്ന് ശേഖരിക്കുക. റാപ്പിഡ് പരിശോധനയില്‍ പോസിറ്റീവായി കണ്ടെത്തിയവരുടെ സാമ്പിളുകള്‍ പിസിആര്‍ പരിശോധന കൂടി നടത്തിയ ശേഷമാകും ഫലം ഔദ്യോഗികമായി പ്രഖ്യാപിക്കുക. അതിനാല്‍ ഫലമറിയാന്‍ നാല് ദിവസം വരെയെടുക്കും.
രോഗികളുമായി നേരിട്ട് സമ്പര്‍ക്കമുള്ള ആരോഗ്യപ്രവര്‍ത്തകരുടെ സാമ്പിളുകളാണ് പ്രധാനമായും ശേഖരിക്കുന്നത്. രോഗവ്യാപനത്തിന്റെ മൂന്നാംഘട്ടത്തിലാണ് കൂടുതല്‍ ആരോഗ്യപ്രവര്‍ത്തകര്‍ക്ക് കൊവിഡ് പൊസിറ്റീവായത്. സമ്പര്‍ക്കത്തിലൂടെയുളള 151 കേസുകളില്‍ 41 പേരാണ് ആരോഗ്യപ്രവര്‍ത്തകരായിട്ടുളളത്. ആരോഗ്യപ്രവര്‍ത്തകരില്‍ രോഗബാധ കൂടുന്ന സാഹചര്യത്തില്‍ ആശുപത്രികളില്‍ സുരക്ഷാക്രമീകരണങ്ങള്‍ ശക്തമാക്കണമെന്ന് ആരോഗ്യവകുപ്പ് നിര്‍ദ്ദേശം നല്‍കിയിട്ടുണ്ട്.
ഓരോ മേഖലകളിലും നിന്ന് ലഭിക്കുന്ന പട്ടികയില്‍ നിന്ന് ആരോഗ്യ വകുപ്പ് നിര്‍ദേശിച്ചിട്ടുള്ള എണ്ണം ആളുകളെ മുന്‍നിശ്ചപ്രകാരമല്ലാതെ തിരഞ്ഞെടുത്താണ് പരിശോധന നടത്തുക. ജില്ലയില്‍ പരിശോധന ഇന്ന് ആരംഭിക്കാന്‍ ജില്ലാ കളക്ടര്‍ എം. അഞ്ജനയുടെ അധ്യക്ഷതയില്‍ ചേര്‍ന്ന യോഗം തീരുമാനിച്ചു. കറുകച്ചാല്‍, തലയോലപ്പറമ്ബ്, ഉള്ളനാട്, എരുമേലി, ഇടമറുക് എന്നീ ആരോഗ്യ ബ്ലോക്കുകള്‍ കേന്ദ്രീകരിച്ചാണ് സാമ്ബിള്‍ ശേഖരണം നടത്തുക.
സാമ്ബിള്‍ ശേഖരണത്തിനായി വിവിധ മേഖലകളിലുള്ളവരെ അഞ്ചു ഗ്രൂപ്പുകളും അനുബന്ധ ഉപവിഭാഗങ്ങളമായി തിരിച്ചിട്ടുണ്ട്. ഓരോ വിഭാഗത്തിലും പരിശോധനയ്ക്ക് വിധേയരാക്കുന്നവരുടെ എണ്ണവും ചുവടെ
കോവിഡ് രോഗികളുടെ പരിചരണത്തില്‍ ഏര്‍പ്പെട്ട ആരോഗ്യ പ്രവര്‍ത്തകര്‍-100
മറ്റ് ആശുപത്രികളിലെ ആരോഗ്യ പ്രവര്‍ത്തകര്‍-100
ഫീല്‍ഡ് ജോലിയിലുള്ള പോലീസ്, ആരോഗ്യ പ്രവര്‍ത്തകര്‍, മാധ്യമ പ്രവര്‍ത്തകര്‍, തദ്ദേശസ്ഥാപന ജീവനക്കാര്‍, ആശാ പ്രവര്‍ത്തകര്‍, അങ്കണ വാടി പ്രവര്‍ത്തകര്‍, കൊറിയര്‍ സര്‍വീസ് ജീവനക്കാര്‍, ഭക്ഷണ സാധനങ്ങള്‍ വിതരണം ചെയ്യുന്നവര്‍ -50
റേഷന്‍ കട ജീവനക്കാര്‍, ഭക്ഷ്യവസ്തു വില്‍പ്പന ശാലകളിലെ ജീവനക്കാര്‍, കമ്യൂണിറ്റി കിച്ചണുകളില്‍ പ്രവര്‍ത്തിച്ചിരുന്നവര്‍, ബാര്‍ബര്‍ ഷോപ്പ് ജീവനക്കാര്‍, മറ്റു കച്ചവടക്കാര്‍-25
സംസ്ഥാനത്തിന് പുറത്തുനിന്ന് എത്തിയ ട്രക്ക് ഡ്രൈവര്‍മാരുമായി സമ്ബര്‍ക്കം പുലര്‍ത്തിയിരിക്കാന്‍ സാധ്യതയുള്ള ചുമട്ടു തൊഴിലാളികള്‍, വ്യാപാരികള്‍, വഴിയോര കച്ചവടക്കാര്‍ , വെയര്‍ ഹൗസ് ജീവനക്കാര്‍, വര്‍ക്ക് ഷോപ്പ് ജീവനക്കാര്‍, ചായ വില്‍പ്പനക്കാര്‍, ലൈംഗിക തൊഴിലാളികള്‍-12 അതിഥി തൊഴിലാളികള്‍-25
ഹോം ക്വാറന്റയിനിലും സര്‍ക്കാര്‍ സജ്ജീകരിച്ച ക്വാറന്റയിന്‍ കേന്ദ്രങ്ങളിലും കഴിയുന്നവര്‍-100,60 വയസിനു മുകളിലുള്ളവര്‍-100, കോവിഡ് സമ്ബര്‍ക്കപ്പട്ടികയില്‍ ഇല്ലാത്ത മറ്റു രോഗങ്ങളുള്ളവര്‍-25, ഡോക്ടര്‍മാര്‍ നിര്‍ദേശിക്കുന്നവര്‍ (കോവിഡ് രോഗികളുമായി സമ്ബര്‍ക്കമോ യാത്രാ പശ്ചാത്തലമോ ഇല്ലാത്തവര്‍)-13
വിദേശത്തു നിന്നും മറ്റു സംസ്ഥാനങ്ങളില്‍ നിന്നും മെയ് ഏഴിനു ശേഷം ജില്ലയില്‍ എത്തുകയും 14 ദിവസത്തെ ക്വാറന്റയിന്‍ പൂര്‍ത്തിയാക്കുകയും ചെയ്തവര്‍-25
കരുതല്‍ സാമ്ബിളുകള്‍-25
ആലോചനാ യോഗത്തില്‍ അസിസ്റ്റന്റ് കളക്ടര്‍ ശിഖ സുരേന്ദ്രന്‍, ജില്ലാ മെഡിക്കല്‍ ഓഫീസര്‍ ഡോ. ജേക്കബ് വര്‍ഗീസ്, പഞ്ചായത്ത് ഡെപ്യൂട്ടി ഡയറക്ടര്‍ ബിനു ജോണ്‍, കോട്ടയം മെഡിക്കല്‍ കോളേജ് ആശുപത്രിയിലെ സാംക്രമിക രോഗ ചികിത്സാ വിഭാഗം മേധാവി ഡോ. സജിത്കുമാര്‍, ആര്‍.സി.എച്ച് ഓഫീസര്‍ ഡോ. സി.ജെ. സിതാര തുടങ്ങിയവര്‍ പങ്കെടുത്തു.
"
https://www.facebook.com/Malayalivartha
